Zorda Franco
ZORDA FRANCO, flen legudik oba, keredakel elas Nunal Nulik e Rivista Filatelica (Revid mäkavik) edeilom 1892 febul 11.id sukü hitip zebüma. Älabom yelis 23!
Zorda pemotom 1868 setl 13.id; estudom in lejuls kaenik; in yel 1888 evedom disaliÖtan in « regan lapik lulid »; sus 1890 sulogel in Gasinafablüd isik. Ematom vomüli Marelli Annita 1890 otul 8.id, e 1891 setul 24id evedom fat jipula Fernanda. Te pos muls lul älüvom jimateli e jisonili pelöfölünis, ä palefanis e flenis netlodlik oma.
Zorda äbinom volapükan betikälik e dunöfik, id as keredakel bledas oba vpik e mäkavik, ä penädan komitefa Feda vpik tälänik.
Zorda äbinom flen e kopanal legudik, pekulivöl e mükik, manifälik e nobälik, löföl valikosi ätefos sapi, nolis, mostepi; äklödom in levikod finik volapüka obas; ed i in lovopüken lätik deilöla älilobs vödis: volapük! Bergamo! (bi omutomöv beginön ebo tidami väbalüdelik volapüka in zif et sukü pükat oba üso!).
O flen legudik obas, negelo mem olikas tugas e flenöfa odepubom!
Se Nunal nulik 1892, Nüm: 2, Pad: 8.