Velib malamas mödik
CAMBRIDGE, MASS., 7ul, 19id.
Söl Redakel:
Klödob das no kanon tuvön in nelijapük velibi kel labom malamis plu ka “to get”. Zesüdos beginele nelijapuköl memön egelo das vöd vpik getön kanom te pagebön in sets sümik ate: Getob penedis vädelo, kel palovepolom “I get letters every day.” Ut kel penom selänele no kanom binön tu kudik in memön das vöd alik Volapüka labedom malami te bal. Ojonob modis zül lovepolön velibi ot, “He is getting rich” malom das vedom liegik, ab “I shall get a diploma” binos odagetob dipedi, e “Get on your bicycle” vedos volapüko monitolöd vifafuti olik, du “to get on” kanos binön in set votik mostepön. Sagon “Get out of th ehouse” also, segololöd se dom, ab “Get it out of the house” also, sezugolöd omi se dom. Velib “to get through” binom ba finön, ba golön da, e “to get there” luvelatiko nakömön us. Vo no egivob nog jöldili malamas veliba selednik at, ab lenadel ologom das mutom kapälön malamis fümik dölas kelis desidom sagön u penönk, ed if kofudil anik sibinom blamomöd nelijapüki, no volapüki.
Se Volapük: Gasedil mulik püka bevünetik 1888, Nüm: 1, Pad: 7.