УЛЬХТЬ УДАРНИК
Масторса инголи
Молихне минь.
Эряфонь тиихне,
Азорхне минць —
— Трудящайхне,
Ударниконь вийнеськ.
Партиясь вятинеськ.
Партиять тевонцты
Шорсихнень, вракнень—
Кистонок тяйсаськ.
Социализманкса
Инголи кинеськ.
Мяльнеськ минь фкя:
Кулачествать каршес
Тюремс и тюремс,
И кемоста ащемс
Партиять
Ленинскяй китьксса.
Касфтомс завоттнень,
Гиганттнень, совхоснень,
Хозяйственнай ширде
Колхоснень, артельхнень,
Кемокстамс
Кемоста, вишкста.
„Инголи сатфксонкса”—
Партиясь терди.
Анокт ударникне!
Кие минь кирди?
[ 86 ]
Серьгятькснень ширес
Аф кадсаськ!
„...Сатомс и йотамс”...
Валхне нят киень?
Минцень—трудяйхнень
Од эряфонь тииень,
Мяльнеськ тя минь,
Тяса уцяскась[1].
Колхозник, ударник —
Паксянь герой,
Тонь шачфтонзе-касфтонзе
Тянинь од койсь.
Ялгай, работак
Цебярьста, лацкас.
Вишкста, эсь пингста
Пяшкочнемс платтнень,
Срафнемс пизоснон
Лядыкс кулакнень.
Классфтома эряфти —
Тянинь задачась.
Тянкса тонга,
Поэт, очеркист,
Эряфти, васенце
Ряттненди листь,
Ульхть ударник
Строительствать эса:
Писателень валса,
Мороса, азксса
Странати минцень
Геройнеконь азсаськ,
Няфтьсаськ тевса,
Аф йофксса.
Саты ни казендемс
Панчфненди мороцень,
Ширес тя пингова
[ 87 ]
Пиже пря поратнень,
Тяшттнень и ковтьке
Ваймама кадомс.
Аньцек трудсь—
Ударникть работац
Азкссот улеза
Васень заботась.
Тонафнек, эряфста
Штоба аф лядомс.
Кеме и минцень
Пераце тонь улеза,
Эряфонь увфста
Пилеце кулеза
Азксонди, моронди
Тянинь од темат.
Содак и мяляфтк—
Эряфть эрь сатфксоц
Инголи классфтома
Эряфти аськолкст.
Аськолкснень, сатфкснень —
Трудяйти поэмакс!
- ↑ Уцяска—счастье
|
|
