Talite ʻo Waitangi

Kupu ’uluaki

’Oku foaki Faka’aufuli mo ta’eveiveiua ’e he Hou’eiki ’o e Kautaha Fakatahataha ’o e ngaahi Ha’a Mauli ’o Nu’usila pea mo kinautolu ’o e Hou’eiki ’oku te’eki ai ke nau kau ki he Kautaha Fakatahataha ’o e ngaahi ha’a Mauli ’o Nu’usila, ki he ‘Ene ‘Afio ko e Kuini ’o ’Ingilani, ’a honau ngaahi totonu mo e mafia ki he pule’i fakaleveleva ’o e fonua, fakataautaha pe fakākatoa.

Kupu ua

Ko ‘Ene ’Afio ko e Kuini ’o ‘Ingilani’ oku ne fakapapau’i mo tukupa ki he Hou’eiki moe ngaahi Ha’a kotoa pe ’o Nu’usila pea ki he ngaahi kainga taautaha mo e tokotaha kotoa pe’a hono kotokotoa mo ta’eue’ia ’a enau pule’i ’a honau Kelekele mo e ngaahi Tofi’a, Vaota, ngaahi Toutai’anga moe ngaahi koloa kehe ’oku ’anautolu fakatokolahi pe fakataautaha lolotonga ko ’enau faka’amu mo honau loto mo’oni ke pukepuke ko ’enau koloa: ka ko e e Hou’eiki ’oe ngaahi Ha’a fakatahataha pea mo e hou’eiki taautaha ’oku nau tukuatu ki he ’ene ‘Afio ha totonu makehe ke fakatau ha kelekele ’o ha taha kuo felotoi mo hono fakafofonga ke fakatau ’i ha totongi kua na femahino’aki ki ai.

Kupu tolu

’I he feongoi kuo lava ’oku hanga leva ’e he ’Ene ‘Afio ko e Kuini ’o ’Ingilani ’o ’oatu ki he kakai tupuifonua ’o Nu’usila ’a ’ene malu’i fakakuini, pea mo tukuatu kiate kinautolu ’a e ngaahi totonu kotoa pe mo e monu’ia kotoa ’o ha tokotaha Pilitania.

(signed) William Hobson, Lieutenant Governor.