Tant che sior Nicolò avess umor
Al Signor Niccolò N. N.
SONETTO
TANT che sior Nicolò avess umor
Di pöetà sore la caramade,
E d'intacà fra i prins lu sior Dotor?
Potenzie-chiate-fuur l'avès chiatade!
Us sai a dì,che in dute la brigade
Vo plui di dug avès chiatif savor,
Dal formadi, e dai pìs pa 'l trist odor,
Dute cheste gran chiase jè infetade.
No ocor ch' al trati i altris di minchions
Cui cu mostre une ment tant dissignestre,
E l'abit e 'l cerviel puarte a florons.
Se jess la me virtut fuur pe' fignestre
Dal cùl, vo podès ben cun mil rasons
Chiolile su cul nas, che sarà uestre.