Sonetto a Pico della Mirandola
Carlo Bonadei (1822-1901)
Lassemei dì, che in fin di cunt sta gent
l'è bon de demplì, de trà giò tutt
col martel di masson e di magutt
ma no j'è in caas de fabricà nient.
I publica libron che fa spavent
cont un decim de bel e nœuf de brutt:
teorich senz'ordin, nè costrutt
broda che no 's capis cosa gh'è dent.
Dov'el andaa quel stil di noster vec,
che 'l te fa minga strolegà sul sens,
ma 'l fa vedè 'l pensée, come 'n dun spec?
Dat minga pena, Poch, de sti sciavat,
che i barcolla fra 'l sens e 'l controsens,
e i ponza, i ponza, e i partoris un rat.