Rig Veda, Book 2 (ASCII)

Book 2

2.1.1a tva/m agne dyu/bhis tva/m aashushukSa/Nis tva/m adbhya/s tva/m a/shmanas pa/ri
2.1.1c tva/M va/nebhyas tva/m o/Sadhiibhyas tva/M nRNaa/M nRpate jaayase shu/ciH
2.1.2a ta/vaagne hotra/M ta/va potra/m Rtvi/yaM ta/va neSTra/M tva/m agni/d Rtaayata/H
2.1.2c ta/va prashaastra/M tva/m adhvariiyasi brahmaa/ caa/si gRha/patish ca no da/me
2.1.3a tva/m agna i/ndro vRSabha/H sataa/m asi tva/M vi/SNur urugaayo/ namasya\H
2.1.3c tva/m brahmaa/ rayivi/d brahmaNas pate tva/M vidhartaH sacase pu/raMdhyaa
2.1.4a tva/m agne raa/jaa va/ruNo dhRta/vratas tva/m mitro/ bhavasi dasma/ ii/DyaH
2.1.4c tva/m aryamaa/ sa/tpatir ya/sya sambhu/jaM tva/m a/Msho vida/the deva bhaajayu/H
2.1.5a tva/m agne tva/STaa vidhate/ suvii/ryaM ta/va gnaa/vo mitramahaH sajaatya\m \.\
2.1.5c tva/m aashuhe/maa rariSe sva/shvyaM tva/M naraa/M sha/rdho asi puruuva/suH
2.1.6a tva/m agne rudro/ a/suro maho/ diva/s tva/M sha/rdho maa/rutam pRkSa/ iishiSe
2.1.6c tva/M vaa/tair aruNai/r yaasi shaMgaya/s tva/m puuSaa/ vidhata/H paasi nu/ tma/naa
2.1.7a tva/m agne draviNodaa/ araMkR/te tva/M deva/H savitaa/ ratnadhaa/ asi
2.1.7c tva/m bha/go nRpate va/sva iishiSe tva/m paayu/r da/me ya/s te/ .avidhat
2.1.8a tvaa/m agne da/ma aa/ vishpa/tiM vi/shas tvaa/M raa/jaanaM suvida/tram R~njate
2.1.8c tva/M vi/shvaani svaniika patyase tva/M saha/sraaNi shataa/ da/sha pra/ti
2.1.9a tvaa/m agne pita/ram iSTi/bhir na/ras tvaa/m bhraatraa/ya sha/myaa tanuuru/cam
2.1.9c tva/m putro/ bhavasi ya/s te/ .avidhat tva/M sa/khaa sushe/vaH paasy aadhR/SaH
2.1.10a tva/m agna Rbhu/r aake/ namasya\s tva/M vaa/jasya kSuma/to raaya/ iishiSe
2.1.10c tva/M vi/ bhaasy a/nu dakSi daava/ne tva/M vishi/kSur asi yaj~na/m aata/niH
2.1.11a tva/m agne a/ditir deva daashu/Se tva/M ho/traa bhaa/ratii vardhase giraa/
2.1.11c tva/m i/Laa shata/himaasi da/kSase tva/M vRtrahaa/ vasupate sa/rasvatii
2.1.12a tva/m agne su/bhRta uttama/M va/yas ta/va spaarhe/ va/rNa aa/ saMdR/shi shri/yaH
2.1.12c tva/M vaa/jaH prata/raNo bRha/nn asi tva/M rayi/r bahulo/ vishva/tas pRthu/H
2.1.13a tvaa/m agna aadityaa/sa aasya\M tvaa/M jihvaa/M shu/cayash cakrire kave
2.1.13c tvaa/M raatiSaa/co adhvare/Su sashcire tve/ devaa/ havi/r adanty aa/hutam
2.1.14a tve/ agne vi/shve amR/taaso adru/ha aasaa/ devaa/ havi/r adanty aa/hutam
2.1.14c tva/yaa ma/rtaasaH svadanta aasuti/M tva/M ga/rbho viiru/dhaaM jaj~niSe shu/ciH
2.1.15a tva/M taa/n sa/M ca pra/ti caasi majma/naa/gne sujaata pra/ ca deva ricyase
2.1.15c pRkSo/ ya/d a/tra mahinaa/ vi/ te bhu/vad a/nu dyaa/vaapRthivii/ ro/dasii ubhe/
2.1.16a ye/ stotR/bhyo go/agraam a/shvapeshasam a/gne raati/m upasRja/nti suura/yaH
2.1.16c asmaa/~n ca taa/M+sh ca pra/ hi/ ne/Si va/sya aa/ bRha/d vadema vida/the suvii/raaH
2.2.1a yaj~ne/na vardhata jaata/vedasam agni/M yajadhvaM havi/Saa ta/naa giraa/
2.2.1c samidhaana/M supraya/saM sva\rNaraM dyukSa/M ho/taaraM vRja/neSu dhuurSa/dam
2.2.2a abhi/ tvaa na/ktiir uSa/so vavaashire/ .agne vatsa/M na/ sva/sareSu dhena/vaH
2.2.2c diva/ ive/d arati/r maa/nuSaa yugaa/ kSa/po bhaasi puruvaara saMya/taH
2.2.3a ta/M devaa/ budhne/ ra/jasaH suda/MsasaM diva/spRthivyo/r arati/M ny e\rire
2.2.3c ra/tham iva ve/dyaM shukra/shociSam agni/m mitra/M na/ kSiti/Su prasha/Msyam
2.2.4a ta/m ukSa/maaNaM ra/jasi sva/ aa/ da/me candra/m iva suru/caM hvaara/ aa/ dadhuH
2.2.4c pR/shnyaaH patara/M cita/yantam akSa/bhiH paatho/ na/ paayu/M ja/nasii ubhe/ a/nu
2.2.5a sa/ ho/taa vi/shvam pa/ri bhuutv adhvara/M ta/m u havyai/r ma/nuSa R~njate giraa/
2.2.5c hirishipro/ vRdhasaanaa/su ja/rbhurad dyau/r na/ stR/bhish citayad ro/dasii a/nu
2.2.6a sa/ no reva/t samidhaana/H svasta/ye saMdadasvaa/n rayi/m asmaa/su diidihi
2.2.6c aa/ naH kRNuSva suvitaa/ya ro/dasii a/gne havyaa/ ma/nuSo deva viita/ye
2.2.7a daa/ no agne bRhato/ daa/H sahasri/No duro/ na/ vaa/jaM shru/tyaa a/paa vRdhi
2.2.7c praa/cii dyaa/vaapRthivii/ bra/hmaNaa kRdhi sva\r Na/ shukra/m uSa/so vi/ didyutaH
2.2.8a sa/ idhaana/ uSa/so raa/myaa a/nu sva\r Na/ diided aruSe/Na bhaanu/naa
2.2.8c ho/traabhir agni/r ma/nuSaH svadhvaro/ raa/jaa vishaa/m a/tithish caa/rur aaya/ve
2.2.9a evaa/ no agne amR/teSu puurvya dhii/S piipaaya bRha/ddiveSu maa/nuSaa
2.2.9c du/haanaa dhenu/r vRja/neSu kaara/ve tma/naa shati/nam pururuu/pam iSa/Ni
2.2.10a vaya/m agne a/rvataa vaa suvii/ryam bra/hmaNaa vaa citayemaa ja/naaM+ a/ti
2.2.10c asmaa/kaM dyumna/m a/dhi pa/~nca kRSTi/Suuccaa/ sva\r Na/ shushuciita duSTa/ram
2.2.11a sa/ no bodhi sahasya prasha/Msyo ya/smin sujaataa/ iSa/yanta suura/yaH
2.2.11c ya/m agne yaj~na/m upaya/nti vaaji/no ni/tye toke/ diidivaa/MsaM sve/ da/me
2.2.12a ubha/yaaso jaatavedaH syaama te stotaa/ro agne suura/yash ca sha/rmaNi
2.2.12c va/svo raaya/H purushcandra/sya bhuu/yasaH prajaa/vataH svapatya/sya shagdhi naH
2.2.13a ye/ stotR/bhyo go/agraam a/shvapeshasam a/gne raati/m upasRja/nti suura/yaH
2.2.13c asmaa/~n ca taa/M+sh ca pra/ hi/ ne/Si va/sya aa/ bRha/d vadema vida/the suvii/raaH
2.3.1a sa/middho agni/r ni/hitaH pRthivyaa/m pratya/~N vi/shvaani bhu/vanaany asthaat
2.3.1c ho/taa paavaka/H pradi/vaH sumedhaa/ devo/ devaa/n yajatv agni/r a/rhan
2.3.2a na/raasha/MsaH pra/ti dhaa/maany a~nja/n tisro/ di/vaH pra/ti mahnaa/ svarci/H
2.3.2c ghRtapru/Saa ma/nasaa havya/m unda/n muurdha/n yaj~na/sya sa/m anaktu devaa/n
2.3.3a iiLito/ agne ma/nasaa no a/rhan devaa/n yakSi maa/nuSaat puu/rvo adya/
2.3.3c sa/ aa/ vaha maru/taaM sha/rdho a/cyutam i/ndraM naro barhiSa/daM yajadhvam
2.3.4a de/va barhir va/rdhamaanaM suvii/raM stiirNa/M raaye/ subha/raM ve/dy asyaa/m
2.3.4c ghRte/naakta/M vasavaH siidateda/M vi/shve devaa aadityaa yaj~ni/yaasaH
2.3.5a vi/ shrayantaam urviyaa/ huuya/maanaa dvaa/ro devii/H supraayaNaa/ na/mobhiH
2.3.5c vya/casvatiir vi/ prathantaam ajuryaa/ va/rNam punaanaa/ yasha/saM suvii/ram
2.3.6a saadhv a/paaMsi sana/taa na ukSite/ uSaa/saana/ktaa vayye\va raNvite/
2.3.6c ta/ntuM tata/M saMva/yantii samiicii/ yaj~na/sya pe/shaH sudu/ghe pa/yasvatii
2.3.7a dai/vyaa ho/taaraa prathamaa/ vidu/STara Rju/ yakSataH sa/m Rcaa/ vapu/STaraa
2.3.7c devaa/n ya/jantaav Rtuthaa/ sa/m a~njato naa/bhaa pRthivyaa/ a/dhi saa/nuSu triSu/
2.3.8a sa/rasvatii saadha/yantii dhi/yaM na i/Laa devii/ bhaa/ratii vishva/tuurtiH
2.3.8c tisro/ devii/H svadha/yaa barhi/r e/da/m a/chidram paantu sharaNa/M niSa/dya
2.3.9a pisha/~NgaruupaH subha/ro vayodhaa/H shruSTii/ viiro/ jaayate deva/kaamaH
2.3.9c prajaa/M tva/STaa vi/ Syatu naa/bhim asme/ a/thaa devaa/naam a/py etu paa/thaH
2.3.10a va/naspa/tir avasRja/nn u/pa sthaad agni/r havi/H suudayaati pra/ dhiibhi/H
2.3.10c tri/dhaa sa/maktaM nayatu prajaana/n deve/bhyo dai/vyaH shamito/pa havya/m
2.3.11a ghRta/m mimikSe ghRta/m asya yo/nir ghRte/ shrito/ ghRta/m v asya dhaa/ma
2.3.11c anuSvadha/m aa/ vaha maada/yasva svaa/haakRtaM vRSabha vakSi havya/m
2.4.1a huve/ vaH sudyo/tmaanaM suvRkti/M vishaa/m agni/m a/tithiM supraya/sam
2.4.1c mitra/ iva yo/ didhiSaa/yyo bhuu/d deva/ aa/deve ja/ne jaata/vedaaH
2.4.2a ima/M vidha/nto apaa/M sadha/sthe dvitaa/dadhur bhR/gavo vikSv aaaa\yo/H
2.4.2c eSa/ vi/shvaany abhy a\stu bhuu/maa devaa/naam agni/r arati/r jiiraa/shvaH
2.4.3a agni/M devaa/so maa/nuSiiSu vikSu/ priya/M dhuH kSeSya/nto na/ mitra/m
2.4.3c sa/ diidayad ushatii/r uu/rmyaa aa/ dakSaa/yyo yo/ daa/svate da/ma aa/
2.4.4a asya/ raNvaa/ sva/syeva puSTi/H sa/MdRSTir asya hiyaana/sya da/kSoH
2.4.4c vi/ yo/ bha/ribhrad o/SadhiiSu jihvaa/m a/tyo na/ ra/thyo dodhaviiti vaa/raan
2.4.5a aa/ ya/n me a/bhvaM vana/daH pa/nantoshi/gbhyo naa/mimiita va/rNam
2.4.5c sa/ citre/Na cikite ra/Msu bhaasaa/ jujurvaa/M+ yo/ mu/hur aa/ yu/vaa bhuu/t
2.4.6a aa/ yo/ va/naa taatRSaaNo/ na/ bhaa/ti vaa/r Na/ pathaa/ ra/thyeva svaaniit
2.4.6c kRSNaa/dhvaa ta/puu raNva/sh ciketa dyau/r iva sma/yamaano na/bhobhiH
2.4.7a sa/ yo/ vy a/sthaad abhi/ da/kSad urvii/m pashu/r nai/ti svayu/r a/gopaaH
2.4.7c agni/H shoci/SmaaM+ atasaa/ny uSNa/n kRSNa/vyathir asvadayan na/ bhuu/ma
2.4.8a nuu/ te puu/rvasyaa/vaso a/dhiitau tRtii/ye vida/the ma/nma shaMsi
2.4.8c asme/ agne saMya/dviiram bRha/ntaM kSuma/ntaM vaa/jaM svapatya/M rayi/M daaH
2.4.9a tva/yaa ya/thaa gRtsamadaa/so agne gu/haa vanva/nta u/paraaM+ abhi/ Syu/H
2.4.9c suvii/raaso abhimaatiSaa/haH sma/t suuri/bhyo gRNate/ ta/d va/yo dhaaH
2.5.1a ho/taajaniSTa ce/tanaH pitaa/ pitR/bhya uuta/ye
2.5.1c praya/kSa~n je/nyaM va/su shake/ma vaaji/no ya/mam
2.5.2a aa/ ya/smin sapta/ rashma/yas tataa/ yaj~na/sya neta/ri
2.5.2c manuSva/d dai/vyam aSTama/m po/taa vi/shvaM ta/d invati
2.5.3a dadhanve/ vaa ya/d iim a/nu vo/cad bra/hmaaNi ve/r u ta/t
2.5.3c pa/ri vi/shvaani kaa/vyaa nemi/sh cakra/m ivaabhavat
2.5.4a saaka/M hi/ shu/cinaa shu/ciH prashaastaa/ kra/tunaa/jani
2.5.4c vidvaa/M+ asya vrataa/ dhruvaa/ vayaa/ ivaa/nu rohate
2.5.5a taa/ asya va/rNam aayu/vo ne/STuH sacanta dhena/vaH
2.5.5c kuvi/t tisR/bhya aa/ va/raM sva/saaro yaa/ ida/M yayu/H
2.5.6a ya/dii maatu/r u/pa sva/saa ghRta/m bha/ranty a/sthita
2.5.6c taa/saam adhvaryu/r aa/gatau ya/vo vRSTii/va modate
2.5.7a sva/H svaa/ya dhaa/yase kRNutaa/m Rtvi/g Rtvi/jam
2.5.7c sto/maM yaj~na/M caa/d a/raM vane/maa rarimaa/ vaya/m
2.5.8a ya/thaa vidvaa/M+ a/raM ka/rad vi/shvebhyo yajate/bhyaH
2.5.8c aya/m agne tve/ a/pi ya/M yaj~na/M cakRmaa/ vaya/m
2.6.1a imaa/m me agne sami/dham imaa/m upasa/daM vaneH
2.6.1c imaa/ u Su/ shrudhii gi/raH
2.6.2a ayaa/ te agne vidhemo/rjo napaad a/shvamiSTe
2.6.2c enaa/ suukte/na sujaata
2.6.3a ta/M tvaa giirbhi/r gi/rvaNasaM draviNasyu/M draviNodaH
2.6.3c saparye/ma saparya/vaH
2.6.4a sa/ bodhi suuri/r magha/vaa va/supate va/sudaavan
2.6.4c yuyodhy a\sma/d dve/SaaMsi
2.6.5a sa/ no vRSTi/M diva/s pa/ri sa/ no vaa/jam anarvaa/Nam
2.6.5c sa/ naH sahasri/Niir i/SaH
2.6.6a ii/Laanaayaavasya/ve ya/viSTha duuta no giraa/
2.6.6c ya/jiSTha hotar aa/ gahi
2.6.7a anta/r hy a\gna ii/yase vidvaa/~n ja/nmobha/yaa kave
2.6.7c duuto/ ja/nyeva mi/tryaH
2.6.8a sa/ vidvaa/M+ aa/ ca piprayo ya/kSi cikitva aanuSa/k
2.6.8c aa/ caasmi/n satsi barhi/Si
2.7.1a shre/SThaM yaviSTha bhaarataa/gne dyuma/ntam aa/ bhara
2.7.1c va/so puruspR/haM rayi/m
2.7.2a maa/ no a/raatir iishata deva/sya ma/rtyasya ca
2.7.2c pa/rSi ta/syaa uta/ dviSa/H
2.7.3a vi/shvaa uta/ tva/yaa vaya/M dhaa/raa udanyaaaa\ iva
2.7.3c a/ti gaahemahi dvi/SaH
2.7.4a shu/ciH paavaka va/ndyo/ .agne bRha/d vi/ rocase
2.7.4c tva/M ghRte/bhir aa/hutaH
2.7.5a tva/M no asi bhaarataa/gne vashaa/bhir ukSa/bhiH
2.7.5c aSTaa/padiibhir aa/hutaH
2.7.6a drva\nnaH sarpi/raasutiH pratno/ ho/taa va/reNyaH
2.7.6c sa/hasas putro/ a/dbhutaH
2.8.1a vaajaya/nn iva nuu/ ra/thaan yo/gaaM+ agne/r u/pa stuhi
2.8.1c yasha/stamasya miiLhu/SaH
2.8.2a ya/H suniitho/ dadaashu/Se .ajuryo/ jara/yann ari/m
2.8.2c caa/rupratiika aa/hutaH
2.8.3a ya/ u shriyaa/ da/meSv aa/ doSo/Sa/si prashasya/te
2.8.3c ya/sya vrata/M na/ mii/yate
2.8.4a aa/ ya/H sva\r Na/ bhaanu/naa citro/ vibhaa/ty arci/Saa
2.8.4c a~njaano/ aja/rair abhi/
2.8.5a a/trim a/nu svaraa/jyam agni/m ukthaa/ni vaavRdhuH
2.8.5c vi/shvaa a/dhi shri/yo dadhe
2.8.6a agne/r i/ndrasya so/masya devaa/naam uuti/bhir vaya/m
2.8.6c a/riSyantaH sacemahy abhi/ Syaama pRtanyata/H
2.9.1a ni/ ho/taa hotRSa/dane vi/daanas tveSo/ diidivaa/M+ asadat suda/kSaH
2.9.1c a/dabdhavratapramatir va/siSThaH sahasrambhara/H shu/cijihvo agni/H
2.9.2a tva/M duuta/s tva/m u naH paraspaa/s tva/M va/sya aa/ vRSabha praNetaa/
2.9.2c a/gne toka/sya nas ta/ne tanuu/naam a/prayuchan dii/dyad bodhi gopaa/H
2.9.3a vidhe/ma te parame/ ja/nmann agne vidhe/ma sto/mair a/vare sadha/sthe
2.9.3c ya/smaad yo/ner udaa/rithaa ya/je ta/m pra/ tve/ havii/MSi juhure sa/middhe
2.9.4a a/gne ya/jasva havi/Saa ya/jiiyaa~n chruSTii/ deSNa/m abhi/ gRNiihi raa/dhaH
2.9.4c tva/M hy a/si rayipa/tii rayiiNaa/M tva/M shukra/sya va/caso mano/taa
2.9.5a ubha/yaM te na/ kSiiyate vasavya\M dive/-dive jaa/yamaanasya dasma
2.9.5c kRdhi/ kSuma/ntaM jaritaa/ram agne kRdhi/ pa/tiM svapatya/sya raaya/H
2.9.6a sai/naa/niikena suvida/tro asme/ ya/STaa devaa/M+ aa/yajiSThaH svasti/
2.9.6c a/dabdho gopaa/ uta/ naH paraspaa/ a/gne dyuma/d uta/ reva/d didiihi
2.10.1a johuu/tro agni/H prathama/H pite/veLa/s pade/ ma/nuSaa ya/t sa/middhaH
2.10.1c shri/yaM va/saano amR/to vi/cetaa marmRje/nyaH shravasya\H sa/ vaajii/
2.10.2a shruuyaa/ agni/sh citra/bhaanur ha/vam me vi/shvaabhir giirbhi/r amR/to vi/cetaaH
2.10.2c shyaavaa/ ra/thaM vahato ro/hitaa votaa/ruSaa/ha cakre vi/bhRtraH
2.10.3a uttaanaa/yaam ajanayan su/Suutam bhu/vad agni/H purupe/shaasu ga/rbhaH
2.10.3c shi/riNaayaaM cid aktu/naa ma/hobhir a/pariivRto vasati pra/cetaaH
2.10.4a ji/gharmy agni/M havi/Saa ghRte/na pratikSiya/ntam bhu/vanaani vi/shvaa
2.10.4c pRthu/M tirashcaa/ va/yasaa bRha/ntaM vya/ciSTham a/nnai rabhasa/M dR/shaanam
2.10.5a aa/ vishva/taH pratya/~ncaM jigharmy arakSa/saa ma/nasaa ta/j juSeta
2.10.5c ma/ryashrii spRhaya/dvarNo agni/r naa/bhimR/she tanvaaaa\ ja/rbhuraaNaH
2.10.6a j~neyaa/ bhaaga/M sahasaano/ va/reNa tvaa/duutaaso manuva/d vadema
2.10.6c a/nuunam agni/M juhvaaaa\ vacasyaa/ madhupR/caM dhanasaa/ johaviimi
2.11.1a shrudhii/ ha/vam indra maa/ riSaNyaH syaa/ma te daava/ne va/suunaam
2.11.1c imaa/ hi/ tvaa/m uu/rjo vardha/yanti vasuuya/vaH si/ndhavo na/ kSa/rantaH
2.11.2a sRjo/ mahii/r indra yaa/ a/pinvaH pa/riSThitaa a/hinaa shuura puurvii/H
2.11.2c a/martyaM cid daasa/m ma/nyamaanam a/vaabhinad ukthai/r vaavRdhaana/H
2.11.3a ukthe/Sv i/n nu/ shuura ye/Su caaka/n sto/meSv indra rudri/yeSu ca
2.11.3c tu/bhye/d etaa/ yaa/su mandasaana/H pra/ vaaya/ve sisrate na/ shubhraa/H
2.11.4a shubhra/M nu/ te shu/SmaM vardha/yantaH shubhra/M va/jram baahvo/r da/dhaanaaH
2.11.4c shubhra/s tva/m indra vaavRdhaano/ asme/ daa/siir vi/shaH suu/ryeNa sahyaaH
2.11.5a gu/haa hita/M gu/hyaM guuLha/m apsv a/piivRtam maayi/naM kSiya/ntam
2.11.5c uto/ apo/ dyaa/M tastabhvaa/Msam a/hann a/hiM shuura viirye\Na
2.11.6a sta/vaa nu/ ta indra puurvyaa/ mahaa/ny uta/ stavaama nuu/tanaa kRtaa/ni
2.11.6c sta/vaa va/jram baahvo/r usha/ntaM sta/vaa ha/rii suu/ryasya ketuu/
2.11.7a ha/rii nu/ ta indra vaaja/yantaa ghRtashcu/taM svaara/m asvaarSTaam
2.11.7c vi/ samanaa/ bhuu/mir aprathiSTaa/raMsta pa/rvatash cit sariSya/n
2.11.8a ni/ pa/rvataH saady a/prayuchan sa/m maatR/bhir vaavashaano/ akraan
2.11.8c duure/ paare/ vaa/NiiM vardha/yanta i/ndreSitaaM dhama/nim paprathan ni/
2.11.9a i/ndro mahaa/M si/ndhum aasha/yaanam maayaavi/naM vRtra/m asphuran ni/H
2.11.9c a/rejetaaM ro/dasii bhiyaane/ ka/nikradato vR/SNo asya va/jraat
2.11.10a a/roraviid vR/SNo asya va/jro/ .amaanuSaM ya/n maa/nuSo nijuu/rvaat
2.11.10c ni/ maayi/no daanava/sya maayaa/ a/paadayat papivaa/n suta/sya
2.11.11a pi/baa-pibe/d indra shuura so/mam ma/ndantu tvaa mandi/naH sutaa/saH
2.11.11c pRNa/ntas te kukSii/ vardhayantv itthaa/ suta/H paura/ i/ndram aava
2.11.12a tve/ indraa/py abhuuma vi/praa dhi/yaM vanema Rtayaa/ sa/pantaH
2.11.12c avasya/vo dhiimahi pra/shastiM sadya/s te raayo/ daava/ne syaama
2.11.13a syaa/ma te/ ta indra ye/ ta uutii/ avasya/va uu/rjaM vardha/yantaH
2.11.13c shuSmi/ntamaM ya/M caaka/naama devaasme/ rayi/M raasi viira/vantam
2.11.14a raa/si kSa/yaM raa/si mitra/m asme/ raa/si sha/rdha indra maa/rutaM naH
2.11.14c sajo/Saso ye/ ca mandasaanaa/H pra/ vaaya/vaH paanty a/graNiitim
2.11.15a vya/ntv i/n nu/ ye/Su mandasaana/s tRpa/t so/mam paahi drahya/d indra
2.11.15c asmaa/n su/ pRtsv \!\ aa/ tarutraa/vardhayo dyaa/m bRha/dbhir arkai/H
2.11.16a bRha/nta i/n nu/ ye/ te tarutrokthe/bhir vaa sumna/m aavi/vaasaan
2.11.16c stRNaanaa/so barhi/H pastyaaaa\vat tvo/taa i/d indra vaa/jam agman
2.11.17a ugre/Sv i/n nu/ shuura mandasaana/s tri/kadrukeSu paahi so/mam indra
2.11.17c prado/dhuvac chma/shruSu priiNaano/ yaahi/ ha/ribhyaaM suta/sya piiti/m
2.11.18a dhiSvaa/ sha/vaH shuura ye/na vRtra/m avaa/bhinad daa/num aurNavaabha/m
2.11.18c a/paavRNor jyo/tir aa/ryaaya ni/ savyata/H saadi da/syur indra
2.11.19a sa/nema ye/ ta uuti/bhis ta/ranto vi/shvaa spR/dha aa/ryeNa da/syuun
2.11.19c asma/bhyaM ta/t tvaaSTra/M vishva/ruupam a/randhayaH saakhya/sya tritaa/ya
2.11.20a asya/ suvaana/sya mandi/nas trita/sya ny a/rbudaM vaavRdhaano/ astaH
2.11.20c a/vartayat suu/ryo na/ cakra/m bhina/d vala/m i/ndro a/~Ngirasvaan
2.11.21a nuuna/M saa/ te pra/ti va/raM jaritre/ duhiiya/d indra da/kSiNaa magho/nii
2.11.21c shi/kSaa stotR/bhyo maa/ti dhag bha/go no bRha/d vadema vida/the suvii/raaH
2.12.1a yo/ jaata/ eva/ prathamo/ ma/nasvaan devo/ devaa/n kra/tunaa parya/bhuuSat
2.12.1c ya/sya shu/Smaad ro/dasii a/bhyasetaaM nRmNa/sya mahnaa/ sa/ janaasa i/ndraH
2.12.2a ya/H pRthivii/M vya/thamaanaam a/dRMhad ya/H pa/rvataan pra/kupitaaM+ a/ramNaat
2.12.2c yo/ anta/rikSaM vimame/ va/riiyo yo/ dyaa/m a/stabhnaat sa/ janaasa i/ndraH
2.12.3a yo/ hatvaa/him a/riNaat sapta/ si/ndhuun yo/ gaa/ udaa/jad apadhaa/ vala/sya
2.12.3c yo/ a/shmanor anta/r agni/M jajaa/na saMvR/k sama/tsu sa/ janaasa i/ndraH
2.12.4a ye/nemaa/ vi/shvaa cya/vanaa kRtaa/ni yo/ daa/saM va/rNam a/dharaM gu/haa/kaH
2.12.4c shvaghnii/va yo/ jigiivaa/M+ lakSa/m aa/dad arya/H puSTaa/ni sa/ janaasa i/ndraH
2.12.5a ya/M smaa pRcha/nti ku/ha se/ti ghora/m ute/m aahur nai/So/ astii/ty enam
2.12.5c so/ arya/H puSTii/r vi/ja ivaa/ minaati shra/d asmai dhatta sa/ janaasa i/ndraH
2.12.6a yo/ radhra/sya coditaa/ ya/H kRsha/sya yo/ brahma/No naa/dhamaanasya kiire/H
2.12.6c yukta/graavNo yo/ .avitaa/ sushipra/H suta/somasya sa/ janaasa i/ndraH
2.12.7a ya/syaa/shvaasaH pradi/shi ya/sya gaa/vo ya/sya graa/maa ya/sya vi/shve ra/thaasaH
2.12.7c ya/H suu/ryaM ya/ uSa/saM jajaa/na yo/ apaa/M netaa/ sa/ janaasa i/ndraH
2.12.8a ya/M kra/ndasii saMyatii/ vihva/yete pa/re/ .avara ubha/yaa ami/traaH
2.12.8c samaana/M cid ra/tham aatasthivaa/Msaa naa/naa havete sa/ janaasa i/ndraH
2.12.9a ya/smaan na/ Rte/ vija/yante ja/naaso ya/M yu/dhyamaanaa a/vase ha/vante
2.12.9c yo/ vi/shvasya pratimaa/nam babhuu/va yo/ acyutacyu/t sa/ janaasa i/ndraH
2.12.10a ya/H sha/shvato ma/hy e/no da/dhaanaan a/manyamaanaa~n cha/rvaa jaghaa/na
2.12.10c ya/H sha/rdhate naa/nuda/daati shRdhyaa/M yo/ da/syor hantaa/ sa/ janaasa i/ndraH
2.12.11a ya/H sha/mbaram pa/rvateSu kSiya/ntaM catvaariMshyaa/M shara/dy anva/vindat
2.12.11c ojaaya/maanaM yo/ a/hiM jaghaa/na daa/nuM sha/yaanaM sa/ janaasa i/ndraH
2.12.12a ya/H sapta/rashmir vRSabha/s tu/viSmaan avaa/sRjat sa/rtave sapta/ si/ndhuun
2.12.12c yo/ rauhiNa/m a/sphurad va/jrabaahur dyaa/m aaro/hantaM sa/ janaasa i/ndraH
2.12.13a dyaa/vaa cid asmai pRthivii/ namete shu/Smaac cid asya pa/rvataa bhayante
2.12.13c ya/H somapaa/ nicito/ va/jrabaahur yo/ va/jrahastaH sa/ janaasa i/ndraH
2.12.14a ya/H sunva/ntam a/vati ya/H pa/cantaM ya/H sha/MsantaM ya/H shashamaana/m uutii/
2.12.14c ya/sya bra/hma va/rdhanaM ya/sya so/mo ya/syeda/M raa/dhaH sa/ janaasa i/ndraH
2.12.15a ya/H sunvate/ pa/cate dudhra/ aa/ cid vaa/jaM da/rdarSi sa/ ki/laasi satya/H
2.12.15c vaya/M ta indra vishva/ha priyaa/saH suvii/raaso vida/tham aa/ vadema
2.13.1a Rtu/r ja/nitrii ta/syaa apa/s pa/ri makSuu/ jaata/ aa/vishad yaa/su va/rdhate
2.13.1c ta/d aahanaa/ abhavat pipyu/Sii pa/yo .aMsho/H piiyuu/Sam prathama/M ta/d ukthya\m
2.13.2a sadhrii/m aa/ yanti pa/ri bi/bhratiiH pa/yo vishva/psnyaaya pra/ bharanta bho/janam
2.13.2c samaano/ a/dhvaa prava/taam anuSya/de ya/s taa/kRNoH prathama/M saa/sy ukthya\H
2.13.3a a/nv e/ko vadati ya/d da/daati ta/d ruupaa/ mina/n ta/dapaa e/ka iiyate
2.13.3c vi/shvaa e/kasya vinu/das titikSate ya/s taa/kRNoH prathama/M saa/sy ukthya\H
2.13.4a prajaa/bhyaH puSTi/M vibha/janta aasate rayi/m iva pRSTha/m prabha/vantam aayate/
2.13.4c a/sinvan da/MSTraiH pitu/r atti bho/janaM ya/s taa/kRNoH prathama/M saa/sy ukthya\H
2.13.5a a/dhaakRNoH pRthivii/M saMdR/she dive/ yo/ dhautiinaa/m ahihann aa/riNak patha/H
2.13.5c ta/M tvaa sto/mebhir uda/bhir na/ vaaji/naM deva/M devaa/ ajanan saa/sy ukthya\H
2.13.6a yo/ bho/janaM ca da/yase ca va/rdhanam aardraa/d aa/ shu/Skam ma/dhumad dudo/hitha
2.13.6c sa/ shevadhi/M ni/ dadhiSe viva/svati vi/shvasyai/ka iishiSe saa/sy ukthya\H
2.13.7a ya/H puSpi/Niish ca prasva\sh ca dha/rmaNaa/dhi daa/ne vy a\va/niir a/dhaarayaH
2.13.7c ya/sh caa/samaa a/jano didyu/to diva/ uru/r uurvaa/M+ abhi/taH saa/sy ukthya\H
2.13.8a yo/ naarmara/M saha/vasuM ni/hantave pRkSaa/ya ca daasa/veshaaya caa/vahaH
2.13.8c uurja/yantyaa a/pariviSTam aasya\m utai/vaa/dya/ purukRt saa/sy ukthya\H
2.13.9a shata/M vaa ya/sya da/sha saaka/m aa/dya e/kasya shruSTau/ ya/d dha coda/m aa/vitha
2.13.9c arajjau/ da/syuun sa/m unab dabhii/taye supraavyo\ abhavaH saa/sy ukthya\H
2.13.10a vi/shve/d a/nu rodhanaa/ asya pau/MsyaM dadu/r asmai dadhire/ kRtna/ve dha/nam
2.13.10c Sa/L astabhnaa viSTi/raH pa/~nca saMdR/shaH pa/ri paro/ abhavaH saa/sy ukthya\H
2.13.11a supravaacana/M ta/va viira viirya\M ya/d e/kena kra/tunaa vinda/se va/su
2.13.11c jaatuu/SThirasya pra/ va/yaH sa/hasvato yaa/ caka/rtha se/ndra vi/shvaasy ukthya\H
2.13.12a a/ramayaH sa/rapasas ta/raaya ka/M turvii/taye ca vayyaaaa\ya ca sruti/m
2.13.12c niicaa/ sa/ntam u/d anayaH paraavR/jam praa/ndha/M shroNa/M shrava/yan saa/sy ukthya\H
2.13.13a asma/bhyaM ta/d vaso daanaa/ya raa/dhaH sa/m arthayasva bahu/ te vasavya\m
2.13.13c i/ndra ya/c citra/M shravasyaa/ a/nu dyuu/n bRha/d vadema vida/the suvii/raaH
2.14.1a a/dhvaryavo bha/rate/ndraaya so/mam aa/matrebhiH si~ncataa ma/dyam a/ndhaH
2.14.1c kaamii/ hi/ viira/H sa/dam asya piiti/M juho/ta vR/SNe ta/d i/d eSa/ vaSTi
2.14.2a a/dhvaryavo yo/ apo/ vavrivaa/MsaM vRtra/M jaghaa/naasha/nyeva vRkSa/m
2.14.2c ta/smaa eta/m bharata tadvashaa/yaM+ eSa/ i/ndro arhati piiti/m asya
2.14.3a a/dhvaryavo yo/ dR/bhiikaM jaghaa/na yo/ gaa/ udaa/jad a/pa hi/ vala/M va/H
2.14.3c ta/smaa eta/m anta/rikSe na/ vaa/tam i/ndraM so/mair o/rNuta juu/r na/ va/straiH
2.14.4a a/dhvaryavo ya/ u/raNaM jaghaa/na na/va cakhvaa/MsaM navati/M ca baahuu/n
2.14.4c yo/ a/rbudam a/va niicaa/ babaadhe/ ta/m i/ndraM so/masya bhRthe/ hinota
2.14.5a a/dhvaryavo ya/H sv a/shnaM jaghaa/na ya/H shu/SNam ashu/SaM yo/ vya\Msam
2.14.5c ya/H pi/pruM na/muciM yo/ rudhikraa/M ta/smaa i/ndraayaa/ndhaso juhota
2.14.6a a/dhvaryavo ya/H shata/M sha/mbarasya pu/ro bibhe/daa/shmaneva puurvii/H
2.14.6c yo/ varci/naH shata/m i/ndraH saha/sram apaa/vapad bha/rataa so/mam asmai
2.14.7a a/dhvaryavo ya/H shata/m aa/ saha/sram bhuu/myaa upa/sthe/ .avapaj jaghanvaa/n
2.14.7c ku/tsasyaayo/r atithigva/sya viiraa/n ny aa/vRNag bha/rataa so/mam asmai
2.14.8a a/dhvaryavo ya/n naraH kaama/yaadhve shruSTii/ va/hanto nashathaa ta/d i/ndre
2.14.8c ga/bhastipuutam bharata shrutaa/ye/ndraaya so/maM yajyavo juhota
2.14.9a a/dhvaryavaH ka/rtanaa shruSTi/m asmai va/ne ni/puutaM va/na u/n nayadhvam
2.14.9c juSaaNo/ ha/styam abhi/ vaavashe va i/ndraaya so/mam madira/M juhota
2.14.10a a/dhvaryavaH pa/yaso/dhar ya/thaa go/H so/mebhir iim pRNataa bhoja/m i/ndram
2.14.10c ve/daaha/m asya ni/bhRtam ma eta/d di/tsantam bhuu/yo yajata/sh ciketa
2.14.11a a/dhvaryavo yo/ divya/sya va/svo ya/H paa/rthivasya kSa/myasya raa/jaa
2.14.11c ta/m uu/rdaraM na/ pRNataa ya/vene/ndraM so/mebhis ta/d a/po vo astu
2.14.12a asma/bhyaM ta/d vaso daanaa/ya raa/dhaH sa/m arthayasva bahu/ te vasavya\m
2.14.12c i/ndra ya/c citra/M shravasyaa/ a/nu dyuu/n bRha/d vadema vida/the suvii/raaH
2.15.1a pra/ ghaa nv a\sya mahato/ mahaa/ni satyaa/ satya/sya ka/raNaani vocam
2.15.1c tri/kadrukeSv apibat suta/syaasya/ ma/de a/him i/ndro jaghaana
2.15.2a avaMshe/ dyaa/m astabhaayad bRha/ntam aa/ ro/dasii apRNad anta/rikSam
2.15.2c sa/ dhaarayat pRthivii/m papra/thac ca so/masya taa/ ma/da i/ndrash cakaara
2.15.3a sa/dmeva praa/co vi/ mimaaya maa/nair va/jreNa khaa/ny atRNan nadii/naam
2.15.3c vR/thaasRjat pathi/bhir diirghayaathai/H so/masya taa/ ma/da i/ndrash cakaara
2.15.4a sa/ pravoLhRR/n pariga/tyaa dabhii/ter vi/shvam adhaag aa/yudham iddhe/ agnau/
2.15.4c sa/M go/bhir a/shvair asRjad ra/thebhiH so/masya taa/ ma/da i/ndrash cakaara
2.15.5a sa/ iim mahii/M dhu/nim e/tor aramNaat so/ asnaatRR/n apaarayat svasti/
2.15.5c ta/ utsnaa/ya rayi/m abhi/ pra/ tasthuH so/masya taa/ ma/da i/ndrash cakaara
2.15.6a so/da~ncaM si/ndhum ariNaan mahitvaa/ va/jreNaa/na uSa/saH sa/m pipeSa
2.15.6c ajava/so javi/niibhir vivRshca/n so/masya taa/ ma/da i/ndrash cakaara
2.15.7a sa/ vidvaa/M+ apagoha/M kanii/naam aavi/r bha/vann u/d atiSThat paraavR/k
2.15.7c pra/ti shroNa/ sthaad vy a\na/g acaSTa so/masya taa/ ma/da i/ndrash cakaara
2.15.8a bhina/d vala/m a/~Ngirobhir gRNaano/ vi/ pa/rvatasya dRMhitaa/ny airat
2.15.8c riNa/g ro/dhaaMsi kRtri/maaNy eSaaM so/masya taa/ ma/da i/ndrash cakaara
2.15.9a sva/pnenaabhyu/pyaa cu/muriM dhu/niM ca jagha/ntha da/syum pra/ dabhii/tim aavaH
2.15.9c rambhii/ cid a/tra vivide hi/raNyaM so/masya taa/ ma/da i/ndrash cakaara
2.15.10a nuuna/M saa/ te pra/ti va/raM jaritre/ duhiiya/d indra da/kSiNaa magho/nii
2.15.10c shi/kSaa stotR/bhyo maa/ti dhag bha/go no bRha/d vadema vida/the suvii/raaH
2.16.1a pra/ vaH sataa/M jye/SThatamaaya suSTuti/m agnaa/v iva samidhaane/ havi/r bhare
2.16.1c i/ndram ajurya/M jara/yantam ukSita/M sanaa/d yu/vaanam a/vase havaamahe
2.16.2a ya/smaad i/ndraad bRhata/H ki/M cane/m Rte/ vi/shvaany asmin sa/mbhRtaa/dhi viiryaaaa\
2.16.2c jaTha/re so/maM tanviiaa\ sa/ho ma/ho ha/ste va/jram bha/rati shiirSa/Ni kra/tum
2.16.3a na/ kSoNii/bhyaam paribhve\ ta indriya/M na/ samudrai/H pa/rvatair indra te ra/thaH
2.16.3c na/ te va/jram a/nv ashnoti ka/sh cana/ ya/d aashu/bhiH pa/tasi yo/janaa puru/
2.16.4a vi/shve hy a\smai yajataa/ya dhRSNa/ve kra/tum bha/ranti vRSabhaa/ya sa/shcate
2.16.4c vR/Saa yajasva havi/Saa vidu/STaraH pi/bendra so/maM vRSabhe/Na bhaanu/naa
2.16.5a vR/SNaH ko/shaH pavate ma/dhva uurmi/r vRSabhaa/nnaaya vRSabhaa/ya paa/tave
2.16.5c vR/SaNaadhvaryuu/ vRSabhaa/so a/drayo vR/SaNaM so/maM vRSabhaa/ya suSvati
2.16.6a vR/Saa te va/jra uta/ te vR/Saa ra/tho vR/SaNaa ha/rii vRSabhaa/Ny aa/yudhaa
2.16.6c vR/SNo ma/dasya vRSabha tva/m iishiSa i/ndra so/masya vRSabha/sya tRpNuhi
2.16.7a pra/ te naa/vaM na/ sa/mane vacasyu/vam bra/hmaNaa yaami sa/vaneSu daa/dhRSiH
2.16.7c kuvi/n no asya/ va/caso nibo/dhiSad i/ndram u/tsaM na/ va/sunaH sicaamahe
2.16.8a puraa/ sambaadhaa/d abhy aa/ vavRtsva no dhenu/r na/ vatsa/M ya/vasasya pipyu/Sii
2.16.8c sakR/t su/ te sumati/bhiH shatakrato sa/m pa/tniibhir na/ vR/SaNo nasiimahi
2.16.9a nuuna/M saa/ te pra/ti va/raM jaritre/ duhiiya/d indra da/kSiNaa magho/nii
2.16.9c shi/kSaa stotR/bhyo maa/ti dhag bha/go no bRha/d vadema vida/the suvii/raaH
2.17.1a ta/d asmai na/vyam a~Ngirasva/d arcata shu/Smaa ya/d asya pratna/thodii/rate
2.17.1c vi/shvaa ya/d gotraa/ sa/hasaa pa/riivRtaa ma/de so/masya dRMhitaa/ny ai/rayat
2.17.2a sa/ bhuutu yo/ ha prathamaa/ya dhaa/yasa o/jo mi/maano mahimaa/nam aa/tirat
2.17.2c shuu/ro yo/ yutsu/ tanva\m parivya/ta shiirSa/Ni dyaa/m mahinaa/ pra/ty amu~ncata
2.17.3a a/dhaakRNoH prathama/M viirya\m maha/d ya/d asyaa/gre bra/hmaNaa shu/Smam ai/rayaH
2.17.3c ratheSThe/na ha/ryashvena vi/cyutaaH pra/ jiira/yaH sisrate sadhrya\k pR/thak
2.17.4a a/dhaa yo/ vi/shvaa bhu/vanaabhi/ majma/neshaanakR/t pra/vayaa abhy a/vardhata
2.17.4c aa/d ro/dasii jyo/tiSaa va/hnir aa/tanot sii/vyan ta/maaMsi du/dhitaa sa/m avyayat
2.17.5a sa/ praacii/naan pa/rvataan dRMhad o/jasaadharaacii/nam akRNod apaa/m a/paH
2.17.5c a/dhaarayat pRthivii/M vishva/dhaayasam a/stabhnaan maaya/yaa dyaa/m avasra/saH
2.17.6a saa/smaa a/ram baahu/bhyaaM ya/m pitaa/kRNod vi/shvasmaad aa/ janu/So ve/dasas pa/ri
2.17.6c ye/naa pRthivyaa/M ni/ kri/viM shaya/dhyai va/jreNa hatvy a/vRNak tuviSva/NiH
2.17.7a amaajuu/r iva pitro/H sa/caa satii/ samaanaa/d aa/ sa/dasas tvaa/m iye bha/gam
2.17.7c kRdhi/ praketa/m u/pa maasy aa/ bhara daddhi/ bhaaga/M tanvo\ ye/na maama/haH
2.17.8a bhoja/M tvaa/m indra vaya/M huvema dadi/S Tva/m indraa/paaMsi vaa/jaan
2.17.8c aviDDhiiaa\ndra citra/yaa na uutii/ kRdhi/ vRSann indra va/syaso naH
2.17.9a nuuna/M saa/ te pra/ti va/raM jaritre/ duhiiya/d indra da/kSiNaa magho/nii
2.17.9c shi/kSaa stotR/bhyo maa/ti dhag bha/go no bRha/d vadema vida/the suvii/raaH
2.18.1a praataa/ ra/tho na/vo yoji sa/snish ca/turyugas trikasha/H sapta/rashmiH
2.18.1c da/shaaritro manuSya\H svarSaa/H sa/ iSTi/bhir mati/bhii ra/Mhyo bhuut
2.18.2a saa/smaa a/ram prathama/M sa/ dvitii/yam uto/ tRtii/yam ma/nuSaH sa/ ho/taa
2.18.2c anya/syaa ga/rbham anya/ uu jananta so/ anye/bhiH sacate je/nyo vR/Saa
2.18.3a ha/rii nu/ kaM ra/tha i/ndrasya yojam aayai/ suukte/na va/casaa na/vena
2.18.3c mo/ Su/ tvaa/m a/tra baha/vo hi/ vi/praa ni/ riiraman ya/jamaanaaso anye/
2.18.4a aa/ dvaa/bhyaaM ha/ribhyaam indra yaahy aa/ catu/rbhir aa/ SaDbhi/r huuya/maanaH
2.18.4c aa/STaabhi/r dasha/bhiH somape/yam aya/M suta/H sumakha maa/ mR/dhas kaH
2.18.5a aa/ viMshatyaa/ triMsha/taa yaahy arvaa/~N aa/ catvaariMsha/taa ha/ribhir yujaana/H
2.18.5c aa/ pa~ncaasha/taa sura/thebhir indraa/ SaSTyaa/ saptatyaa/ somape/yam
2.18.6a aa/shiityaa/ navatyaa/ yaahy arvaa/~N aa/ shate/na ha/ribhir uhya/maanaH
2.18.6c aya/M hi/ te shuna/hotreSu so/ma i/ndra tvaayaa/ pa/riSikto ma/daaya
2.18.7a ma/ma bra/hmendra yaahy a/chaa vi/shvaa ha/rii dhuri/ dhiSvaa ra/thasya
2.18.7c purutraa/ hi/ viha/vyo babhuu/thaasmi/~n chuura sa/vane maadayasva
2.18.8a na/ ma i/ndreNa sakhya/M vi/ yoSad asma/bhyam asya da/kSiNaa duhiita
2.18.8c u/pa jye/SThe va/ruuthe ga/bhastau praaye/-praaye jigiivaa/MsaH syaama
2.18.9a nuuna/M saa/ te pra/ti va/raM jaritre/ duhiiya/d indra da/kSiNaa magho/nii
2.18.9c shi/kSaa stotR/bhyo maa/ti dhag bha/go no bRha/d vadema vida/the suvii/raaH
2.19.1a a/paayy asyaa/ndhaso ma/daaya ma/niiSiNaH suvaana/sya pra/yasaH
2.19.1c ya/sminn i/ndraH pradi/vi vaavRdhaana/ o/ko dadhe/ brahmaNya/ntash ca na/raH
2.19.2a asya/ mandaano/ ma/dhvo va/jrahasto/ .ahim i/ndro arNovR/taM vi/ vRshcat
2.19.2c pra/ ya/d va/yo na/ sva/saraaNy a/chaa pra/yaaMsi ca nadii/naaM ca/kramanta
2.19.3a sa/ maa/hina i/ndro a/rNo apaa/m prai/rayad ahihaa/chaa samudra/m
2.19.3c a/janayat suu/ryaM vida/d gaa/ aktu/naa/hnaaM vayu/naani saadhat
2.19.4a so/ apratii/ni ma/nave puruu/Nii/ndro daashad daashu/Se ha/nti vRtra/m
2.19.4c sadyo/ yo/ nR/bhyo atasaa/yyo bhuu/t paspRdhaane/bhyaH suu/ryasya saatau/
2.19.5a sa/ sunvata/ i/ndraH suu/ryam aa/ devo/ riNa~N ma/rtyaaya stavaa/n
2.19.5c aa/ ya/d rayi/M guha/davadyam asmai bha/rad a/MshaM nai/tasho dashasya/n
2.19.6a sa/ randhayat sadi/vaH saa/rathaye shu/SNam ashu/SaM ku/yavaM ku/tsaaya
2.19.6c di/vodaasaaya navati/M ca na/ve/ndraH pu/ro vy aai\rac cha/mbarasya
2.19.7a evaa/ ta indroca/tham ahema shravasyaa/ na/ tma/naa vaaja/yantaH
2.19.7c ashyaa/ma ta/t saa/ptam aashuSaaNaa/ nana/mo va/dhar a/devasya piiyo/H
2.19.8a evaa/ te gRtsamadaa/H shuura ma/nmaavasya/vo na/ vayu/naani takSuH
2.19.8c brahmaNya/nta indra te na/viiya i/Sam uu/rjaM sukSiti/M sumna/m ashyuH
2.19.9a nuuna/M saa/ te pra/ti va/raM jaritre/ duhiiya/d indra da/kSiNaa magho/nii
2.19.9c shi/kSaa stotR/bhyo maa/ti dhag bha/go no bRha/d vadema vida/the suvii/raaH
2.20.1a vaya/M te va/ya indra viddhi/ Su/ NaH pra/ bharaamahe vaajayu/r na/ ra/tham
2.20.1c vipanya/vo dii/dhyato maniiSaa/ sumna/m i/yakSantas tvaa/vato nRR/n
2.20.2a tva/M na indra tvaa/bhir uutii/ tvaayato/ abhiSTipaa/si ja/naan
2.20.2c tva/m ino/ daashu/So varuute/tthaa/dhiir abhi/ yo/ na/kSati tvaa
2.20.3a sa/ no yu/ve/ndro johuu/traH sa/khaa shivo/ naraa/m astu paataa/
2.20.3c ya/H sha/MsantaM ya/H shashamaana/m uutii/ pa/cantaM ca stuva/ntaM ca praNe/Sat
2.20.4a ta/m u stuSa i/ndraM ta/M gRNiiSe ya/smin puraa/ vaavRdhu/H shaashadu/sh ca
2.20.4c sa/ va/svaH kaa/mam piiparad iyaano/ brahmaNyato/ nuu/tanasyaayo/H
2.20.5a so/ a/~Ngirasaam uca/thaa jujuSvaa/n bra/hmaa tuutod i/ndro gaatu/m iSNa/n
2.20.5c muSNa/nn uSa/saH suu/ryeNa stavaa/n a/shnasya cic chishnathat puurvyaa/Ni
2.20.6a sa/ ha shruta/ i/ndro naa/ma deva/ uurdhvo/ bhuvan ma/nuSe dasma/tamaH
2.20.6c a/va priya/m arshasaana/sya saahvaa/~n chi/ro bharad daasa/sya svadhaa/vaan
2.20.7a sa/ vRtrahe/ndraH kRSNa/yoniiH puraMdaro/ daa/siir airayad vi/
2.20.7c a/janayan ma/nave kSaa/m apa/sh ca satraa/ sha/MsaM ya/jamaanasya tuutot
2.20.8a ta/smai tavasya\m a/nu daayi satre/ndraaya deve/bhir a/rNasaatau
2.20.8c pra/ti ya/d asya va/jram baahvo/r dhu/r hatvii/ da/syuun pu/ra aa/yasiir ni/ taariit
2.20.9a nuuna/M saa/ te pra/ti va/raM jaritre/ duhiiya/d indra da/kSiNaa magho/nii
2.20.9c shi/kSaa stotR/bhyo maa/ti dhag bha/go no bRha/d vadema vida/the suvii/raaH
2.21.1a vishvaji/te dhanaji/te svarji/te satraaji/te nRji/ta urvaraaji/te
2.21.1c ashvaji/te goji/te abji/te bhare/ndraaya so/maM yajataa/ya haryata/m
2.21.2a abhibhu/ve .abhibha~Ngaa/ya vanvate/ .aSaaLhaaya sa/hamaanaaya vedha/se
2.21.2c tuvigra/ye va/hnaye duSTa/riitave satraasaa/he na/ma i/ndraaya vocata
2.21.3a satraasaaho/ janabhakSo/ janaMsaha/sh cya/vano yudhmo/ a/nu jo/Sam ukSita/H
2.21.3c vRtaMcaya/H sa/hurir vikSv aaaa\rita/ i/ndrasya vocam pra/ kRtaa/ni viiryaaaa\
2.21.4a anaanudo/ vRSabho/ do/dhato vadho/ gambhiira/ RSvo/ a/samaSTakaavyaH
2.21.4c radhracoda/H shna/thano viiLita/s pRthu/r i/ndraH suyaj~na/ uSa/saH sva\r janat
2.21.5a yaj~ne/na gaatu/m aptu/ro vividrire dhi/yo hinvaanaa/ ushi/jo maniiSi/NaH
2.21.5c abhisva/raa niSa/daa gaa/ avasya/va i/ndre hinvaanaa/ dra/viNaany aashata
2.21.6a i/ndra shre/SThaani dra/viNaani dhehi ci/ttiM da/kSasya subhagatva/m asme/
2.21.6c po/SaM rayiiNaa/m a/riSTiM tanuu/naaM svaadmaa/naM vaaca/H sudinatva/m a/hnaam
2.22.1a tri/kadrukeSu mahiSo/ ya/vaashiraM tuvishu/Smas
2.22.1c tRpa/t so/mam apibad vi/SNunaa suta/M ya/thaa/vashat
2.22.1e sa/ iim mamaada ma/hi ka/rma ka/rtave mahaa/m uru/M
2.22.1g sai/naM sashcad devo/ deva/M satya/m i/ndraM satya/ i/nduH
2.22.2a a/dha tvi/SiimaaM+ abhy o/jasaa kri/viM yudhaa/bhavad
2.22.2c aa/ ro/dasii apRNad asya majma/naa pra/ vaavRdhe
2.22.2e a/dhattaanya/M jaTha/re pre/m aricyata
2.22.2f sai/naM sashcad devo/ deva/M satya/m i/ndraM satya/ i/nduH
2.22.3a saaka/M jaata/H kra/tunaa saaka/m o/jasaa vavakSitha
2.22.3c saaka/M vRddho/ viiryaai\H saasahi/r mR/dho vi/carSaNiH
2.22.3e daa/taa raa/dha stuvate/ kaa/myaM va/su
2.22.3f sai/naM sashcad devo/ deva/M satya/m i/ndraM satya/ i/nduH
2.22.4a ta/va tya/n na/ryaM nRto/ .apa indra prathama/m puurvya/M divi/ pravaa/cyaM kRta/m
2.22.4d ya/d deva/sya sha/vasaa praa/riNaa a/suM riNa/nn apa/H
2.22.4f bhu/vad vi/shvam abhy aa/devam o/jasaa vidaa/d uu/rjaM shata/kratur vidaa/d i/Sam
2.23.1a gaNaa/naaM tvaa gaNa/patiM havaamahe kavi/M kaviinaa/m upama/shravastamam
2.23.1c jyeSTharaa/jam bra/hmaNaam brahmaNas pata aa/ naH shRNva/nn uuti/bhiH siida saa/danam
2.23.2a devaa/sh cit te asurya pra/cetaso bR/haspate yaj~ni/yam bhaaga/m aanashuH
2.23.2c usraa/ iva suu/ryo jyo/tiSaa maho/ vi/shveSaam i/j janitaa/ bra/hmaNaam asi
2.23.3a aa/ vibaa/dhyaa pariraa/pas ta/maaMsi ca jyo/tiSmantaM ra/tham Rta/sya tiSThasi
2.23.3c bR/haspate bhiima/m amitrada/mbhanaM rakSoha/NaM gotrabhi/daM svarvi/dam
2.23.4a suniiti/bhir nayasi traa/yase ja/naM ya/s tu/bhyaM daa/shaan na/ ta/m a/Mho ashnavat
2.23.4c brahmadvi/Sas ta/pano manyumii/r asi bR/haspate ma/hi ta/t te mahitvana/m
2.23.5a na/ ta/m a/Mho na/ durita/M ku/tash cana/ naa/raatayas titirur na/ dvayaavi/naH
2.23.5c vi/shvaa i/d asmaad dhvara/so vi/ baadhase ya/M sugopaa/ ra/kSasi brahmaNas pate
2.23.6a tva/M no gopaa/H pathikR/d vicakSaNa/s ta/va vrataa/ya mati/bhir jaraamahe
2.23.6c bR/haspate yo/ no abhi/ hva/ro dadhe/ svaa/ ta/m marmartu duchu/naa ha/rasvatii
2.23.7a uta/ vaa yo/ no marca/yaad a/naagaso .araatiivaa/ ma/rtaH saanuko/ vR/kaH
2.23.7c bR/haspate a/pa ta/M vartayaa patha/H suga/M no asyai/ deva/viitaye kRdhi
2.23.8a traataa/raM tvaa tanuu/naaM havaamahe/ .avaspartar adhivaktaa/ram asmayu/m
2.23.8c bR/haspate devani/do ni/ barhaya maa/ dure/vaa u/ttaraM sumna/m u/n nashan
2.23.9a tva/yaa vaya/M suvR/dhaa brahmaNas pate spaarhaa/ va/su manuSyaa/ dadiimahi
2.23.9c yaa/ no duure/ taLi/to yaa/ a/raatayo .abhi/ sa/nti jambha/yaa taa/ anapna/saH
2.23.10a tva/yaa vaya/m uttama/M dhiimahe va/yo bR/haspate pa/priNaa sa/sninaa yujaa/
2.23.10c maa/ no duHsha/Mso abhidipsu/r iishata pra/ susha/Msaa mati/bhis taariSiimahi
2.23.11a anaanudo/ vRSabho/ ja/gmir aahava/M ni/STaptaa sha/trum pR/tanaasu saasahi/H
2.23.11c a/si satya/ RNayaa/ brahmaNas pata ugra/sya cid damitaa/ viiLuharSi/NaH
2.23.12a a/devena ma/nasaa yo/ riSaNya/ti shaasaa/m ugro/ ma/nyamaano ji/ghaaMsati
2.23.12c bR/haspate maa/ pra/Nak ta/sya no vadho/ ni/ karma manyu/M dure/vasya sha/rdhataH
2.23.13a bha/reSu ha/vyo na/masopasa/dyo ga/ntaa vaa/jeSu sa/nitaa dha/naM-dhanam
2.23.13c vi/shvaa i/d aryo/ abhidipsvo\ mR/dho bR/haspa/tir vi/ vavarhaa ra/thaaM+ iva
2.23.14a te/jiSThayaa tapanii/ rakSa/sas tapa ye/ tvaa nide/ dadhire/ dRSTa/viiryam
2.23.14c aavi/s ta/t kRSva ya/d a/sat ta ukthya\m bR/haspate vi/ pariraa/po ardaya
2.23.15a bR/haspate a/ti ya/d aryo/ a/rhaad dyuma/d vibhaa/ti kra/tumaj ja/neSu
2.23.15c ya/d diida/yac cha/vasa Rtaprajaata ta/d asmaa/su dra/viNaM dhehi citra/m
2.23.16a maa/ na stene/bhyo ye/ abhi/ druha/s pade/ niraami/No ripa/vo/ .anneSu jaagRdhu/H
2.23.16c aa/ devaa/naam o/hate vi/ vra/yo hRdi/ bR/haspate na/ para/H saa/mno viduH
2.23.17a vi/shvebhyo hi/ tvaa bhu/vanebhyas pa/ri tva/STaa/janat saa/mnaH-saamnaH kavi/H
2.23.17c sa/ RNaci/d RNayaa/ bra/hmaNas pa/tir druho/ hantaa/ maha/ Rta/sya dharta/ri
2.23.18a ta/va shriye/ vy a\jihiita pa/rvato ga/vaaM gotra/m uda/sRjo ya/d a~NgiraH
2.23.18c i/ndreNa yujaa/ ta/masaa pa/riivRtam bR/haspate ni/r apaa/m aubjo arNava/m
2.23.19a bra/hmaNas pate tva/m asya/ yantaa/ suukta/sya bodhi ta/nayaM ca jinva
2.23.19c vi/shvaM ta/d bhadra/M ya/d a/vanti devaa/ bRha/d vadema vida/the suvii/raaH
2.24.1a se/maa/m aviDDhi pra/bhRtiM ya/ ii/shiSe .ayaa/ vidhema na/vayaa mahaa/ giraa/
2.24.1c ya/thaa no miiDhvaa/n sta/vate sa/khaa ta/va bR/haspate sii/SadhaH so/ta/ no mati/m
2.24.2a yo/ na/ntvaany a/naman ny o/jasotaa/dardar manyu/naa sha/mbaraaNi vi/
2.24.2c praa/cyaavayad a/cyutaa bra/hmaNas pa/tir aa/ caa/vishad va/sumantaM vi/ pa/rvatam
2.24.3a ta/d devaa/naaM deva/tamaaya ka/rtvam a/shrathnan dRLhaa/vradanta viiLitaa/
2.24.3c u/d gaa/ aajad a/bhinad bra/hmaNaa vala/m a/guuhat ta/mo vy a\cakSayat sva\H
2.24.4a a/shmaasyam avata/m bra/hmaNas pa/tir ma/dhudhaaram abhi/ ya/m o/jasaa/tRNat
2.24.4c ta/m eva/ vi/shve papire svardR/sho bahu/ saaka/M sisicur u/tsam udri/Nam
2.24.5a sa/naa taa/ kaa/ cid bhu/vanaa bha/viitvaa maadbhi/H shara/dbhir du/ro varanta vaH
2.24.5c a/yatantaa carato anya/d-anyad i/d yaa/ cakaa/ra vayu/naa bra/hmaNas pa/tiH
2.24.6a abhina/kSanto abhi/ ye/ ta/m aanashu/r nidhi/m paNiinaa/m parama/M gu/haa hita/m
2.24.6c te/ vidvaa/MsaH pratica/kSyaa/nRtaa pu/nar ya/ta u aa/yan ta/d u/d iiyur aavi/sham
2.24.7a Rtaa/vaanaH pratica/kSyaa/nRtaa pu/nar aa/ta aa/ tasthuH kava/yo maha/s patha/H
2.24.7c te/ baahu/bhyaaM dhamita/m agni/m a/shmani na/kiH So/ asty a/raNo jahu/r hi/ ta/m
2.24.8a Rta/jyena kSipre/Na bra/hmaNas pa/tir ya/tra va/STi pra/ ta/d ashnoti dha/nvanaa
2.24.8c ta/sya saadhvii/r i/Savo yaa/bhir a/syati nRca/kSaso dRsha/ye ka/rNayonayaH
2.24.9a sa/ saMnaya/H sa/ vinaya/H puro/hitaH sa/ su/STutaH sa/ yudhi/ bra/hmaNas pa/tiH
2.24.9c caakSmo/ ya/d vaa/jam bha/rate matii/ dha/naa/d i/t suu/ryas tapati tapyatu/r vR/thaa
2.24.10a vibhu/ prabhu/ prathama/m meha/naavato bR/haspa/teH suvida/traaNi raa/dhyaa
2.24.10c imaa/ saataa/ni venya/sya vaaji/no ye/na ja/naa ubha/ye bhu~njate/ vi/shaH
2.24.11a yo/ .avare vRja/ne vishva/thaa vibhu/r mahaa/m u raNva/H sha/vasaa vava/kSitha
2.24.11c sa/ devo/ devaa/n pra/ti paprathe pRthu/ vi/shve/d u taa/ paribhuu/r bra/hmaNas pa/tiH
2.24.12a vi/shvaM satya/m maghavaanaa yuvo/r i/d aa/pash cana/ pra/ minanti vrata/M vaam
2.24.12c a/chendraabrahmaNaspatii havi/r no/ .annaM yu/jeva vaaji/naa jigaatam
2.24.13a utaa/shiSThaa a/nu shRNvanti va/hnayaH sabhe/yo vi/pro bharate matii/ dha/naa
2.24.13c viiLudve/Saa a/nu va/sha RNa/m aadadi/H sa/ ha vaajii/ samithe/ bra/hmaNas pa/tiH
2.24.14a bra/hmaNas pa/ter abhavad yathaavasha/M satyo/ manyu/r ma/hi ka/rmaa kariSyata/H
2.24.14c yo/ gaa/ udaa/jat sa/ dive/ vi/ caabhajan mahii/va riiti/H sha/vasaasarat pR/thak
2.24.15a bra/hmaNas pate suya/masya vishva/haa raaya/H syaama rathyo\ va/yasvataH
2.24.15c viire/Su viiraa/M+ u/pa pR~Ndhi nas tva/M ya/d ii/shaano bra/hmaNaa ve/Si me ha/vam
2.24.16a bra/hmaNas pate tva/m asya/ yantaa/ suukta/sya bodhi ta/nayaM ca jinva
2.24.16c vi/shvaM ta/d bhadra/M ya/d a/vanti devaa/ bRha/d vadema vida/the suvii/raaH
2.25.1a i/ndhaano agni/M vanavad vanuSyata/H kRta/brahmaa shuushuvad raata/havya i/t
2.25.1c jaate/na jaata/m a/ti sa/ pra/ sarsRte ya/M-yaM yu/jaM kRNute/ bra/hmaNas pa/tiH
2.25.2a viire/bhir viiraa/n vanavad vanuSyato/ go/bhii rayi/m paprathad bo/dhati tma/naa
2.25.2c toka/M ca ta/sya ta/nayaM ca vardhate ya/M-yaM yu/jaM kRNute/ bra/hmaNas pa/tiH
2.25.3a si/ndhur na/ kSo/daH shi/miivaaM+ Rghaayato/ vR/Seva va/dhriiM+r abhi/ vaSTy o/jasaa
2.25.3c agne/r iva pra/sitir naa/ha va/rtave ya/M-yaM yu/jaM kRNute/ bra/hmaNas pa/tiH
2.25.4a ta/smaa arSanti divyaa/ asashca/taH sa/ sa/tvabhiH prathamo/ go/Su gachati
2.25.4c a/nibhRSTataviSir hanty o/jasaa ya/M-yaM yu/jaM kRNute/ bra/hmaNas pa/tiH
2.25.5a ta/smaa i/d vi/shve dhunayanta si/ndhavo/ .achidraa sha/rma dadhire puruu/Ni
2.25.5c devaa/naaM sumne/ subha/gaH sa/ edhate ya/M-yaM yu/jaM kRNute/ bra/hmaNas pa/tiH
2.26.1a Rju/r i/c cha/Mso vanavad vanuSyato/ devaya/nn i/d a/devayantam abhy a\sat
2.26.1c supraavii/r i/d vanavat pRtsu/ duSTa/raM ya/jve/d a/yajyor vi/ bhajaati bho/janam
2.26.2a ya/jasva viira pra/ vihi manaayato/ bhadra/m ma/naH kRNuSva vRtratuu/rye
2.26.2c havi/S kRNuSva subha/go ya/thaa/sasi bra/hmaNas pa/ter a/va aa/ vRNiimahe
2.26.3a sa/ i/j ja/nena sa/ vishaa/ sa/ ja/nmanaa sa/ putrai/r vaa/jam bharate dha/naa nR/bhiH
2.26.3c devaa/naaM ya/H pita/ram aavi/vaasati shraddhaa/manaa havi/Saa bra/hmaNas pa/tim
2.26.4a yo/ asmai havyai/r ghRta/vadbhir a/vidhat pra/ ta/m praacaa/ nayati bra/hmaNas pa/tiH
2.26.4c uruSya/tiim a/Mhaso ra/kSatii riSo\ .aMho/sh cid asmaa uruca/krir a/dbhutaH
2.27.1a imaa/ gi/ra aaditye/bhyo ghRta/snuuH sanaa/d raa/jabhyo juhvaaaa\ juhomi
2.27.1c shRNo/tu mitro/ aryamaa/ bha/go nas tuvijaato/ va/ruNo da/kSo a/MshaH
2.27.2a ima/M sto/maM sa/kratavo me adya/ mitro/ aryamaa/ va/ruNo juSanta
2.27.2c aadityaa/saH shu/cayo dhaa/rapuutaa a/vRjinaa anavadyaa/ a/riSTaaH
2.27.3a ta/ aadityaa/sa ura/vo gabhiiraa/ a/dabdhaaso di/psanto bhuuryakSaa/H
2.27.3c anta/H pashyanti vRjino/ta/ saadhu/ sa/rvaM raa/jabhyaH paramaa/ cid a/nti
2.27.4a dhaara/yanta aadityaa/so ja/gat sthaa/ devaa/ vi/shvasya bhu/vanasya gopaa/H
2.27.4c diirghaa/dhiyo ra/kSamaaNaa asurya\m Rtaa/vaanash ca/yamaanaa RNaa/ni
2.27.5a vidyaa/m aadityaa a/vaso vo asya/ ya/d aryaman bhaya/ aa/ cin mayobhu/
2.27.5c yuSmaa/kam mitraavaruNaa pra/Niitau pa/ri shva/bhreva duritaa/ni vRjyaam
2.27.6a sugo/ hi/ vo aryaman mitra pa/nthaa anRkSaro/ varuNa saadhu/r a/sti
2.27.6c te/naadityaa a/dhi vocataa no ya/chataa no duSpariha/ntu sha/rma
2.27.7a pi/partu no a/ditii raa/japutraa/ti dve/SaaMsy aryamaa/ suge/bhiH
2.27.7c bRha/n mitra/sya va/ruNasya sha/rmo/pa syaama puruvii/raa a/riSTaaH
2.27.8a tisro/ bhuu/miir dhaarayan trii/M+r uta/ dyuu/n trii/Ni vrataa/ vida/the anta/r eSaam
2.27.8c Rte/naadityaa ma/hi vo mahitva/M ta/d aryaman varuNa mitra caa/ru
2.27.9a trii/ rocanaa/ divyaa/ dhaarayanta hiraNya/yaaH shu/cayo dhaa/rapuutaaH
2.27.9c a/svapnajo animiSaa/ a/dabdhaa urusha/M+saa Rja/ve ma/rtyaaya
2.27.10a tva/M vi/shveSaaM varuNaasi raa/jaa ye/ ca devaa/ asura ye/ ca ma/rtaaH
2.27.10c shata/M no raasva shara/do vica/kSe .ashyaa/maa/yuuMSi su/dhitaani puu/rvaa
2.27.11a na/ dakSiNaa/ vi/ cikite na/ savyaa/ na/ praacii/nam aadityaa no/ta/ pashcaa/
2.27.11c paakyaaaa\ cid vasavo dhiiryaaaa\ cid yuSmaa/niito a/bhayaM jyo/tir ashyaam
2.27.12a yo/ raa/jabhya Rtani/bhyo dadaa/sha ya/M vardha/yanti puSTa/yash ca ni/tyaaH
2.27.12c sa/ revaa/n yaati prathamo/ ra/thena vasudaa/vaa vida/theSu prashasta/H
2.27.13a shu/cir apa/H suuya/vasaa a/dabdha u/pa kSeti vRddha/vayaaH suvii/raH
2.27.13c na/kiS Ta/M ghnanty a/ntito na/ duuraa/d ya/ aadityaa/naam bha/vati pra/Niitau
2.27.14a a/dite mi/tra va/ruNota/ mRLa ya/d vo vaya/M cakRmaa/ ka/c cid aa/gaH
2.27.14c urv a\shyaam a/bhayaM jyo/tir indra maa/ no diirghaa/ abhi/ nashan ta/misraaH
2.27.15a ubhe/ asmai piipayataH samiicii/ divo/ vRSTi/M subha/go naa/ma pu/Syan
2.27.15c ubhaa/ kSa/yaav aaja/yan yaati pRtsuu/bhaa/v a/rdhau bhavataH saadhuu/ asmai
2.27.16a yaa/ vo maayaa/ abhidru/he yajatraaH paa/shaa aadityaa ripa/ve vi/cRttaaH
2.27.16c ashvii/va taa/M+ a/ti yeSaM ra/thenaa/riSTaa uraa/v aa/ sha/rman syaama
2.27.17a maa/ha/m magho/no varuNa priya/sya bhuuridaa/vna aa/ vidaM shuu/nam aape/H
2.27.17c maa/ raayo/ raajan suya/maad a/va sthaam bRha/d vadema vida/the suvii/raaH
2.28.1a ida/M kave/r aaditya/sya svaraa/jo vi/shvaani saa/nty abhy a\stu mahnaa/
2.28.1c a/ti yo/ mandro/ yaja/thaaya deva/H sukiirti/m bhikSe va/ruNasya bhuu/reH
2.28.2a ta/va vrate/ subha/gaasaH syaama svaadhyo\ varuNa tuSTuvaa/MsaH
2.28.2c upaa/yana uSa/saaM go/matiinaam agna/yo na/ ja/ramaaNaa a/nu dyuu/n
2.28.3a ta/va syaama puruvii/rasya sha/rmann urusha/Msasya varuNa praNetaH
2.28.3c yuuya/M naH putraa aditer adabdhaa abhi/ kSamadhvaM yu/jyaaya devaaH
2.28.4a pra/ siim aadityo/ asRjad vidhartaa/M+ Rta/M si/ndhavo va/ruNasya yanti
2.28.4c na/ shraamyanti na/ vi/ mucanty ete/ va/yo na/ paptuu raghuyaa/ pa/rijman
2.28.5a vi/ ma/c chrathaaya rashanaa/m ivaa/ga Rdhyaa/ma te varuNa khaa/m Rta/sya
2.28.5c maa/ ta/ntush chedi va/yato dhi/yam me maa/ maa/traa shaary apa/saH pura/ Rto/H
2.28.6a a/po su/ myakSa varuNa bhiya/sam ma/t sa/mraaL R/taavo/ .anu maa gRbhaaya
2.28.6c daa/meva vatsaa/d vi/ mumugdhy a/Mho nahi/ tva/d aare/ nimi/Sash cane/she
2.28.7a maa/ no vadhai/r varuNa ye/ ta iSTaa/v e/naH kRNva/ntam asura bhriiNa/nti
2.28.7c maa/ jyo/tiSaH pravasathaa/ni ganma vi/ Suu/ mR/dhaH shishratho jiiva/se naH
2.28.8a na/maH puraa/ te varuNota/ nuuna/m utaa/para/M tuvijaata bravaama
2.28.8c tve/ hi/ kam pa/rvate na/ shritaa/ny a/pracyutaani duuLabha vrataa/ni
2.28.9a pa/ra RNaa/ saaviir a/dha ma/tkRtaani maa/ha/M raajann anya/kRtena bhojam
2.28.9c a/vyuSTaa i/n nu/ bhuu/yasiir uSaa/sa aa/ no jiivaa/n varuNa taa/su shaadhi
2.28.10a yo/ me raajan yu/jyo vaa sa/khaa vaa sva/pne bhaya/m bhiira/ve ma/hyam aa/ha
2.28.10c steno/ vaa yo/ di/psati no vR/ko vaa tva/M ta/smaad varuNa paahy asmaa/n
2.28.11a maa/ha/m magho/no varuNa priya/sya bhuuridaa/vna aa/ vidaM shuu/nam aape/H
2.28.11c maa/ raayo/ raajan suya/maad a/va sthaam bRha/d vadema vida/the suvii/raaH
2.29.1a dhR/tavrataa aa/dityaa i/Siraa aare/ ma/t karta rahasuu/r ivaa/gaH
2.29.1c shRNvato/ vo va/ruNa mi/tra de/vaa bhadra/sya vidvaa/M+ a/vase huve vaH
2.29.2a yuuya/M devaaH pra/matir yuuya/m o/jo yuuya/M dve/SaaMsi sanuta/r yuyota
2.29.2c abhikSattaa/ro abhi/ ca kSa/madhvam adyaa/ ca no mRLa/yataapara/M ca
2.29.3a ki/m uu nu/ vaH kRNavaamaa/pareNa ki/M sa/nena vasava aa/pyena
2.29.3c yuuya/M no mitraavaruNaadite ca svasti/m indraamaruto dadhaata
2.29.4a haye/ devaa yuuya/m i/d aapa/ya stha te/ mRLata naa/dhamaanaaya ma/hyam
2.29.4c maa/ vo ra/tho madhyamavaa/L Rte/ bhuun maa/ yuSmaa/vatsv aapi/Su shramiSma
2.29.5a pra/ va e/ko mimaya bhuu/ry aa/go ya/n maa pite/va kitava/M shashaasa/
2.29.5c aare/ paa/shaa aare/ aghaa/ni devaa maa/ maa/dhi putre/ vi/m iva grabhiiSTa
2.29.6a arvaa/~nco adyaa/ bhavataa yajatraa aa/ vo haa/rdi bha/yamaano vyayeyam
2.29.6c traa/dhvaM no devaa niju/ro vR/kasya traa/dhvaM kartaa/d avapa/do yajatraaH
2.29.7a maa/ha/m magho/no varuNa priya/sya bhuuridaa/vna aa/ vidaM shuu/nam aape/H
2.29.7c maa/ raayo/ raajan suya/maad a/va sthaam bRha/d vadema vida/the suvii/raaH
2.30.1a Rta/M devaa/ya kRNvate/ savitra/ i/ndraayaahighne/ na/ ramanta aa/paH
2.30.1c a/har-ahar yaaty aktu/r apaa/M ki/yaaty aa/ prathama/H sa/rga aasaam
2.30.2a yo/ vRtraa/ya si/nam a/traa/bhariSyat pra/ ta/M ja/nitrii vidu/Sa uvaaca
2.30.2c patho/ ra/dantiir a/nu jo/Sam asmai dive/-dive dhu/nayo yanty a/rtham
2.30.3a uurdhvo/ hy a/sthaad a/dhy anta/rikSe/ .adhaa vRtraa/ya pra/ vadha/M jabhaara
2.30.3c mi/haM va/saana u/pa hii/m a/dudrot tigmaa/yudho ajayac cha/trum i/ndraH
2.30.4a bR/haspate ta/puSaa/shneva vidhya vR/kadvaraso a/surasya viiraa/n
2.30.4c ya/thaa jagha/ntha dhRSataa/ puraa/ cid evaa/ jahi sha/trum asmaa/kam indra
2.30.5a a/va kSipa divo/ a/shmaanam uccaa/ ye/na sha/trum mandasaano/ nijuu/rvaaH
2.30.5c toka/sya saatau/ ta/nayasya bhuu/rer asmaa/M+ ardha/M kRNutaad indra go/naam
2.30.6a pra/ hi/ kra/tuM vRha/tho ya/M vanutho/ radhra/sya stho ya/jamaanasya codau/
2.30.6c i/ndraasomaa yuva/m asmaa/M+ aviSTam asmi/n bhaya/sthe kRNutam uloka/m
2.30.7a na/ maa taman na/ shraman no/ta/ tandran na/ vocaama maa/ sunote/ti so/mam
2.30.7c yo/ me pRNaa/d yo/ da/dad yo/ nibo/dhaad yo/ maa sunva/ntam u/pa go/bhir aa/yat
2.30.8a sa/rasvati tva/m asmaa/M+ aviDDhi maru/tvatii dhRSatii/ jeSi sha/truun
2.30.8c tya/M cic cha/rdhantaM taviSiiya/maaNam i/ndro hanti vRSabha/M sha/NDikaanaam
2.30.9a yo/ naH sa/nutya uta/ vaa jighatnu/r abhikhyaa/ya ta/M tigite/na vidhya
2.30.9c bR/haspata aa/yudhair jeSi sha/truun druhe/ rii/Santam pa/ri dhehi raajan
2.30.10a asmaa/kebhiH sa/tvabhiH shuura shuu/rair viiryaaaa\ kRdhi yaa/ni te ka/rtvaani
2.30.10c jyo/g abhuuvann a/nudhuupitaaso hatvii/ te/Saam aa/ bharaa no va/suuni
2.30.11a ta/M vaH sha/rdham maa/rutaM sumnayu/r giro/pa bruve na/masaa dai/vyaM ja/nam
2.30.11c ya/thaa rayi/M sa/rvaviiraM na/shaamahaa apatyasaa/caM shru/tyaM dive/-dive
2.31.1a asmaa/kam mitraavaruNaavataM ra/tham aadityai/ rudrai/r va/subhiH sacaabhu/vaa
2.31.1c pra/ ya/d va/yo na/ pa/ptan va/smanas pa/ri shravasya/vo hR/Siivanto vanarSa/daH
2.31.2a a/dha smaa na u/d avataa sajoSaso ra/thaM devaaso abhi/ vikSu/ vaajayu/m
2.31.2c ya/d aasha/vaH pa/dyaabhis ti/trato ra/jaH pRthivyaa/H saa/nau ja/~Nghananta paaNi/bhiH
2.31.3a uta/ sya/ na i/ndro vishva/carSaNir diva/H sha/rdhena maa/rutena sukra/tuH
2.31.3c a/nu nu/ sthaaty avRkaa/bhir uuti/bhii ra/tham mahe/ sana/ye vaa/jasaataye
2.31.4a uta/ sya/ devo/ bhu/vanasya sakSa/Nis tva/STaa gnaa/bhiH sajo/Saa juujuvad ra/tham
2.31.4c i/Laa bha/go bRhaddivo/ta/ ro/dasii puuSaa/ pu/raMdhir ashvi/naav a/dhaa pa/tii
2.31.5a uta/ tye/ devii/ subha/ge mithuudR/shoSaa/saana/ktaa ja/gataam apiiju/vaa
2.31.5c stuSe/ ya/d vaam pRthivi na/vyasaa va/ca sthaatu/sh ca va/yas tri/vayaa upasti/re
2.31.6a uta/ vaH sha/Msam ushi/jaam iva shmasy a/hir budhnyo\ .aja/ e/kapaad uta/
2.31.6c trita/ RbhukSaa/H savitaa/ ca/no dadhe .apaa/M na/paad aashuhe/maa dhiyaa/ sha/mi
2.31.7a etaa/ vo vashmy u/dyataa yajatraa a/takSann aaya/vo na/vyase sa/m
2.31.7c shravasya/vo vaa/jaM cakaanaa/H sa/ptir na/ ra/thyo a/ha dhiiti/m ashyaaH
2.32.1a asya/ me dyaavaapRthivii Rtaayato/ bhuuta/m avitrii/ va/casaH si/SaasataH
2.32.1c ya/yor aa/yuH pratara/M te/ ida/m pura/ u/pastute vasuuyu/r vaam maho/ dadhe
2.32.2a maa/ no gu/hyaa ri/pa aayo/r a/han dabhan maa/ na aabhyo/ riiradho duchu/naabhyaH
2.32.2c maa/ no vi/ yauH sakhyaa/ viddhi/ ta/sya naH sumnaayataa/ ma/nasaa ta/t tvemahe
2.32.3a a/heLataa ma/nasaa shruSTi/m aa/ vaha du/haanaaM dhenu/m pipyu/Siim asashca/tam
2.32.3c pa/dyaabhir aashu/M va/casaa ca vaaji/naM tvaa/M hinomi puruhuuta vishva/haa
2.32.4a raakaa/m aha/M suha/vaaM suSTutii/ huve shRNo/tu naH subha/gaa bo/dhatu tma/naa
2.32.4c sii/vyatv a/paH suucyaa/chidyamaanayaa da/daatu viira/M shata/daayam ukthya\m
2.32.5a yaa/s te raake sumata/yaH supe/shaso yaa/bhir da/daasi daashu/Se va/suuni
2.32.5c taa/bhir no adya/ suma/naa upaa/gahi sahasrapoSa/M subhage ra/raaNaa
2.32.6a si/niivaali pR/thuSTuke yaa/ devaa/naam a/si sva/saa
2.32.6c juSa/sva havya/m aa/hutam prajaa/M devi didiDDhi naH
2.32.7a yaa/ subaahu/H sva~Nguri/H suSuu/maa bahusuu/varii
2.32.7c ta/syai vishpa/tnyai havi/H siniivaalyai/ juhotana
2.32.8a yaa/ gu~Nguu/r yaa/ siniivaalii/ yaa/ raakaa/ yaa/ sa/rasvatii
2.32.8c indraaNii/m ahva uuta/ye varuNaanii/M svasta/ye
2.33.1a aa/ te pitar marutaaM sumna/m etu maa/ naH suu/ryasya saMdR/sho yuyothaaH
2.33.1c abhi/ no viiro/ a/rvati kSameta pra/ jaayemahi rudra prajaa/bhiH
2.33.2a tvaa/dattebhii rudra sha/MtamebhiH shata/M hi/maa ashiiya bheSaje/bhiH
2.33.2c vy a\sma/d dve/So vitara/M vy a/Mho vy a/miivaash caatayasvaa vi/SuuciiH
2.33.3a shre/STho jaata/sya rudra shriyaa/si tava/stamas tava/saaM vajrabaaho
2.33.3c pa/rSi NaH paara/m a/MhasaH svasti/ vi/shvaa abhiiaa\tii ra/paso yuyodhi
2.33.4a maa/ tvaa rudra cukrudhaamaa na/mobhir maa/ du/STutii vRSabha maa/ sa/huutii
2.33.4c u/n no viiraa/M+ arpaya bheSaje/bhir bhiSa/ktamaM tvaa bhiSa/jaaM shRNomi
2.33.5a ha/viimabhir ha/vate yo/ havi/rbhir a/va sto/mebhii rudra/M diSiiya
2.33.5c Rduuda/raH suha/vo maa/ no asyai/ babhru/H sushi/pro riiradhan manaa/yai
2.33.6a u/n maa mamanda vRSabho/ maru/tvaan tva/kSiiyasaa va/yasaa naa/dhamaanam
2.33.6c ghR/Niiva chaayaa/m arapaa/ ashiiyaa/ vivaaseyaM rudra/sya sumna/m
2.33.7a kva\ sya/ te rudra mRLayaa/kur ha/sto yo/ a/sti bheSajo/ ja/laaSaH
2.33.7c apabhartaa/ ra/paso dai/vyasyaabhii/ nu/ maa vRSabha cakSamiithaaH
2.33.8a pra/ babhra/ve vRSabhaa/ya shvitiice/ maho/ mahii/M suSTuti/m iirayaami
2.33.8c namasyaa/ kalmaliiki/naM na/mobhir gRNiima/si tveSa/M rudra/sya naa/ma
2.33.9a sthire/bhir a/~NgaiH pururuu/pa ugro/ babhru/H shukre/bhiH pipishe hi/raNyaiH
2.33.9c ii/shaanaad asya/ bhu/vanasya bhuu/rer na/ vaa/ u yoSad rudraa/d asurya\m
2.33.10a a/rhan bibharSi saa/yakaani dha/nvaa/rhan niSka/M yajata/M vishva/ruupam
2.33.10c a/rhann ida/M dayase vi/shvam a/bhvaM na/ vaa/ o/jiiyo rudra tva/d asti
2.33.11a stuhi/ shruta/M gartasa/daM yu/vaanam mRga/M na/ bhiima/m upahatnu/m ugra/m
2.33.11c mRLaa/ jaritre/ rudra sta/vaano .anya/M te asma/n ni/ vapantu se/naaH
2.33.12a kumaara/sh cit pita/raM va/ndamaanam pra/ti naanaama rudropaya/ntam
2.33.12c bhuu/rer daataa/raM sa/tpatiM gRNiiSe stuta/s tva/m bheSajaa/ raasy asme/
2.33.13a yaa/ vo bheSajaa/ marutaH shu/ciini yaa/ sha/Mtamaa vRSaNo yaa/ mayobhu/
2.33.13c yaa/ni ma/nur a/vRNiitaa pitaa/ nas taa/ sha/M ca yo/sh ca rudra/sya vashmi
2.33.14a pa/ri No hetii/ rudra/sya vRjyaaH pa/ri tveSa/sya durmati/r mahii/ gaat
2.33.14c a/va sthiraa/ magha/vadbhyas tanuSva mii/Dhvas tokaa/ya ta/nayaaya mRLa
2.33.15a evaa/ babhro vRSabha cekitaana ya/thaa deva na/ hRNiiSe/ na/ ha/Msi
2.33.15c havanashru/n no rudreha/ bodhi bRha/d vadema vida/the suvii/raaH
2.34.1a dhaaraavaraa/ maru/to dhRSNvo\jaso mRgaa/ na/ bhiimaa/s ta/viSiibhir arci/naH
2.34.1c agna/yo na/ shushucaanaa/ RjiiSi/No bhR/miM dha/manto a/pa gaa/ avRNvata
2.34.2a dyaa/vo na/ stR/bhish citayanta khaadi/no vy a\bhri/yaa na/ dyutayanta vRSTa/yaH
2.34.2c rudro/ ya/d vo maruto rukmavakSaso vR/Saa/jani pR/shnyaaH \!\ shukra/ uu/dhani
2.34.3a ukSa/nte a/shvaaM+ a/tyaaM+ ivaaji/Su nada/sya ka/rNais turayanta aashu/bhiH
2.34.3c hi/raNyashipraa maruto da/vidhvataH pRkSa/M yaatha pR/SatiibhiH samanyavaH
2.34.4a pRkSe/ taa/ vi/shvaa bhu/vanaa vavakSire mitraa/ya vaa sa/dam aa/ jiira/daanavaH
2.34.4c pR/Sadashvaaso anavabhra/raadhasa Rjipyaa/so na/ vayu/neSu dhuurSa/daH
2.34.5a i/ndhanvabhir dhenu/bhii rapsha/duudhabhir adhvasma/bhiH pathi/bhir bhraajadRSTayaH
2.34.5c aa/ haMsaa/so na/ sva/saraaNi gantana ma/dhor ma/daaya marutaH samanyavaH
2.34.6a aa/ no bra/hmaaNi marutaH samanyavo naraa/M na/ sha/MsaH sa/vanaani gantana
2.34.6c a/shvaam iva pipyata dhenu/m uu/dhani ka/rtaa dhi/yaM jaritre/ vaa/japeshasam
2.34.7a ta/M no daata maruto vaaji/naM ra/tha aapaana/m bra/hma cita/yad dive/-dive
2.34.7c i/SaM stotR/bhyo vRja/neSu kaara/ve sani/m medhaa/m a/riSTaM duSTa/raM sa/haH
2.34.8a ya/d yu~nja/te maru/to rukma/vakSaso/ .ashvaan ra/theSu bha/ga aa/ sudaa/navaH
2.34.8c dhenu/r na/ shi/shve sva/sareSu pinvate ja/naaya raata/haviSe mahii/m i/Sam
2.34.9a yo/ no maruto vRka/taati ma/rtyo ripu/r dadhe/ vasavo ra/kSataa riSa/H
2.34.9c varta/yata ta/puSaa cakri/yaabhi/ ta/m a/va rudraa asha/so hantanaa va/dhaH
2.34.10a citra/M ta/d vo maruto yaa/ma cekite pR/shnyaa ya/d uu/dhar a/py aapa/yo duhu/H
2.34.10c ya/d vaa nide/ na/vamaanasya rudriyaas trita/M ja/raaya jurataa/m adaabhyaaH
2.34.11a taa/n vo maho/ maru/ta evayaa/vno vi/SNor eSa/sya prabhRthe/ havaamahe
2.34.11c hi/raNyavarNaan kakuhaa/n yata/sruco brahmaNya/ntaH sha/MsyaM raa/dha iimahe
2.34.12a te/ da/shagvaaH prathamaa/ yaj~na/m uuhire te/ no hinvantuuSa/so vyu\STiSu
2.34.12c uSaa/ na/ raamii/r aruNai/r a/porNute maho/ jyo/tiSaa shucataa/ go/arNasaa
2.34.13a te/ kSoNii/bhir aruNe/bhir naa/~nji/bhii rudraa/ Rta/sya sa/daneSu vaavRdhuH
2.34.13c nime/ghamaanaa a/tyena paa/jasaa sushcandra/M va/rNaM dadhire supe/shasam
2.34.14a taa/M+ iyaano/ ma/hi va/ruutham uuta/ya u/pa ghe/d enaa/ na/masaa gRNiimasi
2.34.14c trito/ na/ yaa/n pa/~nca ho/tRRn abhi/STaya aavava/rtad a/varaa~n cakri/yaa/vase
2.34.15a ya/yaa radhra/m paara/yathaa/ty a/Mho ya/yaa nido/ mu~nca/tha vanditaa/ram
2.34.15c arvaa/cii saa/ maruto yaa/ va uuti/r o/ Su/ vaashre/va sumati/r jigaatu
2.35.1a u/pem asRkSi vaajayu/r vacasyaa/M ca/no dadhiita naadyo/ gi/ro me
2.35.1c apaa/M na/paad aashuhe/maa kuvi/t sa/ supe/shasas karati jo/SiSad dhi/
2.35.2a ima/M sv a\smai hRda/ aa/ su/taSTam ma/ntraM vocema kuvi/d asya ve/dat
2.35.2c apaa/M na/paad asurya\sya mahnaa/ vi/shvaany aryo/ bhu/vanaa jajaana
2.35.3a sa/m anyaa/ ya/nty u/pa yanty anyaa/H samaana/m uurva/M nadya\H pRNanti
2.35.3c ta/m uu shu/ciM shu/cayo diidivaa/Msam apaa/M na/paatam pa/ri tasthur aa/paH
2.35.4a ta/m a/smeraa yuvata/yo yu/vaanam marmRjya/maanaaH pa/ri yanty aa/paH
2.35.4c sa/ shukre/bhiH shi/kvabhii reva/d asme/ diidaa/yaanidhmo/ ghRta/nirNig apsu/
2.35.5a asmai/ tisro/ avyathyaa/ya naa/riir devaa/ya devii/r didhiSanty a/nnam
2.35.5c kR/taa ivo/pa hi/ prasarsre/ apsu/ sa/ piiyuu/SaM dhayati puurvasuu/naam
2.35.6a a/shvasyaa/tra ja/nimaasya/ ca sva\r druho/ riSa/H sampR/caH paahi suurii/n
2.35.6c aamaa/su puurSu/ paro/ apramRSya/M naa/raatayo vi/ nashan naa/nRtaani
2.35.7a sva/ aa/ da/me sudu/ghaa ya/sya dhenu/H svadhaa/m piipaaya subhv a/nnam atti
2.35.7c so/ apaa/M na/paad uurja/yann apsv a\nta/r vasude/yaaya vidhate/ vi/ bhaati
2.35.8a yo/ apsv aa/ shu/cinaa dai/vyena Rtaa/vaa/jasra urviyaa/ vibhaa/ti
2.35.8c vayaa/ i/d anyaa/ bhu/vanaany asya pra/ jaayante viiru/dhash ca prajaa/bhiH
2.35.9a apaa/M na/paad aa/ hy a/sthaad upa/sthaM jihmaa/naam uurdhvo/ vidyu/taM va/saanaH
2.35.9c ta/sya jye/STham mahimaa/naM va/hantiir hi/raNyavarNaaH pa/ri yanti yahvii/H
2.35.10a hi/raNyaruupaH sa/ hi/raNyasaMdRg apaa/M na/paat se/d u hi/raNyavarNaH
2.35.10c hiraNya/yaat pa/ri yo/ner niSa/dyaa hiraNyadaa/ dadaty a/nnam asmai
2.35.11a ta/d asyaa/niikam uta/ caa/ru naa/maapiicya\M vardhate na/ptur apaa/m
2.35.11c ya/m indha/te yuvata/yaH sa/m itthaa/ hi/raNyavarNaM ghRta/m a/nnam asya
2.35.12a asmai/ bahuunaa/m avamaa/ya sa/khye yaj~nai/r vidhema na/masaa havi/rbhiH
2.35.12c sa/M saa/nu maa/rjmi di/dhiSaami bi/lmair da/dhaamy a/nnaiH pa/ri vanda Rgbhi/H
2.35.13a sa/ iiM vR/Saajanayat taa/su ga/rbhaM sa/ iiM shi/shur dhayati ta/M rihanti
2.35.13c so/ apaa/M na/paad a/nabhimlaatavarNo .anya/syeveha/ tanvaaaa\ viveSa
2.35.14a asmi/n pade/ parame/ tasthivaa/Msam adhvasma/bhir vishva/haa diidivaa/Msam
2.35.14c aa/po na/ptre ghRta/m a/nnaM va/hantiiH svaya/m a/tkaiH pa/ri diiyanti yahvii/H
2.35.15a a/yaaMsam agne sukSiti/M ja/naayaa/yaaMsam u magha/vadbhyaH suvRkti/m
2.35.15c vi/shvaM ta/d bhadra/M ya/d a/vanti devaa/ bRha/d vadema vida/the suvii/raaH
2.36.1a tu/bhyaM hinvaano/ vasiSTa gaa/ apo/ .adhukSan siim a/vibhir a/dribhir na/raH
2.36.1c pi/bendra svaa/haa pra/hutaM va/SaTkRtaM hotraa/d aa/ so/mam prathamo/ ya/ ii/shiSe
2.36.2a yaj~nai/H sa/mmishlaaH pR/Satiibhir RSTi/bhir yaa/ma~n chubhraa/so a~nji/Su priyaa/ uta/
2.36.2c aasa/dyaa barhi/r bharatasya suunavaH potraa/d aa/ so/mam pibataa divo naraH
2.36.3a ame/va naH suhavaa aa/ hi/ ga/ntana ni/ barhi/Si sadatanaa ra/NiSTana
2.36.3c a/thaa mandasva jujuSaaNo/ a/ndhasas tva/STar deve/bhir ja/nibhiH suma/dgaNaH
2.36.4a aa/ vakSi devaa/M+ iha/ vipra ya/kSi cosha/n hotar ni/ Sadaa yo/niSu triSu/
2.36.4c pra/ti viihi pra/sthitaM somya/m ma/dhu pi/baa/gniidhraat ta/va bhaaga/sya tRpNuhi
2.36.5a eSa/ sya/ te tanvo\ nRmNava/rdhanaH sa/ha o/jaH pradi/vi baahvo/r hita/H
2.36.5c tu/bhyaM suto/ maghavan tu/bhyam aa/bhRtas tva/m asya braa/hmaNaad aa/ tRpa/t piba
2.36.6a juSe/thaaM yaj~na/m bo/dhataM ha/vasya me satto/ ho/taa nivi/daH puurvyaa/ a/nu
2.36.6c a/chaa raa/jaanaa na/ma ety aavR/tam prashaastraa/d aa/ pibataM somya/m ma/dhu
2.37.1a ma/ndasva hotraa/d a/nu jo/Sam a/ndhaso/ .adhvaryavaH sa/ puurNaa/M vaSTy aasi/cam
2.37.1c ta/smaa eta/m bharata tadvasho/ dadi/r hotraa/d so/maM draviNodaH pi/ba Rtu/bhiH
2.37.2a ya/m u puu/rvam a/huve ta/m ida/M huve se/d u ha/vyo dadi/r yo/ naa/ma pa/tyate
2.37.2c adhvaryu/bhiH pra/sthitaM somya/m ma/dhu potraa/t so/maM draviNodaH pi/ba Rtu/bhiH
2.37.3a me/dyantu te va/hnayo ye/bhir ii/yase/ .ariSaNyan viiLayasvaa vanaspate
2.37.3c aayuu/yaa dhRSNo abhiguu/ryaa tva/M neSTraa/t so/maM draviNodaH pi/ba Rtu/bhiH
2.37.4a a/paad dhotraa/d uta/ potraa/d amattota/ neSTraa/d ajuSata pra/yo hita/m
2.37.4c turii/yam paa/tram a/mRktam a/martyaM draviNodaa/H pibatu draaviNodasa/H
2.37.5a arvaa/~ncam adya/ yayya\M nRvaa/haNaM ra/thaM yu~njaathaam iha/ vaaM vimo/canam
2.37.5c pR~Nkta/M havii/MSi ma/dhunaa/ hi/ kaM gata/m a/thaa so/mam pibataM vaajiniivasuu
2.37.6a jo/Sy agne sami/dhaM jo/Sy aa/hutiM jo/Si bra/hma ja/nyaM jo/Si suSTuti/m
2.37.6c vi/shvebhir vi/shvaaM+ Rtu/naa vaso maha/ usha/n devaa/M+ ushata/H paayayaa havi/H
2.38.1a u/d u Sya/ deva/H savitaa/ savaa/ya shashvattama/M ta/dapaa va/hnir asthaat
2.38.1c nuuna/M deve/bhyo vi/ hi/ dhaa/ti ra/tnam a/thaa/bhajad viiti/hotraM svastau/
2.38.2a vi/shvasya hi/ shruSTa/ye deva/ uurdhva/H pra/ baaha/vaa pRthu/paaNiH si/sarti
2.38.2c aa/pash cid asya vrata/ aa/ ni/mRgraa aya/M cid vaa/to ramate pa/rijman
2.38.3a aashu/bhish cid yaa/n vi/ mucaati nuuna/m a/riiramad a/tamaanaM cid e/toH
2.38.3c ahya/rSuuNaaM cin ny a\yaaM+ aviSyaa/m a/nu vrata/M savitu/r mo/ky aa/gaat
2.38.4a pu/naH sa/m avyad vi/tataM va/yantii madhyaa/ ka/rtor ny a\dhaac cha/kma dhii/raH
2.38.4c u/t saMhaa/yaasthaad vy R\tuu/M+r adardhar ara/matiH savitaa/ deva/ aa/gaat
2.38.5a naa/nau/kaaMsi du/ryo vi/shvam aa/yur vi/ tiSThate prabhava/H sho/ko agne/H
2.38.5c jye/STham maataa/ suuna/ve bhaaga/m aa/dhaad a/nv asya ke/tam iSita/M savitraa/
2.38.6a samaa/vavarti vi/SThito jigiiSu/r vi/shveSaaM kaa/mash ca/rataam amaa/bhuut
2.38.6c sha/shvaaM+ a/po vi/kRtaM hitvy aa/gaad a/nu vrata/M savitu/r dai/vyasya
2.38.7a tva/yaa hita/m a/pyam apsu/ bhaaga/M dha/nvaa/nv aa/ mRgaya/so vi/ tasthuH
2.38.7c va/naani vi/bhyo na/kir asya taa/ni vrataa/ deva/sya savitu/r minanti
2.38.8a yaadraadhya\M va/ruNo yo/nim a/pyam a/nishitaM nimi/Si ja/rbhuraaNaH
2.38.8c vi/shvo maartaaNDo/ vraja/m aa/ pashu/r gaat sthasho/ ja/nmaani savitaa/ vy aa/kaH
2.38.9a na/ ya/sye/ndro va/ruNo na/ mitro/ vrata/m aryamaa/ na/ mina/nti rudra/H
2.38.9c naa/raatayas ta/m ida/M svasti/ huve/ deva/M savitaa/raM na/mobhiH
2.38.10a bha/gaM dhi/yaM vaaja/yantaH pu/raMdhiM na/raasha/Mso gnaa/spa/tir no avyaaH
2.38.10c aaye/ vaama/sya saMgathe/ rayiiNaa/m priyaa/ deva/sya savitu/H syaama
2.38.11a asma/bhyaM ta/d divo/ adbhya/H pRthivyaa/s tva/yaa datta/M kaa/myaM raa/dha aa/ gaat
2.38.11c sha/M ya/t stotR/bhya aapa/ye bha/vaaty urusha/Msaaya savitar jaritre/
2.39.1a graa/vaaNeva ta/d i/d a/rthaM jarethe gR/dhreva vRkSa/M nidhima/ntam a/cha
2.39.1c brahmaa/Neva vida/tha ukthashaa/saa duute/va ha/vyaa ja/nyaa purutraa/
2.39.2a praataryaa/vaaNaa rathye\va viiraa/je/va yamaa/ va/ram aa/ sacethe
2.39.2c me/ne iva tanvaaaa\ shu/mbhamaane da/mpatiiva kratuvi/daa ja/neSu
2.39.3a shR/~Ngeva naH prathamaa/ gantam arvaa/k chaphaa/v iva ja/rbhuraaNaa ta/robhiH
2.39.3c cakravaake/va pra/ti va/stor usraarvaa/~ncaa yaataM rathye\va shakraa
2.39.4a naave/va naH paarayataM yuge/va na/bhyeva na upadhii/va pradhii/va
2.39.4c shvaa/neva no a/riSaNyaa tanuu/naaM khR/galeva visra/saH paatam asmaa/n
2.39.5a vaa/tevaajuryaa/ nadye\va riiti/r akSii/ iva ca/kSuSaa/ yaatam arvaa/k
2.39.5c ha/staav iva tanve\ sha/mbhaviSThaa paa/deva no nayataM va/syo a/cha
2.39.6a o/SThaav iva ma/dhv aasne/ va/dantaa sta/naav iva pipyataM jiiva/se naH
2.39.6c naa/seva nas tanvo\ rakSitaa/raa ka/rNaav iva sushru/taa bhuutam asme/
2.39.7a ha/steva shakti/m abhi/ saMdadii/ naH kSaa/meva naH sa/m ajataM ra/jaaMsi
2.39.7c imaa/ gi/ro ashvinaa yuSmaya/ntiiH kSNo/treNeva sva/dhitiM sa/M shishiitam
2.39.8a etaa/ni vaam ashvinaa va/rdhanaani bra/hma sto/maM gRtsamadaa/so akran
2.39.8c taa/ni naraa jujuSaaNo/pa yaatam bRha/d vadema vida/the suvii/raaH
2.40.1a so/maapuuSaNaa ja/nanaa rayiiNaa/M ja/nanaa divo/ ja/nanaa pRthivyaa/H
2.40.1c jaatau/ vi/shvasya bhu/vanasya gopau/ devaa/ akRNvann amR/tasya naa/bhim
2.40.2a imau/ devau/ jaa/yamaanau juSantemau/ ta/maaMsi guuhataam a/juSTaa
2.40.2c aabhyaa/m i/ndraH pakva/m aamaa/sv anta/H somaapuuSa/bhyaaM janad usri/yaasu
2.40.3a so/maapuuSaNaa ra/jaso vimaa/naM sapta/cakraM ra/tham a/vishvaminvam
2.40.3c viSuuvR/tam ma/nasaa yujya/maanaM ta/M jinvatho vRSaNaa pa/~ncarashmim
2.40.4a divy a\nya/H sa/danaM cakra/ uccaa/ pRthivyaa/m anyo/ a/dhy anta/rikSe
2.40.4c taa/v asma/bhyam puruvaa/ram purukSu/M raaya/s po/SaM vi/ SyataaM naa/bhim asme/
2.40.5a vi/shvaany anyo/ bhu/vanaa jajaa/na vi/shvam anyo/ abhica/kSaaNa eti
2.40.5c so/maapuuSaNaav a/vataM dhi/yam me yuvaa/bhyaaM vi/shvaaH pR/tanaa jayema
2.40.6a dhi/yam puuSaa/ jinvatu vishvaminvo/ rayi/M so/mo rayipa/tir dadhaatu
2.40.6c a/vatu devy a/ditir anarvaa/ bRha/d vadema vida/the suvii/raaH
2.41.1a vaa/yo ye/ te sahasri/No ra/thaasas te/bhir aa/ gahi
2.41.1c niyu/tvaan so/mapiitaye
2.41.2a niyu/tvaan vaayav aa/ gahy aya/M shukro/ ayaami te
2.41.2c ga/ntaasi sunvato/ gRha/m
2.41.3a shukra/syaadya/ ga/vaashira i/ndravaayuu niyu/tvataH
2.41.3c aa/ yaatam pi/bataM naraa
2.41.4a aya/M vaam mitraavaruNaa suta/H so/ma RtaavRdhaa
2.41.4c ma/me/d iha/ shrutaM ha/vam
2.41.5a raa/jaanaav a/nabhidruhaa dhruve/ sa/dasy uttame/
2.41.5c saha/srasthuuNa aasaate
2.41.6a taa/ samraa/jaa ghRtaa/sutii aadityaa/ daa/nunas pa/tii
2.41.6c sa/cete a/navahvaram
2.41.7a go/mad uu Su/ naasatyaa/shvaavad yaatam ashvinaa
2.41.7c vartii/ rudraa nRpaa/yyam
2.41.8a na/ ya/t pa/ro naa/ntara aadadha/rSad vRSaNvasuu
2.41.8c duHsha/Mso ma/rtyo ripu/H
2.41.9a taa/ na aa/ voLham ashvinaa rayi/m pisha/~NgasaMdRsham
2.41.9c dhi/SNyaa varivovi/dam
2.41.10a i/ndro a~Nga/ maha/d bhaya/m abhii/ Sa/d a/pa cucyavat
2.41.10c sa/ hi/ sthiro/ vi/carSaNiH
2.41.11a i/ndrash ca mRLa/yaati no na/ naH pashcaa/d agha/M nashat
2.41.11c bhadra/m bhavaati naH pura/H
2.41.12a i/ndra aa/shaabhyas pa/ri sa/rvaabhyo a/bhayaM karat
2.41.12c je/taa sha/truun vi/carSaNiH
2.41.13a vi/shve devaasa aa/ gata shRNutaa/ ma ima/M ha/vam
2.41.13c e/da/m barhi/r ni/ Siidata
2.41.14a tiivro/ vo ma/dhumaaM+ aya/M shuna/hotreSu matsara/H
2.41.14c eta/m pibata kaa/myam
2.41.15a i/ndrajyeSThaa ma/rudgaNaa de/vaasaH puu/SaraatayaH
2.41.15c vi/shve ma/ma shrutaa ha/vam
2.41.16a a/mbitame na/diitame de/vitame sa/rasvati
2.41.16c aprashastaa/ iva smasi pra/shastim amba nas kRdhi
2.41.17a tve/ vi/shvaa sarasvati shritaa/yuuMSi devyaa/m
2.41.17c shuna/hotreSu matsva prajaa/M devi didiDDhi naH
2.41.18a imaa/ bra/hma sarasvati juSa/sva vaajiniivati
2.41.18c yaa/ te ma/nma gRtsamadaa/ Rtaavari priyaa/ deve/Su ju/hvati
2.41.19a pre/taaM yaj~na/sya shambhu/vaa yuvaa/m i/d aa/ vRNiimahe
2.41.19c agni/M ca havyavaa/hanam
2.41.20a dyaa/vaa naH pRthivii/ ima/M sidhra/m adya/ divispR/sham
2.41.20c yaj~na/M deve/Su yachataam
2.41.21a aa/ vaam upa/stham adruhaa devaa/H siidantu yaj~ni/yaaH
2.41.21c ihaa/dya/ so/mapiitaye
2.42.1a ka/nikradaj janu/Sam prabruvaaNa/ i/yarti vaa/cam arite/va naa/vam
2.42.1c suma~Nga/lash ca shakune bha/vaasi maa/ tvaa kaa/ cid abhibhaa/ vi/shvyaa vidat
2.42.2a maa/ tvaa shyena/ u/d vadhiin maa/ suparNo/ maa/ tvaa vidad i/Sumaan viiro/ a/staa
2.42.2c pi/tryaam a/nu pradi/shaM ka/nikradat suma~Nga/lo bhadravaadii/ vadeha/
2.42.3a a/va kranda dakSiNato/ gRhaa/NaaM suma~Nga/lo bhadravaadii/ shakunte
2.42.3c maa/ na stena/ iishata maa/gha/shaMso bRha/d vadema vida/the suvii/raaH
2.43.1a pradakSiNi/d abhi/ gRNanti kaara/vo va/yo va/danta Rtuthaa/ shaku/ntayaH
2.43.1c ubhe/ vaa/cau vadati saamagaa/ iva gaayatra/M ca trai/STubhaM caa/nu raajati
2.43.2a udgaate/va shakune saa/ma gaayasi brahmaputra/ iva sa/vaneSu shaMsasi
2.43.2c vR/Seva vaajii/ shi/shumatiir apii/tyaa sarva/to naH shakune bhadra/m aa/ vada vishva/to naH shakune pu/Nyam aa/ vada
2.43.3a aava/daM+s tva/M shakune bhadra/m aa/ vada tuuSNii/m aa/siinaH sumati/M cikiddhi naH
2.43.3c ya/d utpa/tan va/dasi karkari/r yathaa bRha/d vadema vida/the suvii/raaH

External Links

Book 2

Related Links

External Links