Una Aldeana del Concejo de Gijón al Principe de Asturias

by Xosé Caveda y Nava

-" Neñin del alma queridu,
¿ Quién te traxo por acá,
Tan risueñu y tan hermosu
Como la flor de San Xuan ?
Bien venido: Dios te guarde
Pa consuela de to Má,
Que, apuesto yo, que te mira
Corro el enfermu al cordial,
Y como al agua de Mayu
La amortiguada heredá.
¡ Que güeinos I ¡Que boquina,
Y que llabios de coral !
Nin la cereza temprana
Nin la rosa al despuntar,
Cubiertes de la orbayada
En el huerto de mio pá
Son más galanes que tú,
Más por cierto de admirar.
¿Quién te dió esa risiquina
Que tanta gracia te fai,
Y esi mirar gayasperu
Y esa bondá celestial ?
Cuando pones pucherinos
Y una llágrima no más
A los tos güeyos asoma,
Rabiando por escapar,
Quixera comete á besos,
Queréte como to Má.
" Reitán del alma queridu,
Veyura que hechizos dás,
Pareces en mió concencia
Un anxelín del altar
Cuando lu visten les monxes
Pal día de Navidá.
Yo achochezco ; alguna xana
Tan hechiceru te fai,
Pa cautivar corazones
Y rendir la voluntá.
Esi gorriquín que lleves,
Non puede estar más galan
Con sos pelres y sos flores
Y su menudu cendal .
¿Y les faches ? ¡ Ay que hermoses !
Non les atopaste acá:
Benieron, apuesto yo,
Col llino de sobremar.
" Pero fáltate la cigua:
¿Y quien sin ella te trai,
Andando pel mundo bruxes,
Que te pueden agüeyar ?
Tengo una yo de acebache,
Bien curiosina en verdá,
Que la punxe munches veces
De pequeñucu al mió Xuan:
Has atála na muñeca
Con medides de Candás,
Y pondraste más llozaun
Que cuantos neñinos hay.
¿ Riste ? pos non ye mentira,
Y tu mismu lu veras,
" Apuesto yo á que me entiendes,
Anque non sabes falar.
¿ Non lu veis ? Los braciquinos
Hácia min tornando está,
Y parez que de so boca
Un besín se va á escapar.
No é verdá que ye pa mí ?
Tráilu, reitán, tráilu acá,
Que lu quiero, y non lu dó
Por cuanto val el llugar.
Déxame ponete en cuello,
Falagáte á voluntá,
Que xuegues con mios corales,
O que dormiéndote en paz,
Descanses sobre el mió senu,
Fartucu de treveyar.
Non quiés, neñin ? Tengo date
Bollinos de pan candial
Y rosquies de la Pola
Y nata de calidá.
Cereces guardo pa ti,
Y manzanes á fartar,
Y ñisos y cirigüeles,
Y los figos de San Xuan.
" Hemos de fer xiblatinos
De salgueru y castañal,
Y dir en busca de ñeros
De cerica y fraypayar
Con paxarinos pintados
Que en to mano piarán,
Y güevinos como pelres
De que has facer un collar.
Comigo irás á la fuente,
Comigo al huerto vernás,
En pos de les mariposes
Asentades nel rosal,
O á coyer freses madures,
Que ya esperándote están.
Allí entre xuncies y flores
Echadín descansarás,
Oyendo los paxarinos
De rama en rama cantar.
Y les brises que trebeyen
Co la flor del romeral,
La to carina encendida
Lliv ianes refrescarán.
Yo les llevaré hácia tí
Con un ramu de pomar,
Empapades en esencies
De trébol y naranxal,
" Si tu quies, dempués iremos
Donde les vaques están,
Y allí verás los xatinos
Reblincando acá y allá,
Y el nevadu corderín
Que empieza agora á mamar.
Y tengo dátelu yo,
Que no hay otru más galan,
Pa que lu lleves al pradu,
El delante y tu detrás,
Guiándolo despacín
Como al que á la llende vá
Co la verdasca na mano
Por si afalálu te plaz,
Col cordón de la cotilla,
que ye de seda torcial,
Y un collar fechu de flores
Y de xunclos al empar,
Lu tendremos atadín,
Que no escape con so má.
Y mandaré que te faga,
Al rapaz del sacristan,
Un carriquin de madera
Con ruedes y pertegal,
Pa que el carnerln lu arrestre
Sometidu al to vagar.
Cargaráslu de tarucos,
O fueyes de castañal,
O garavinos del monte,
O cascarines del mar,
Y dirá pe la caleya,
Cantando que cantarás
Fasta dar é na quintana
A la puerta del corral.
" Otres veces , si tu quies,
Asentada cabo el llar ,
Estaré como que duermo,
Y tu callandín vernás
A meter na mió corexa
Les manines al empar;
Y has sacales todes llenes
De rosquies, ¿ no he verdá ?
Y tó féme que despierto,
Y tu ríe que rirás
Mirarásme gayasperu
Como quien la suya fa.
A dormir volveré yo,
Y tú tornarás allá,
Fasta vaciar la corexa.
Fartucu de treveyar
Sin que en ella quede ripiu,
Ni el rosariu, ni el dedal,
Nin tiseres, ni aguyeru,
Nin cosa que preste ya.
Entos mirarásme en tientes,
Y direte yo: " No hay más "
“Acabose el pan de bodes,
" Y la moza por casar ".
En pudiendo tu valéte,
Que ya non te fagas mal
Sin traspieses, nin galanes,
Derechu como un Roldan,
To llevate á les fogueres,
Y á la fiesta de Candás.
Y á la esfoyaza y al sallu
Y á la ermita del pradal.
Allí entre lluces y flores
A tos anchures verás
El neñin que tien la Virxen
LIenu de gracia y de sal,
Tan hermosu que ye cosa
De amálu siempre xamas.
Co les manines á Dios,
En tientes lu has de mirar,
Y pa que te quiera bien,
To enseñate yo á rezai,
¡Ay señor! ¡Qué gustu ha ser !
¡ Como te divertirás !
 “Yes amigu de cantares?
Pos sé yo más de un miar.
Añándote na cunina
Reposáu como un abá,
Mientres cierres los güinos
Y empieces á pigazar,
Cuando de les tos manines
Caiga el zoquetin de pan,
La risiquina e nos llabios
Y en el corazón la paz,
Empezaré el ora, ora,
Que sueñu y galbana dá.
Y sinon te quies dormir
Y ye cosa que te plaz,
Cantarete les folies,
Les lletres de Navidá,
El son de les esfoyaces
Con so pebre y so azafran,
Y " Ay! el galán de esta villa,"
Que ha gustáte en mió verdá .
" Dexaréte entrar e narca
Y el estoyu caciplar,
Donde guardo los corales,
Les sorties de metal,
El chupador y les cigües,
Les medides de Llugás,
Los escapularios nuevos
Del Cármen y del Portal,
La regla de San Benito
Y el llibru de confesar.
Pos todo esto ye pa tí
Y con ello munchu más.
 Cuando vayas pa la escuela,
¡ Qué guapiquín has de estar !
To ponéte calzoncinos
De botonada formal;
Un chalequín de cien flores
Con medides á fartar,
Y la montera de pana
Tiradu el picu hácia tras,
Col ramu de siempre vives
O plumes de pavu rial.
Terciadica e nel costazu
La chaquetina has llevar,
Pa que lluzcas la camisa
Tan limpia como un coral,
Callentada con lloreu
Bendecidu nel altar,
que arrecienda de cien legües
A frescura y sanida.
Has de calzar zapatinos
Con un llaciquín da ral ,
Anque cuesten e na Pola
Mediu celemín de pan.
Y del mió pañu de seda
Que vieno de sobremar,
Arreglaréte una faxa
Como los homes la tran.
¿ Falta daqué ? ¡ Digo yo !
¿ Era acasu de olvidar
El garrotín con sos ñudos
De bon espinu negral ?
Pos tendráslu pa que seas
El más cucu y más galán,
Embelesu de les moces
Y veyura del llugar,
" Pero qué digo ? Estó lloca;
Amoriada en mió verdá.
¡ Ay, que sólo aquí veniste
Ave de pasu y no más !
¡ Ay, que non naciste tu,
Pa vivir en mió llugar !
Diz que Dios te tien guardadu
En so enfenita bondá,
Pa gobernar esta tierra
Y llibertarla de mal ;
Diz que Préncipe de Asturies
Non te dexa aquí to Má,
Y que vives en Madril
Entre xente prencipal.
¿ Si ansí ye, pa qué veniste
! A facénos enaguar,
Y conocéte y marcháte,
Y quiciás non véte más ?
 "Cuando mandes el Conceyu
Acuerdate bien de acá:
Abáxamos les gabeles;
Fai por que tengamos paz;
Dános veredes sin cuestes,
Que de pelres nos vendrán;
Y en Xixón llevanta un muriu
Pa servir de brigadal
A los navios que agora
Non pueden llegar allá.
De Covadonga á la Santa
Llabrai una catredal,
Y yo rezaré por ti
Y ella te lo pagará.
Adiós, anxelín hermosu;
Que non te asoceda mal:
Llévesme el alma contigo;
Déxesme lloru y pesar.