[ 2 ]
- LON INSA TOMO - SUNO OPEN
JAN KUNTULI li lape lon supa lape. walo li kama tan lupa tomo ona la ona li kama tan lape.
JAN KUNTULI
a! tenpo suno sin!
JAN KUNTULI li kama lukin e ko nasa lon ona.
JAN KUNTULI
pakala a! nasa ni li seme?
ona li alasa weka e ko nasa tan ona. taso ko nasa li awen lon.
JAN KUNTULI
ike a! o weka!
JAN KUNTULI li luka wawa e len ona.
JAN KUNTULI
(kepeken wawa)
tenpo lili la, jan pona mi li kama lon tomo mi. ken la lukin mi li ike
tawa ona tan ko nasa.
JAN KUNTULI li tawa e len ona lon alasa pi weka ko.
JAN KUNTULI
(lon awen toki)
ona li lukin e nasa mi la... ona li ken lukin anpa tawa mi... li wile
ala olin e mi...
kalama pi lupa pi tomo ona.
JAN KUNTULI
a! pakala!
alasa pi JAN KUNTULI li kama wawa lon kute pi kalama lupa.
lupa li open. JAN TU li lon poka tomo. SOWELI li lon luka ona. JAN TU li lukin tawa JAN KUNTULI. lukin la, JAN TU li pilin pi sona ala.
JAN KUNTULI
(kepeken pakala lili, tawa JAN TU)
a! toki, jan Tu o!
JAN TU
(kepeken pilin pi sona ala)
toki! ...sina pali e seme?
JAN KUNTULI li alasa len e ko nasa. JAN TU li awen lukin tawa ona.
JAN KUNTULI
a, ala, pali mi li suli ala. seme li lon?
SOWELI li kama tan luka pi JAN TU li tawa JAN KUNTULI. ona li pilin e JAN KUNTULI kepeken nena kon.
SOWELI
mu! MU! MU MU MU!
JAN KUNTULI li alasa luka e SOWELI. taso SOWELI li weka tan luka pi JAN KUNTULI.
JAN KUNTULI
(tawa SOWELI)
a...
JAN TU
(tawa SOWELI)
soweli o, seme li lon? tenpo ante la sina mu pi mute ala sama ni.
SOWELI
MU! mu mu! mu. MU MU MU MU!
SOWELI li pana e sinpin pi pilin jaki.
JAN TU
(tawa JAN KUNTULI)
ken la sina ike tawa ona.
JAN KUNTULI
a... ni li ken. ike a...
SOWELI li mu mute, li kama sin tawa JAN TU. ko nasa lili tan JAN KUNTULI li lon selo ona.
SOWELI
MUUUUU!!!
JAN TU li luka e SOWELI.
[ 4 ]JAN KUNTULI
(tawa JAN TU)
a... ante la tan seme la sina kama ala lon insa tomo? mi monsuta ala
li moli ala e sina, a a.
JAN TU
(lon toki kuntu)
taso sina monsuta mute a...
JAN KUNTULI
(lon awen pi toki kuntu)
ala! ni li powe!
ona tu li awen pilin musi. JAN TU li tawa insa tomo. SOWELI li tawa lon poka.
JAN KUNTULI
o kama pona tawa tomo mi, o jaki ala e ona.
JAN TU li pana e sinpin pi pilin musi.
JAN KUNTULI
sina wile ala wile e moku?
JAN TU
mi wile e moku! moku li pona mute tawa jaki tomo.
JAN TU li kuntu. JAN KUNTULI li oko e JAN TU.
JAN KUNTULI
ike a, tomo mi o jaki ala... soweli o pona e mi!
SOWELI
mu mu...
JAN TU
(sama monsuta)
soweli mi li ken moku e moku ALE sina. kin la ona li ken jaki e tomo
ale sina.
JAN KUNTULI
a a, ike! taso ona o moku ala e moku ale! ona o awen e moku lili tawa
sina.
JAN TU
ala, ona li moku e mi kin.
JAN KUNTULI
(lon kuntu)
pilin mi la, soweli li moku e sina la, ona li pilin jaki...
JAN TU li oko e JAN KUNTULI.
SOWELI
mu!
JAN KUNTULI
a a. ona la toki mi li lon!
SOWELI
mu mu!
JAN TU
ala...
JAN TU li pana e luka ona tawa uta SOWELI, li alasa pake e kalama ona.
JAN KUNTULI
ike, o pake e ike tawa soweli! mi o pali e moku!
JAN TU
a a, mi pakala, mi pakala.
JAN TU li weka e luka ona tan SOWELI. lukin la SOWELI li pilin ike. JAN KUNTULI li kuntu. ona li tawa poki pi lete moku.
JAN KUNTULI
(tawa weka)
jan Tu li musi mute... mi wile musi sama ona...
JAN KUNTULI li alasa jo e moku. taso lukin la moku li ken kama anpa tan pakala.
JAN TU
...sina pona ala pona? lukin la moku li ken tawa anpa a.
JAN KUNTULI
(lon awen alasa)
a, ala! mi sona e nasin.
SOWELI
mu!
JAN KUNTULI li tawa e moku lon supa. pan en kasi li lon.
JAN KUNTULI
ni li pona ala pona tawa moku?
JAN TU
pona mute! sina pona a.
JAN KUNTULI
aa, sina pona kin. o moku!
JAN TU li kama luka e kasi, li pana e ona tawa uta ona. JAN KUNTULI li pali sama.
JAN TU
(kepeken pilin jaki)
ike! kasi ni li ike mute a.
JAN TU li weka e kasi tan uta ona. JAN KUNTULI kin li pana e sinpin pi pilin jaki.
JAN KUNTULI
(kepeken pilin apeja)
a, ike... mi pakala, ken la ona li kama ike tan tenpo. ken la...
JAN KUNTULI li pake e pilin apeja, li kuntu lili.
JAN KUNTULI
(lon musi)
...kasi ike mute li lon ma mi, kasi ike mute li lon~
JAN TU
a a, lon!
(kepeken kuntu kin)
o weka e lawa, ona li sin ala...
JAN KUNTULI & JAN TU
(kepeken kuntu, lon tenpo wan)
...kasi ike mute li lon ma mi!
JAN TU
a! jan pan! jan pan li pona a.
JAN TU li luka e pan. lukin la, selo pan li sama jan.
JAN KUNTULI
jan pan?
JAN TU
lon, ona li lukin sama jan. o lukin!
JAN TU li luka li tawa e pan, li musi.
JAN KUNTULI
ona li lukin sama jan? ona li jo e oko, anu seme? a a!
JAN TU en JAN KUNTULI li kalama musi kepeken uta.
JAN TU
a a ala!
wawa la, JAN TU li weka e pan tawa anpa.
JAN TU
(kepeken kalama suli)
AAA! IKE!
JAN TU li weka tan supa kepeken wawa. lukin la, ona li pilin monsuta mute.
JAN TU
SEME A?!
SOWELI
MU!
JAN KUNTULI li lukin ala e pan, li awen lukin tawa JAN TU. SOWELI li tawa wawa.
JAN KUNTULI
seme li kama lon?
JAN TU
(kepeken pilin monsuta)
OKO LI KAMA LON ONA!!
JAN KUNTULI li kama lukin e pan lon supa anpa. ona kin li kama pilin monsuta.
JAN KUNTULI
AAA!
JAN KUNTULI li tawa poka pi JAN TU kepeken wawa.
JAN TU
NI LI LON TAN SEME?!
JAN KUNTULI
MI— MI SONA ALA!
ona tu li awen lukin e pan lon anpa, li alasa mute e kon. tenpo pake mute li pini la, ona li tawa lili tawa pan.
JAN TU
tan... tan seme la ni li lon...?
JAN KUNTULI
(lon lukin pi pan jan)
mi sona ala...
JAN TU li lukin e pimeja lon lupa tomo.
JAN TU
a, ike... suli li lon. o lukin tawa lupa tomo...
JAN KUNTULI li pilin monsuta lon lukin.
suno li weka tan tomo. kasi ike mute li pake e suno tawa lupa lukin. kasi ike mute ni li pimeja mute, li monsuta lukin mute. ona li pana e ijo ike sama kule pi ko nasa.
JAN KUNTULI
AAA ike!
SOWELI
MU! mu mu MU mu mu!
JAN TU
ni li tan seme? ona li monsuta mute...
JAN KUNTULI
ona li... ken ala ken moli e mi?
SOWELI li mu mute, li pilin e JAN KUNTULI kepeken nena ona.
JAN TU
(tawa SOWELI)
a, sina pali e seme? o pake e pilin ike tawa jan Kuntuli!
SOWELI
MU! mu mu!
JAN KUNTULI
pilin mi la, ike ante li suli tawa ni...
SOWELI li awen tawa, li nena e sijelo pi JAN KUNTULI.
JAN TU
(kepeken tenpo mute)
kasi ike li kama lon... kasi ike mute li lon ma mi- o awen, ni li tan
sina, anu seme?
JAN KUNTULI li lukin anpa tawa SOWELI.
SOWELI
MU!
JAN KUNTULI
ni li... tan mi?
JAN TU
lon... ken la, sina musi e kasi ike la ona li kama lon. sina musi e
oko lon pan la ona li kama lon.
pake lili.
lukin la, JAN KUNTULI li alasa sona pona.
[ 10 ]JAN KUNTULI
a... ike! taso, tan seme?
SOWELI li awen nena e JAN KUNTULI. tan ni la, JAN TU li tawa li lukin e len pi JAN KUNTULI kin.
JAN TU
(lon awen lukin tawa JAN KUNTULI)
ni li wile sona pona... a!
JAN TU li luka e ko nasa lili tan JAN KUNTULI.
JAN TU
ni li seme?
JAN KUNTULI li kama lukin kin, li alasa weka e ona kepeken luka.
JAN KUNTULI
mi sona ala... ona li ken ala weka tan mi.
JAN TU
a, ken la... ni li tan pi ike lon!
SOWELI
(lon pilin pipi)
mu...
JAN TU li alasa weka e ko nasa kepeken luka kin. taso ko nasa li awen lon.
JAN TU
ona li awen lon, li ike e sina a.
JAN KUNTULI
mi ken weka e ni kepeken nasin seme? mi wile ala e ike lon tenpo ale!
SOWELI li uta e len pi JAN KUNTULI li alasa tawa e ona tawa lupa.
JAN KUNTULI
(tawa SOWELI)
a, seme?
SOWELI
mu!
JAN KUNTULI
a... mi sona. mi lukin tawa pilin mi la, pini pi ale ni li ken lon
weka, lon insa pi kasi ike... mi wile alasa e ona!
JAN TU li luka e SOWELI, li weka e uta ona tan len.
JAN TU
sina tawa seme?
JAN KUNTULI
mi sona ala e nasin, taso mi sona e ni: mi wile alasa e jan ike pi ale
ni. mi utala e ona la, ijo ale ike li ken kama pini!
SOWELI
mu!
JAN TU li pake lili. lukin la, ona li alasa sona pona.
JAN TU
(kepeken tenpo mute)
taso... sina ken moli lon utala, anu seme? o moli ala!
JAN KUNTULI
(tawa weka)
tenpo ale la, jan Tu li wile e pona tawa mi... ona li jan pi pona mute
a.
(tawa JAN TU, lon lon)
a, ala, mi ken moli e ona!
JAN TU
(kepeken tenpo mute lili)
a... taso, sina tawa la, mi wile lon poka sina. mi wile ala e moli
sina.
JAN KUNTULI
ni li nasin pona!
JAN TU
a, ni la, mi tu o open tawa?
pake lili.
JAN KUNTULI li awen isipin, li tawa ala.
[ 12 ]JAN TU
...anu ante? tan seme la sina awen lon?
JAN KUNTULI
a... mi pilin e ni: sina...
JAN KUNTULI li pake mute. JAN TU li awen tawa toki ona.
JAN TU
...mi seme?
JAN KUNTULI
sina... jan pi pona mute.
JAN TU
a! sina jan pona kin. mi tu o open anu seme?
JAN KUNTULI
pona! tenpo tawa!
SOWELI
mu!
ona tu li tawa lupa tomo. SOWELI li tawa lon poka ona.
