Talk:Mattheo Capitulo 11
Add topicCAPITULO 11
Mat11:1
E il occurreva que quando terminava Jesus de dar instructiones al dece-duo discipulos sue, ille departeva ab ibi pro inseniar e predicar in lor citates.
Mat11:2
Mais Johannes, habente audite in le carcere super le obras del Christo, inviava per medio de su proprie discipulos
Mat11:3
e le diceva: "Es tu Ille Qui Veni, o esque nos debe sperar uno diferente?".
Mat11:4
In responsa, Jesus les diceva: "Vade e informa Johannes lo que vos audi e vide:
Mat11:5
Le cecos vide un altere vice, e le claudos cammina, le leprosos es mundate, e le surdos audi, e le mortos resuscitate, e on declara al povres le bon novas;
Mat11:6
e felice es ille qui non se scandalisa in me".
Mat11:7
Quando istes partiva, Jesus comenciava dicer al multitudes respecto a Johannes: "Que sortiva vos pro vider in le deserto? Una canna agitate per le vento?
Mat11:8
Tunc, que sortiva vos vider? Un homine vestite de vestimentos suave? Si ille qui porta vestimentos suave es in le casas de reges!
Mat11:9
Mais per que sortiva vos? A vider un propheta? Si, e io vos dice, e plus que un propheta.
Mat11:10
Proque iste es ille de qui il es scripte: 'Ecce! Io mesme invia a mi messagero ante tu facie, qui preparara tu cammino ante te!'.
Mat11:11
Amen! Io vos dice: inter illes nascite de femina il non ha essite levate uno major que Johannes le baptista; mais ille qui sia del minores in le regno del celos es major que ille.
Mat11:12
Mais desde le dies de Johannes le baptista usque ora le regno del celos es sasite con effortio, e illes qui se effortia lo sasi.
Mat11:13
Proque omnes, le prophetas e le Lege, prophetisava usque Johannes;
Mat11:14
e si vos vole acceptar lo: Ille mesme es 'Elia, qui debeva venir'.
Mat11:15
Ille qui ha aures, audi!
Mat11:16
"A qui comparara io iste generation? Illo es similar al pueros sedite in le placias de mercato, qui clama al alteres,
Mat11:17
e dice: 'Nos sonava le flauta pro vos, mais vos non dansava; nos plangeva, mais vos non colpava vos.
Mat11:18
Proque veniva Johannes sin mangiar ni biber, e vos dice: 'Ille ha un demonio';
Mat11:19
le Filio del homine veniva mangiante e bibente, e non obstante vos dice: 'Ecce! Un homine glutton e bibitor de vino, amico de publicanos e peccatores'. E esseva justificate le sapientia per su obras".
Mat11:20
Tunc comenciava ille a reprochar le citates in que il se habeva facite le majoritate de su obras potente, proque illes non se repentiva:
Mat11:21
"Guai a te, Chorazin! Guai a te, Bethsaida! , proque si in Tyro e in Sidon se haberea facite le obras potente que se faceva in vos, il ha multe tempore que illos se haberea repentite in sacco e cineres.
Mat11:22
Per consequente io vos dice: Il essera plus supportabile a Tiro e a Sidon in le Dia del Judicio que a vos.
Mat11:23
E tu, Capernaum, esque tu sera exaltate usque le celo? usque le Hades descendera tu; proque si le obras potente que facite in te se haberea facite in Sodoma, illo haberea permanite usque iste mesme die.
Mat11:24
Pro esso, io vos dice: Il essera plus supportabile al terra de Sodoma in le Dia del Judicio que a te".
Mat11:25
In ille ocasion respondeva Jesus dicente: "Io te lauda publicamente, Patre, Senior del celo e del terra, proque tu ha occultate iste cosas del sagios e intellectuales e tu los ha revelate al parvos.
Mat11:26
Si, oh Patre, proque facer lo assi deveniva le maniera approbate per te.
Mat11:27
Tote le cosas me ha essite donate a me per mi Patre, e necuno cognosce plenmente le Filio si non le Patre, ni cognosce necuno plenmente le Patre si non le Filio, e qualcuno a qui le Filio vole revelar Le.
Mat11:28
Veni vos a me, omnes qui es fatigate [ per labor ] e opprimitte [ per cargos ], e io vos refrescara [ con reposo ].
Mat11:29
Prende sur vos mi jugo e apprende de me, proque io es mansuete e humile de corde, e vos trovara [ refrescante ] reposo pro vostre animas.
Mat11:30
Proque mi jugo es suave e mi carga es legier".
Start a discussion about Mattheo Capitulo 11
Talk pages are where people discuss how to make content on Wikisource the best that it can be. You can use this page to start a discussion with others about how to improve Mattheo Capitulo 11.
