Sopra una Speziara
IV
Sopra una Speziara
Signora, a tugg quij c'hin amara
vù g'hí '1 remedj in cà da fáj guarì,
de tugg i má, cornè saravv a dì
de fevra de mazzucch e slomborá.
Perchè no gh'è mò anch on quaj cotà
int i vost busserij da damm a mi,
ch'a tragg a tragg al par vûbbia mori,
e rest' inlò d'i vûlt bell'e tirá?
On pó de compassion, speranza mia
desimm « El me car tos, veri domattena
che vederemm stó ma da casciall via ».
In quest de mezz scierché quaj cossorena,
rughé on pó ben int i bus della bottia,
che trovarì la mia medesena.
Ciapè on pó in man la pena,
e ve pregh mettí drè sul vost listin
questa recetta fá per Battìstin.