Uluwehi O Kaʻala
Uluwehi ka luna o Kaʻala
Kāhiko ʻia mai la e ka ʻohu
ʻAlawa kuʻu maka i luna
Ka piʻo a ke ānuenue
Alawa kuʻu maka i lalo
Ka hulali a ka wai liʻula
ʻAuwana i ke kula o Leilehua
Me ka ipo honehone o ke aumoe
Hui:
Pā mai ka makani he Moaʻe
Hōʻinoʻino nei i ka manaʻo
I laila māua i pili ai
Me ka ipo honehone o ke aumoe
Hoʻohihi aku au e ʻike
I ka wai aniani o uka
ʻOia wai one a ka manu
Kaomi ana i ka manaʻo
O ke ahe mai a ke kēhau
Hali mai ke ʻala onaona
Olu laʻi ka walea ʻana iho
Ma ka poli nahenahe o kuʻu ipo
|
This work was published before January 1, 1929 and is anonymous or pseudonymous due to unknown authorship. It is in the public domain in the United States as well as countries and areas where the copyright terms of anonymous or pseudonymous works are 100 years or less since publication. |