Валда ян/1929/03/Пяшкодемс сьоронь аноклама планць
Пяшкодемс сьоронь аноклама планць
Курок сайхть-ни тундань шадотне, а кшинь анокламась моли кальдявста. Февралень кшинь аноклама планць пяшкотьф анцяк 40 проц., мартть васенця 10 шистонза аноклаф сембоц 20 тьожень тонна сьора, а плантть коряс эряволь анокламс 60 тьож. тонна.
Мартть 10—15 шястонза сявомок йотафтф кафта недлянь пингонь сьоронь анокламась тейнек эряволь ладямс станя, штоба пяшкодемс мартонь плантть. Но и тя кафта недлянь сьоронь аноклама пингть сьоронь анокламась мельсь аф станя вишкста, кода эряволь. Сяс минь обласьцонок кафта недлянь сьоронь аноклама пингсь кувалготф тундань шадотнень самос.
Тундань шадотне тячи-ванды туйхть. Тейнек тя илядыкс аф оцю пингонять сьоронь анокламась сембя совецкай партийнай и лия общественнай организациятненьди келептема и вишкоптема станя, штоба китнень колемс анокламс сьора сатышка вйдьмоньди, ошненьди и сиця райотненьди, коса аф сатни синцень кшисна, тундань шадотнень йотамс.
Калгодоста люпштамась (товаронь аф максомась, равжа доскатне и ст. тов ) велень козятнень и кулакнень ланкс, конатнень лама лишнай сьоросна и аф макссесазь кшить питненц касоманц колга, эряви йотафтомс кемозта, апак потнезь, и сяка йоткть вятемс массовай раз‘яснительнай работа беднякнень и середнякнень йоткса, штоба синьгя лездольхть тя мероприятиятненьди.
Но тяса аф эрявихть юкснемс сиця эльбятькснень, конат ульсть кой-кона райотнень эса. Ульсть стама случайхть, коста фкя велеса сьорматкшнесть равжа доскас лама кемотть сокай ломаньда, коста кирьнекшнесть бойкоца аф аньцяк середнякт, но дажа бедняктка. Улихть дажа стама фактт, коста лийхнесть путфкст — сявомс сьоронь аф максыхнень кяцта модаснон, панемс шабаснон школаста и дажа панемс стамотнень обласьцтовок.
Нят ширемматне и аф виде кига пуворяматне эрявихть машфтомс коряннек, а кия пяк калафнесыень совецкай закоттнень, таргсемс сиця работнекнень совецкай суц.
Штоба кеподемс сьоронь анокламать, эряви вийяфтомс самообложениянь ярмаконь кочкамась, а станяк-жа паень кочкамась потребительскай и в.-х. кооперацияв. Эряви тя тевти кемоняста кундамс сембя совецкай, партийнай и общественнай работнекненьди.
Таргамс лишнай сьоронь максома середняксь эряви агитационно-раз‘яснительнай работа вельдя велеса и эрявикс товар и машинань эсь пингстонза аноклама вельде. Кда минь лац ладясаськ агитационнай работать, кда середняцкай массась лац шарьхкоцы сьоронь аноклама плантть пяшкодеманц важностенц, конань вельдя кеподеви СССР ть сембя народнай хозяйствац, эряви мярьгомс инголи, што середнякне макссазь сембя лишнай сьороснон.
Сьоронь аноклай организациятненьди аф эряви лафчоптомс сьоронь анокламась йофсикс и тундань шадотнень пингстовок. Сиця пингть сьоронь анокламась эряви вятемс кудга, макссомс сьоронь каяхненьди 50 проц. аванс, а рамаф сьороть кадомс ванфтомс сокайхненьди тундань шадотнень йотамс
Лафчста моли и апак тяляк сьоронь анокламась. Сьоронь аноклайхненьди, а сембода пяк Союзхлебти, тя тевсь аф эряви лафчоптомс и тундань шадотнень йотамстовок.
Сембя сьоронь аноклайхненьди, сембя партийнай совецкай и общественнай организациятненьди, мезе ули вийсна, кярьмодемс сьоронь аноклама тевти, штоба пяшкодемс облазть сьоронь аноклама планонц 100 проценц.
Сьоронь анокламась Сибирьса
Камышина велень мокшотне усксазь сьороснон государствати