Vödem redaka, VpN 1955, Nüm: 6
Soäsä reidans obsik sevons nendoto, redakans nuik Volapükagaseda pro Nedänapükans evedoms ze bäldiks. Balan erivon bäldoti yelas 90 e votan yelas 86. Obs bofik cedobs kluo, das tim ekömon ad lovegivön pösodes yunikum dunodis, kelis labülobs in Volapükamuf. Läbiko eplakobs, das söls: ‚F. J. Krüger‛ e ‚P. H. J. Uittenbogaard‛ binoms klieniks ad lovesumön bligädi obsik. Söl: ‚Krüger‛ binom kevoban nolavik Kadäma Nedänik regik nolavas in ‚Amsterdam‛ e söl: ‚Uittenbogaard‛ binom tidal püka e literatava Fransänikas in ‚Hilversum‛. Dalobs kludo lükonfidön omes ko konsien takedik gasedi obsik, e spelobs ladöfo, das dü redakam omas gased ofloronös ed oglofonös!
- Redakans:
Volapükaklub valemik Nedänik: Doküms
Se Volapükagased pro Nedänapükans 1955, Nüm: 6, Pad: 21.