Ych kaont amöł a makia siejn

←

Ych kaont amöł a makia siejn
by Józef Gara

„Wymysöjer śtytła” – miasteczko Wilamowice oraz jego osobliwości zawarte w zbiorze piosenek wilamowskich Józefa Gary

→

113584Ych kaont amöł a makia siejn — „Wymysöjer śtytła” – miasteczko Wilamowice oraz jego osobliwości zawarte w zbiorze piosenek wilamowskich Józefa GaryJózef Gara

[ 34 ]

Ych kaont amöł a makia siejn

Ych kaont amöł a makia siejn,
an ynda wułd ych cünum gejn.
An uf ys zaon an benum zajn,
es kunt amöł łaocha cy fajn.
An uf ys zaon an benum zajn,
es kunt amöł łaocha cy fajn.

Cym pössa wiöes ny cy faojł,
z was inda dy wajsa pella ym maojł.
Zaj łypa wiöen wii ruuza rut,
zaj waonga wiöen wii myłich an błüt.
Zaj łypa wiöen wii ruuza rut,
zaj waonga wiöen wii myłich an błüt.

Zaj wüchs wiöe wii a siejn ficht,
di uf kar graop zit maon zy ny grycht.
Dy brysta ym gyśtaołt wii haołela wiün,
cwü siejny hend dy fis wii cwej śpöen.
Dy brysta ym gyśtaołt wii haołela wiün,
cwü siejny hend dy fis wii cwej śpöen.

This work is licensed under the Creative Commons Attribution-ShareAlike 3.0 Unported license.