Sopra l’impotenza amorosa

by Fabio Varese

Sopra l’impotenza amorosa

Havè ona bella cà tutt tappezza,
con d’i bonn possession, d’i bon livij,
senza fiû, senza imbroj, senza fradij,
e stà su i spass e su i comodità;
 

havè semper la tavra paresgià
con su d’i bonn parnis, d’i pollastrij,
mudà sovenz de colz e de cappij
e fa del bell’umor par i contrà ;

cavalcà on bell cavall con la valdrappa,
havegh d’i servitor da menà adré
con la scovetta da nettà la cappa;

havegh semper in borsa d’i dané
da mantignì d’i spij parchè no scappa
i mei boccon che vegna su ‘l Verzè;

trovass pû d’indarè
ind on bon legg cont ona tosa in brazz:
tutt è nient comè no tira el cazz.