Sálem, Moskva (Qayıpnazarov)
Aq altınlı Qırıq qız dalalarınan,
Qız ketken, Súwenli saǵalarınan,
Ámiu dárya, Aral jaǵalarınan,
Alıp keldik saǵan Sálem, Moskva.
Taxiatas GRЕS i nur shashqan elden,
Qumlardı kóshirip jer ashqan elden,
Jańa qalaların gúl basqan elden,
Tuwısqanlık, doslıq sálem, Moskva.
Altın tań atırǵan ómirimizge,
Aydın jol nusqaǵan hár birimizge,
Júrekler saǵınǵan óz úyimizge,
Shadlıq penen keldik sálem, Moskva.
Sennen quwat alıp bólendik gúlge,
Xám jerden jol saldıq Ay menen kúnge,
Barıp kelgenlerge quwandıq birge,
Jeńis bayraǵı bol, sálem, Moskva.