İlk baarni müjdelegen sarı tülpan,
Bari, böyle solmasaydıñ iç bir zaman.
Güzel yosma, ğönceñ ile endamıñnı
Er kün sever, öper edim sayğılarman.
Göñlümizni hoşlandırdiñ, sarı tülpan,
Men de seni elden, yelden qısqanaman.
Uzaglardan, kökten, yerden çog süyemen, —
Küneşlerniñ, yıldızlarnıñ közü yaman.
Sarı tülpan, bağçamıznı şeñlendirdiñ,
Pek az zaman qırıq göñlüm eglendirdiñ,
Yarın sen de gırılacaq, öleceksiñ,
Ölecekseñ, bu cihanğa neçün keldiñ?
|
Ильк баарьни мужделеген сары тюльпан,
Бари, бойле солмасайдынъ ич бир заман.
Гузель ёсма гъоньдженъ иле эндамынъны
Эр кунь север, опер эдим сайгъыларман.
Гонълюмизни хошландырдынъ, сары тюльпан,
Мен де сени эльден, ельден къыскъанаман.
Узакълардан, коктен, ерден чокъ суемен, —
Кунешлернинъ, йылдызларнынъ козю яман.
Сары тюльпан, багъчамызны шенълендирдинъ,
Пек аз заман къырыкъ гонълюм эглендирдинъ,
Ярын сен де къырыладжакъ, оледжексинъ,
Оледжексенъ, бу джихангъа нечюн кельдинъ?
|
