Si̍ng-ging/Mâ-ta̍i/6
Dā̤ 6 Ca̤uⁿ
[edit]6:1 Da̤u̍h sa̤̍-cī, n̄g-tang deó náng táu-sá̤ⁿ si-ca̤̍, de̍h-go̍ sâi náng kua̍ⁿ-gi̍ng; nō̤ ū ah-na, cuh bā̤ deh dṳ̂ Teng-Hū ē siô̤ng-seo̍.
6:2 Go̍-cheô sí-cā̤, n̄g-tang choi-gah leo̍h dṳ̂ mi̍ng-sá̤ⁿ, chā̤uⁿ gô̤-heô ē náng, leo̍h hōi-dńg ga̤-dō sê̤ ceo̍, giú ching-ca̍ng leo̍h náng. Guâ si̍h-cāi gah dṳ̂ gô̤ng, I î-ging deh i ē siô̤ng-seo̍ lâ̤u.
6:3 Nō̤ dṳ̂ si-ca̤̍ sí-cā̤, beó sâi cô̤-chiû cai iū-chiû sê̤ ceo̍ ē.
6:4 Ching-chā̤uⁿ na, dṳ̂ ē si-ca̤̍ sī be̍h-be̍h: dṳ̂ Teng-Hū ca-chah be̍h-be̍h, cuh beoh hêng-hēng bo̤̍-i̍ng dṳ̂.
6:5 Dṳ̂ gí-dô̤ sí-cā̤, n̄g-tang chā̤uⁿ gô̤-geô ē náng ; huaⁿ-hî kiō̤ leo̍h hōi-dńg gah dō-kâu gí-dô̤, de̍h-go̍ sâi náng kua̍ⁿ-gi̍ng. Guâ si̍h-cāi gah dṳ̂ gô̤ng, I î-ging deh i ē siô̤ng-seo̍ lâ̤u.
6:6 Nō̤ dṳ̂ gí-dô̤ sí-cā̤, ing-gai di̍h be̍h ē báng-ga̤ⁿ, mói goiⁿ kṳ̍, gí-dô̤ deó dṳ̂ be̍h-be̍h ē Teng-Hū; Teng-Hū ca-chah leo̍h be̍h-be̍h, cuh beoh hêng-hēng bo̤̍-i̍ng dṳ̂.
6:7 Bi̍ng-chiâⁿ dṳ̂ gí-dô̤ sí-cā̤, uā-gṳ̂ n̄g-tang bâ̤ⁿ-lí bâ̤ⁿ kṳ̍, chāuⁿ ī-bang náng; i siô̤ng uā gô̤ng sā̤, dih-dih mó̤ng i tiaⁿ-mói ṳ̂ng-hṳ̂.
6:8 Dṳ̂ n̄g-tang eo̍h i; ing bōi giú î-céng, dṳ̂ sê̤ ing-ē̤ng ē, dṳ̂ Teng-Hū deo cai lâ̤u.
6:9 Go̍-cheô dṳ̂ gí-dô̤ da̤u̍h ah-na gô̤ng, Guâ-go̤h-náng ē Teng-Hū deó ting lē, ngōi Cṳ̂ ē Miá siáⁿ-si̍ng.
6:10 Ngōi Cṳ̂ ē go̤h cuh ā̤ ga̍ng-líng hing-ō̤ng. Ngōi Cṳ̂ ē cî-i̍ deh siáⁿ-ciū, deō dā̤ lē gah deó ting lē seo̍h-ā̤uⁿ.
6:11 Sê̤ ē̤ng ē ná̤u-châu, ging-nua̍ seo̍ keoh guâ.
6:12 Giú mêng guâ ē cua̍, Chā̤uⁿ guâ iā mêng kia̍ng guâ cua̍ ē náng.
6:13 N̄g-tang sâi guâ gṳ̄-da̤u̍h iû-he̍h, da̤u̍h giu̍ guâ tuah-lī he̤ng-o̤h; ing go̤h gah gé̤ng-ba̍ⁿ ṳ́ng-ā̤u deo se̤̍h leo̍h Cṳ̂, ga̍u māng-māng sa̤̍. Si̍h-sing sê̤ ngōi.
6:14 Dṳ̂ nō̤ mêng náng ē cōi-go̤̍, dṳ̂ deó ting-dêng ē Teng-Hū, cuh iā mêng dṳ̂ ē cōi-go̤̍.
6:15 Dṳ̂ n̄g mêng náng ē cōi-go̤̍, dṳ̂ ē Teng-Hū cuh iā n̄g mêng dṳ̂ ē cōi-go̤̍.
6:16 Dṳ̂ gi̍ng-sia̍h sí-cā̤, n̄g-tang ceo̍ ai-kô e mi̍ng-seh, chā̤uⁿ gô̤-heô ē náng, i be̍ng ca̤̍ mi̍ng-seh, sī a̍i-dí cio̤ng gi̍ng-sia̍h hēng keoh náng kua̍ⁿ. Guâ si̍h-cāi gah dṳ̂ gô̤ng, I î-ging ū deh i e siô̤ng-seo̍ lâ̤u.
6:17 Nō̤ dṳ̂ gi̍ng-sia̍h sí-cā̤, ing-gai buā-táu sâ̤-mi̍ng.
6:18 Ching-chā̤uⁿ na, cuh dṳ̂ ē gi̍ng-sia̍h beó hēng keoh náng kua̍ⁿ, nō̤ hēng keoh dṳ̂ deó be̍h-be̍h ē Teng-Hū; dṳ̂ Teng-Hū ca-chah leo̍h be̍h-be̍h, cuh hêng-hēng bo̤̍-i̍ng dṳ̂.
6:19 Dṳ̂ n̄g-tang cih cíng-cái leo̍h dā̤ lē, cî-ciâ ū do̍-hṳ́ sia̍h, ā̤ nuā bāi-huāi, ū che̍h ā̤ lê̤-te̤̍ⁿ tau kṳ̍.
6:20 Gai-dng cih cíng-cái leo̍h ting lē, hṳ̂-hiô̤ beó do̍-hṳ́ sia̍h, bā̤ nuā bāi-huāi, iā beó che̍h lê̤-te̤̍ tau kṳ̍.
6:21 Ing dṳ̂ cíng-cái deó deoh-leo, dṳ̂ sing iā deó deoh-leo.
6:22 Ma̍h-ciu sī seo̍h sing ē deng; ma̍h-ciu cing, suh seo̍h sing deo sī gng.
6:23 Ma̍h-ciu bū, cuh seo̍h sing deo sī a̍ng. Dṳ̂ dōi-sing ē gng no a̍ng kṳ̍, ca̤̍ o-a̍ng seo̍h-moi ū ciô̤ duā lē?
6:24 Seo̍h gá̤ náng beó-dang-dng hō̤ng-seō nńn̄g gá̤ cṳ̂; he̍h che̤ng cî seo̍h gá̤, sā̤u hṳ̂ seo̍h gá; he̍h kua̍ⁿ-dāng cî seo̍h gá̤, kua̍ⁿ-king hṳ̂ seo̍h gá̤. Dṳ̂-go̤h-náng beó-dang-dng hō̤ng-seō Siō̤ng-Da̤̍ léng hō̤ng-seō cíng-cái.
6:25 Go̍-cheô Guâ gah dṳ̂ gô̤ng, N̄g-tang ing-ūi ua̍h-miā gua̍-lṳ̄ seo̍h-moi sia̍h, seo̍h-moi chōi; n̄g-tang ing-ūi sing-tâ̤ gua̍-lṳ̄ seo̍h-moi sē̤ng. Ua̍h-miā meh n̄g ā̤ dāng leo̍h ná̤u-châu lō̤?
6:26 Chi̍ kua̍ⁿ ko̤ng-ki̍ do̤-ng ē câ̤u, i beó ceo̍-chéng, beó guā-diū, iā beó mo̍ih ceóng-cih deó chng lē. Dṳ̂-go̤h-náng meh n̄g ge̍ng ceong-gu̍i leo̍h câ̤u lō̤?
6:27 Dṳ̂-go̤h-náng de̤ng-gang hn’g-náng ā̤ ta̤̍h gua̍-lṳ̄ éng ua̍h-miā seo̍h keh lē?
6:28 Dṳ̂ seh-na ing-ūi i-ná̤u gua̍-lṳ̄ lē? Chi̍ kua̍ⁿ iâ-guā ē beh-ha̍h-hua, seh-na ā̤ diô̤ng-duā? I beó ló̤-kô̤, beó pâng cih.
6:29 Guâ gah dṳ̂ gô̤ng, cuh nō̤ Sê̤-ló̤-meóng gi̍h ṳ́ng-ā̤u sí-cā̤, i ē i-ná̤u co̤ng-so̤h, ho̤h beó ga̤u ca̤̍ hua seo̍h bó ā̤uⁿ.
6:30 Bi̍ng-chiâ̤ⁿ iâ-guā ē châu, ging-nua̍ ho̤h diō̤, ho̤h-nô̤ cuh hi̍ng hôi-ló lē. Siō̤ng-Da̤̍ ho̤h ca̤̍u-go̍ i ching-chā̤uⁿ na, hó̤-ho̤̍ng dṳ̂ sâ̤u-se̍ng ē náng lō̤?
6:31 Go̍-cheô n̄g-sâi gua̍-lṳ̄ gô̤ng, seo̍h-moi sia̍h, seo̍h-moi chōi, seo̍h-moi sē̤ng.
6:32 Ca̤̍ deo sī ī-bang náng sê̤ giú ē; nō̤ dṳ̂ sâi-ē̤ng ca̤̍ ciô̤-sā̤ mo̍ih-nō̤, dṳ̂ deó ting ē Teng-Hū î-ging cai lâ̤u.
6:33 Nō̤ dṳ̂ da̤u̍h sa̤ⁿ giú Siō̤ng-Da̤̍ go̤h gah I ē gī-lî; cuh ca̤̍ ciô̤-sā̤ mo̍ih-nō̤, dih-dih ga keoh dṳ̂.
6:34 N̄g-tang ing-ūi ho̤h-nô̤ gang-nga̤̍, ho̤h-nō̤ ē seō, dêng ho̤h-nô̤ gang-nga̤̍. Seo̍h di̍h nō̤ siū seo̍h di̍h ē ló̤-kô cuh ce̤h-i̍.