Urtijëi
Urtijëi
Ce bel udëi ie Urtijëi!
Sce cunscidrëis medrë la cëses
o sce giauriëis n pue la rëjes,
udëis ben prësc y anzi dlonch:
tan bel y nët y dut adrët,
metù a post, njenià ite
tan bën dedora che dedite.
La jënt se prova po tan bën ch'i pò
de fé de drë biei lëures mo.
I lëura per l plu de sanc,
y fej po tan de biei auteresc,
sambën de zirm y no de leresc
y duc chisc lëures de valor
njini ca cun gran amor.
Sën ie Gherdëina na valeda
dlonch ora scialdi numineda y laudeda.
Y n dij che l ie dinrer da udëi
N tel bel luech sciche Urtijëi.
- Seniëur Batista Ploner de Sotanives-Sëlva