ГАЙФНЕСАСЬК ЗОРЯТНЕНЬ
Лама минь мораме
Морот шить стяманцты,
Гайфнеме шовдавань
Зорятнень эса.
Вадендеськ мяльнеконь
Эрь каготкять шаманцты,
Кеняндезь, мораень
Перышка песа.
Морасаськ сембонь —
Мезе минь няйхтяма,
Сьормадсаськ, мярьктяма:
„Пара лийкстак ни...”
Но эряви азомс,
Видесь аф вельхтяма,
Алашать, ялгат,
Юкстаськ минь.
— „Тят вов поэтт,—
Колхозниксь — ударниксь,
Абончнезь, пеедезь
Колганок корхни,—
Коса жа алашась?
Коса свинарниксь?
Кали поэттне
Эсть неенде йофси?...”
— Рана юкстамасть,—
Цяфай эрь алашась.—
Партиять путфксонц
Аф йотнема вакска.
Лятфтасаськ: улемс
Алашать маласа...
[ 65 ]
Видема пингти
Сонь анокламс лацкас...
— „Содасть, вийда
Эсон монь лама.
Цебярьста яказь
Сонь ламода касфтсасть.
Мархтонт миньге
Лездыхть ульхтяма,
Темпонкса видемста
Вийнеськонь макссаськ.
Мяляфтость, коряван
Ашкозе улеза,
Кольфт тяст уленде
Сокамста мяштьсон.
Сатомшка корманкса
Кемоста тюреда,
Вракне тяст салсе
Пинепнень эшксстон.
Танга аф лама,
Хоть вешемась визькс,
Но мяльнеськонь
Шарьхкодесть тиньге:
Кардсонок
Сидеста уленди пезкс...
А коськонять
Кельголеськ миньге.
Сембе. А морайть
Аф токасаськ минь:
Содасаськ, ширезнок
Моронц аф шарфтсы;
Содасаськ: ули
Аф мялезост синь,
Мзярда колгаст
Минь ялганеськ парксни”...
Шарьхкотьф. Сави
Прянь комафтозь мярьгомс:
Виде, вдь ширеса
[ 66 ]
Алашась, ялгат.
Да кода жа
Тяфтане эздонза эрьготьф?
Кали минь яксеме
Кельме ковть ланга?
Алашать мархта
Минь аляньке шачсть,
Соксесть мода,
Яксесть извозска...
А йотай кизоть
Бригаданеськ сатсь
Сонь вельденза
Васенце казьнеть колхозста.
А нинге:
Мзярда моданьке палсь,
Лангознок яцесть
Акша бандиттне,—
Буденнаень конницац—
— Якстерь шквалсь,
Персезень акша
Бандиттненди китнень.
Миньге, тинь няйсасть,
Эряфть тийсаськ,
Касфттама темпнень
Моротнень эса.
А алашать,
Арьсесть,— юкстаськ!..
Зорятнень гайфнеме
Перанеконь песа.
Саранск, 18/II 1933 к.
|
|
