Tabibo, sharbati o’ynob icharga bermagin pandim...
Tabibo, sharbati o’ynob icharga bermagin pandim,
Labidin talx-u shirin so‘z erur dori-yi gulqandim.
Agar ishqingni tarkin qilmasam javr etma, ey zolim,
Yuzingni mus'hafidin erdi bu so‘zda savgandim.
Kel, ey mashshota, rahm et, yor zulfig‘a tarog’ urma,
Erur jon rishtasidin oni har torig‘a payvandim.
Labidin kom topdim, ey Masiho, urmag’il damkim,
Mani bir so‘z ila tirguzdi ul la’li shakarxandim.
Filotun ishq darsida menga shogird erur, lekin
Xatingni ramzidin ogoh emas ta’bi xiradmandim.
Balodur zulfi purtobi, Amir, andin ko‘ngul uzma,
Ki har bir torig‘a bir payvand erur payvand-payvandim.
|
This work was published before January 1, 1929, and is in the public domain worldwide because the author died at least 100 years ago. |