Słónco - swoboda
"Słónco, słónco chcu ja měć!"
Woła slóncna róža,
"Kak ja dyrbju rosć a kćěć,
Kaž to róže móža?"
Prawje maš, o róžica,
Sy tež k tomu stworjena.
A ty ducho čłowjeski,
Na čo leći tebi?
Njejsy róžam k runosći,
Praj, što přeješ sebi?
Ja će słyšii zašumić
A mi wótře wotmołwić:
"Swobodu, mi swobodu
Město słónca dajće,
Puta, spřah a robotu
Z razom rozłamajće;
Štož je z Boha rodźene,
Dyrbi tež być swobodne!"
- Author: Handrij Zejler (public domain)
- Source: http://texty.citanka.cz/pata/sc1-103.html
- Note: Stary prawopis