Sëlva

by Jan Batista Ploner

Sëlva.

1.
L ie nzaul n drë bel luech
che ie cunësce no mé puech;
sc'ulëis savëi si ver' inuem,
ve l sà da dì po uni uem;
mo nce chi crëps y duc chi bosc
y chi biei prei ve l dij bën tosc
o ulëis'a ch'ie ve l dije tosc?

"Sëlva ie l bel paesc, ulach' a duc i plej,
tan bel ne iel iniò, tan bel che tlo.
Tlo onse dut aldò, de tel bon aries
y tel bon eghes mo che fej bon pro."

2.
L ie nzaul n drë bel luech
che verd dal bel mo plu che fuech;
ilò ne fejen cumplimënc
ma n ie de chël tan plu valënc.
Y duc se proa chël ch'i po
de fé sciche jënt no al dandò.
Na viv' a duc y po: saluc!
"Sëlva ie l bel paesc...


3.
L ie nzaul n drë bel luech
y propi chël ch'on dit da puech
ilò se la cianten drët de gust
y zënza notes ënghe iust;
N à pu cher y usc assè
y chël aposta per cianté!
Y sën ciantëde duc cun me:
"Sëlva ie l bel paesc...

Seniëur Batista Ploner de Sotanives, Sëlva.