Zachopjeńk nalěśa
| nadpis | Zachopjeńk nalěśa |
|---|---|
| awtor | Jan Bogumił Nytška |
| lěto | 1871 |
| žrědło | Łužičan, No 5/1871 b. 68 |
| licenca | public domain |
Słyńco grějo, sněg roztajo:
Z rowa stawa stwórba zas!
Šmica juž a mjatel grajo,
Wužeńc wě swój gódny cas!
Žyto rosćo, škobrjonk spiwa,
Wuchac ženjo do póla;
Wóda šwarcy, žaba plěwa;
Wěz a rokit hubija.
Źož pósłyšnu, źož poglědnu,
Lutne źiwy namakam!
Zemju zasej nowu, rědnu
Luby Bog nět pyšni nam.