Saǵınıp keldim (Qayıpnazarov)
Kórkin kórseń kózge ottay basılǵan,
Miyman kelse qushaǵı keń ashılǵan,
Jeri jánnet, eli abad ózbektiń,
Qolı sheber miynet penen ısılǵan.
Úylerine barsań, xızmetin kórseń,
Sıylasıqlı, húrmet-izzetin kórseń,
Kewliń kóterilip, zeyniń ashılar,
Gúllerge oranǵan jerlerin kórseń.
Burınǵı shóllerdi espe kum basqan,
Búgin suw aparıp áyledi bostan,
Ata-baba kári—paxta kásibin,
Úyreter dostına, úyrener dostan.
Quwanar xalıqlardıń jeńisi menen,
Baǵlı úlkemizdinń paytaxtı Tashkent,
Kútip alar shiyrin jemisi menen.
Shınıqqan bilekte suwımas kúshi,
Uqıplı qollardan qutılmas isi,
Dasturqanı tolı, saqıy miyman dos,
Bul eldi máńgige umıtpas kisi.
Men de ashıǵıman usı bir eldin,
Tutqınıman bunda jasaan gúldin,
Gúl menen búlbilge sayaman bolǵan,
Sayalı shınarın saǵınıp keldim.