Tatar oğlu tatarım
Tatar oğlu tatarım,
Tüp-temelden tatarım.
Ata Çınğız kününde
Adam olğan tatarım.
Qırda doğıp, atlı ösip
Qımız ile beslengen.
Tatar oğlu tatarım,
Qalqan ile bezengen.
Qırlar maña ola kelgen
Vatan ezelden.
Çin tavında aş aşap,
Su içem men ezelden
Bir ayağım Asurda,
Biri Salğır boyunda.
Timur kibi cigitler
Bek de köptir soyumda.
Bir selamğa, bir tütünge
Bir qırallıq satarım.
On eki hanğa tac berip,
Cigit olğan Tatarım.
Atqa minsem toqtamam,
Cian çevirgen tatarım.
Ankarada sultannı
Esir tutqan tatarım.
|
This work was published before January 1, 1929, and is in the public domain worldwide because the author died at least 100 years ago. |