Redadeira flor de l Lhácio

Redadeira flor de l Lhácio, anculta i guapa,

Sós, a un tiempo, splendor i sepultura:

Ouro natibo, que na ganga ampura

La bruta mina antre ls cascalhos bela...

Amote assi, çconhecida i ouscura,

Tuba de alto clangor, lhira singela,

Que tenes l tron i l silbo de la procela

I l arrolo de la suidade i de la ternura!

Amo l tou biço agriste i l tou aroma

De birges selbas i de ouceano ancho!

Amo-te, ó rude i doloroso idioma,

An que de la boç materna oubi: "miu filho!"

I an que Camones chorou, ne l sílio amargo,

L génio sin bintura i l amor sin brilho!