Sonet (Lubši Božo, čehodla tak krótko)
Lubši Božo, čehodla tak krótko
tudy nisko nalěćo nam kćěje?
Pře čo jeno krótki čas tak słodko
sołobik swój dušny hłos nam přeje?
Čehodla je Serbow spěwar sławny,
kiž je z pěsnjenjom jich zwjeselował,
z čujnej‘ duše rěču zahorjował,
k čemu Zejler naš, tón wótčinc sprawny,
nam na wěčne mjelčo so pominuł,
a z nim nalětni čas Serbam zhinuł?
K tomu, zo nam było pokazane:
wobstajne tu ničo njenam’kamy,
tudy njeje ničo dokonjane;
tut e přichodne my pytać mamy!
- Author: Julius Eduard Wjelan (public domain)
- Source: http://edition-elf.de/forum/showthread.php?tid=5135