Wailana
E ke aloha e maliu mai ʻoe
ʻOiai ke aloha i ke kino
Ua kui a paʻa ka lei
I wehi hoʻoheno no ka lani
Hui:
ʻAuhea wale ʻoe ke aloha
Laʻau hoʻoulu i ke kino
I laila kāua e pili ai
I ka ʻolu o Wailana
Ua lana loko i ka makemake
I ka nani aʻo Mailehahei
I ʻuhene i ka poli o Maliʻo
I ka nē maluaka a ka wai
Ua laʻi no wau me Hiku
Me ke ʻeuʻeu o ke kualono
I walea i ka kiu ʻōhelo
ʻAi ʻono a nā manu
|
This work was published before January 1, 1929 and is anonymous or pseudonymous due to unknown authorship. It is in the public domain in the United States as well as countries and areas where the copyright terms of anonymous or pseudonymous works are 100 years or less since publication. |