Sounet (Jouts aqueste gran Roc...)

by Pèire Godolin

Sounet

    Jouts aqueste gran Roc es reboundudo l'Osso
D'Encelado le fiér, la glorio des Gigans,
Que per tira del Cél les prumiés Estatjans,
Enjouquéc Pelion sur la grand cimo d'Osso.

    Ja lebabo l'un pé le descarat Colosso
Per sauta dins le Cel besi de quatre pans,
Quand Jupiter sasic un foulze de tres brans,
Que, flésc, li féc brounzi pel miéy de la cabosso.

    Del brabe Jupitér le Cél fourec gardat;
Car, percanto de Mars, que se fa ta Souldat,
El s'atrucao tout, quand augio las Campagnos

    Retrouni jouts l'aprést d'un ta cruél assaut,
É péyssoun se mudéc plus redde qu'un lebraut
Qunad bic al crabimé carreja las Mountagnos.