Rdo rje sems dpa' snying gi me long

@1
316
bod skad du
rdo rje sems dpa' snying gi me long gi rgyud ces bya ba
bcom ldan 'das mi pham khro gnyer can la phyag 'tshal lo
317
'di skad bdag gis bstan pa'i dus gcig na
nye ba'i 'khor rnams legs par nyon cig
rang byung thabs chen don bshad kyis
nga yis bstan bshad kyis kyis nga la nyon
ces bka' bsgom mdzad do
'di skad bdag gis thos pa'i dus gcig na
dur khrod me ri 'bar ba ces bya ba
nyid bzhin rlung tshul pa
mtshan bzhin me 'bar ba de na
bcom ldan 'das gzhon nu dpa' bo stobs ldan zhes bya bar skur sprul nas
318
gsang ba'i bdag po la sogs pa khro bo la rgyud chen po gsang ba yang khol du phyung ba 'di bshad do
don dgrol to
gsal byar byed do
rgyas par ston no
zhes bya ba'i sgra nyid kyis lan gsum brjod do
de nas gsang ba'i bdag pos zhu ba zhus pa
e ma byams mgon bcom ldan thugs rje can
bstan pa'i snying po gsung du gsol
zhes zhus pa dang
bcom ldan 'das kyis khro bo'i cha lugs su mngon par sprul nas
a sar ba dhar ma a ti zhes bya ba'i sgra brjod pas
mkha' 'gro ma thams cad yid 'khrugs par gyur to
'jig rten gyi khams thams cad kyang 'od kyis khengs so
de nas yang
sar ba ma la ma la a hum
zhes brjod pas
sangs rgyas kyi byin gyi rlabs mngon par gyur to
319
de nas khro bo'i tshogs dang mkha' 'gro ma'i tshogs rnams kyis thabs cig tu 'di skad ces gsol to
bcom ldan 'das rang byung dbyings nas 'od gsal bar gsung du gsol
a ti theg pa'i don du gsung du gsol
rang rig bstan pa'i sgron ma gsung du gsol
zhes dri ba gsum dris so
de nas stobs kyi bdag pos bka' stsal pa
kye kye khro bdag chen po nyon
nga yi bstan pa bsam mi khyab
de rnams don chen 'dir
bshad legs par nyon
rang byung dbyings nas 'od gsal rig pa'i klong
ma skyes gdod nas dag pa'i ma rig pa med pa'i rig pa zag pa med pa rig pa byang chub sems
skye med don ldan rig pa'i ye shes sku
rig pa'i ngo sku dang ye shes so
'ja' tshon lta bur ma 'dres yongs su rdzogs
cit ta'i dkyil 'khor ye shes 'od du gsal
ye shes 'od 'phros mi gnas lam byung zhing
rnam dag stod pa'i mkha' la ye shes 'od du brdal
320
stong gsal 'byed med ngang du gnyis med thim
a ti 'gyur med rig pa'i lta ba ni
gcig la kun rdzogs tha snyad kun dang bral
tha snyad spangs na rang byung bde ba'i klong
gnyis med rtogs na bde chen a ti'i ngang
theg chen don rtogs rig pa a ti'i ngang
gsang sngags don rtogs rig pa a ti'i ngang
ye shes don rtogs rig pa a ti'i ngang
rang snang don rtogs rig pa a ti'i ngang
rang rig bstan pa'i sgron ma 'di
bzung bas mi zin chu zla 'dra
byang chub lam gyi sgron ma rang byung rang la thim
dper na nyi bzhin 'gro ba yongs la khyab
cit ta'i dkyil du gnas bcas mi gnas lam phyung zhing
ye shes sgron ma stong nyid nam mkha' la
ye shes 'od phung nam mkha'i mtha' dang mnyam
bag chags sbubs la brten nas ye shes dbyings la spyod
ye shes sgron ma rang snang 'od po che
321
ye shes sgron ma bstan pa kun gyi rtse
zhes bka' stsal to
yang zhus pa
e ma ho
bcom ldan thugs rje can
rnam gsum dris lan de ltar na
don gyi snying po gsung du gsol
brjod med rnam dag gsung du gsol
zhes gsol pas
khro bdag chen pos bka' stsal pa
kye kye rdo rje 'dzin pa nyon
nga yis nga la ston pa yin
legs par yid la gzung bar byos
snying po 'gyur med klong na rig pa rang byung gsal
snying po ye shes sku la gsal 'grib yongs kyis med
don gyi snying po rang gsal bde ba'i sku
kun la khyab pa'i snying po nyag gcig po
brjod pas thog tu mi phebs tshig gis mtshon du med
rig pa'i ye shes brjod pa'i mtha' dang bral
rnam dag 'od gsal brjod med dang du thim
dbyer med tshul gyis sems can yongs la gnas
e ma ho
rang byung bde ba'i sku
tshig gcig bstan pas don chen go
kha dog dkar dmar ma 'dres yongs su gsal
sku gcig kun la khyab pas bder gshegs snying po'i sku
322
'gag med klong nas shes rab 'od gsal ba
rtag par gter 'chang rang gi thugs la gnas
rgyud chen don 'grol gsang sngags a li ka
ye shes don ston gsang sngags rgyal po 'di
kun la dkon pa'i rin chen gter yin pas
ma yengs dam tshig ldan pas spyad par bya
zhes khro bo'i rgyal pos bka' bsgo ba'i don rgyas par bshad do
ces rgyud thams cad kyi rgyal po gsang ba yang khol du phyung ba
rdo rje sems dpa' snying ti me long gi rgyud chen po las gleng gzhi'i le'u ste dang po'o
@2
de nas yang bcom ldan 'das sku zhi ba'i cha lugs drug pa rdo rje 'chang zhes bya bar sprul nang
mkha' 'gro ma chen mo lnga la sogs pa ste mkha' 'gro ma bye ba dang thub pa drug dang byang chub sems dpa' ro langs bde ba la sogs pa dang thabs cig tu bzhugs so
de nas bcom ldan 'das kyi thugs rje'i byin rlabs las
gsang ba'i bdag po lag na rdo rje zhes bya ba mdun du babs nas
323
thal mo sbyar nas zhu ba zhus so
kye kye bcom ldan rdo rje 'chang
theg pa'i sgo rnams gsung du gsol
zhes zhus so
rdo rje 'chang gis bka' stsal pa
theg pa'i sgo ni bsam yas kyang
yi ge rnam pa gnyis su gsungs
yi ge rnam gnyis gang zhe na
yi ge ha la 'dus
de yang bshad lugs gang zhe na
'jig rten pa'i theg pa dang
'jig rten las 'dad pa'i theg pa'o
'jig rten pa ni gang zhe na
yi ge sa la 'dus pa'o
'jig rten las 'das pa'i yi ge ha zhes kun tu grags
324
lha dang mi yi theg pa bshad
de la yang ni rnam gnyis so
log lta dang ni yang dag lta
log lta'i theg pa bsam yas kyang
bsdus na rnam pa gnyis su 'dus
rtag lta dang ni chad lta'o
rtag par lta ba'i grub mtha' ni
rgyu rtag 'bras bu 'gyur bar lta
rgyu ni rtag pa ther zug la
'bras bu gnas skabs 'gyur ba'o
de yang yi ge sa la rdzogs
chad par lta ba'i grub mtha' ni
rgyu ni chu yi lbu ba bzhin
glo bur dag tu 'dod pa la
'bras bu stong pa phyal chad do
'jig rten rkyad par lta ba ste
da lta'i lus 'di bor nas ni
lus ni 'byung ba'i bag la zha
sems ni nam mkha'i bag la zha
cang med stong pa phyal chad do
de yang yi ge da la rdzogs
lha mi'i theg pa phyed lta'o
yang dag lta ba la yang rnam gnyis so
de yang yi ge gnyis la 'dus
yi ge gnyis po gang zhe na
yi ge ma dang om la 'dus
rgyu yi theg pa dag dang ni
gsang sngags rdo rje'i theg pa'o
mtshan nyid la yang rnam gsum ste
de yang yi ge rnam pa gsum
yi ge ba dang rtsa dang ni
yi ge wa la rdzogs pa'o
nyan thos pa'i yi grub mtha' ni
325
'jug pa'i sgo ni bden bzhi'o
bsrung ba'i tshul khrims nyis brgya lnga bcu yis
log pa'i lta ba dag las yang dag 'phags
rtogs pa'i lta ba gang zag bdag med chos la bdag ni yong par 'dod
bden bzhi bsgoms pas 'bras bu rnam bzhi thob
sdug bsngal spang bar 'dod cing 'gog pa bsgrub par 'dod
kun 'byung spang bar 'dod cing lam la mngon par gnas
nyon mongs spangs shing sa lam bsgrub par 'dod
de la rnam pa gnyis su ste
bye brag pa dang mdo sde pa
bye brag pa yi lta ba ni
phung po khams dang skye mched la
g.yag rda ne'u gseng tshul du 'dod
mdo sde pa yi lta ba ni
kha ton byas pa'i rang bzhin dang
thos bsam byas pa'i rang bzhin gyis
sa brgyad 'bras bu thob par 'dod
rang rgyal mdo sde'i theg pa ni
'jug pa'i sgo ni rten 'brel bcu gnyis la
rtogs pa'i lta ba chos kyi khams
gcig gi phyogs la bdag med blta bas 'phags
326
'dod chags gnyen por mi sdug rnam brgyad bsgom
dper na dur khrod ro bzhin no
byang chub sems dpa'i theg pa ni
'khrul gzhi rnam par brtsi ba ni
rang rig rang gsal rnam pa'o
stong nyid rang bzhin med par blta
stong nyid ma 'gags so sor gsal bas 'phags
bden gnyis tshul gyi rnam pa can
don dam dang ni kun rdzob bo
stong pa phyal chad ma yin te
stong pa khad kyis gsal bar bsgom
stong pa'i mu la mi gnas tshig gis mtshon du med
rdo rje theg pa rnam gnyis po
phyi ba thub pa rgyud kyi theg pa dang
nang ba thabs kyi rgyud du gsungs
de yang yi ge rnam pa gnyis
sha dang 'al 'dus pa'o
phyi pa la yang rnam gsum mo
kri ya u pa yo ga gsum
de yang yi ge gsum du 'dus
yi ge gsum po gang zhe na
yi ge ha dang he dang ni
ka la yang dag rdzogs pa'o
kri ya'i theg pa'i grub mtha' ni
'jug pa'i sgo ni dag pa gsum
khrus dang gtsang sbras 'jug pa la
lha yi dkyil 'khor gsal bas 'phags
lta spyod gnyis med lha dang rje khol blta
327
bsrung ba'i dam tshig gang zhe na
lung gcig chu la mi 'thung ba srung
rtogs pa'i lta ba gang zhe na
lha dang brjod med thim par rtogs
'bras bu bcu gcig kun tu 'od kyis la 'gyur med gnas par rtogs
u pa ya ni gang zhe na
spyod pa kri ya lta bur spyod
lta ba yo gar blta bas 'phags
de phyir gnyis med rgyud kyis theg pa zhes kyang grags
yo ga'i grub mtha' gang zhe na
'jug pa'i sgo ni mngon par byang chub lnga
rtogs pa'i lta ba lha dang gnyis med rtogs
bsrung ba'i dam tshig gang zhe na
ma khrel rnam pa gsum po bsrung
ma khrel rnam gsum gang zhe na
slob dpon mched kyis ma khrel dang
yi dam lha yis ma khrel dang
rang gi sems kyis ma khrel ba'o
byang chub lnga po gang zhe na
gdan gyi sgo nas byang chub dgang
sku yi sgo nas byang chub dang
gsung gi sgo nas byang chub dang
thugs kyi sgo nas byang chub dang
bskyed pa'i sgo nas mngon par byang chub pa'o
de dang 'du 'bral med pa rtogs pa'i don gyis 'phags
gnyis med ngang las lha yi cho 'phrul byung
328
nang pa'i rgyud la rnam gsum ste
de yang yi ge rnam gsum mo
om dang a hum la rdzogs
ma ha yo ga'i theg pa ni
'jug pa'i sgo ni ting 'dzin rnam gsum ste
chos can lha yi dkyil 'khor dag tu rtogs pas 'phags
bsrung ba'i dam tshig rtsa ba sku gsung thugs
ting nge 'dzin ni rnam gsum gang zhe na
de bzhin nyid kyi ting 'dzin ni
ye shes stong nyid brdal bar bsgom
kun tu snang ba'i ting 'dzin ni
snying rje gsal lam langs bsgom
rgyu yi ting 'dzin hum gis bsgom
de yang sems dpa' sum brtsegs bsgom
sku gsung thugs kyi dam tshig ni
sku yi sgo nas ma byin len dang srog gcod spang bar bya
gsung gi sgo nas rdzun dang phra ma zhe gcod tshig mi smra
gsang sgo 'chol bar mi sbyang gsang sngags thabs kyis bca'
thugs kyi sgo nas brnab sems gnod sems log lta spang bar bya
rdo rje slob dpon thugs kyang dkrug mi bya
mched dang lcam bral sun mi phyung
thabs dang shes rab 'du 'bral med par 'khyer
bco lnga rdo rje 'dzin pa'i sa la 'bras bu thob
dper na sa gzhi lta bu'o
329
lung chen a nu yo ga'i grub mtha' ni
'jug pa'i sgo ni cig char rim gyis so
rtogs pa'i lta ba 'du 'bral med pas 'phags
bsrung pa'i dam tshig rnam gnyis rim gyis bsrung
cig char 'jug pa gang zhe na
snying po dran pas lha rnams ma bskyed rdzogs
dper na chu la chu bur rdol ba'i tshul du'o
rim gyis 'jug pa gang zhe na
dbyings dang ye shes rim gyis zhugs nas ni
'bras bu bcu drug sa la gnas
dam tshig rnam gnyis gang zhe na
gsang sngags don rtogs rtag tu bkur bar bya
khams gsum sems can snying rje'i rgyun thag gcad mi bya
'khor ba'i rgya mtsho dpag tu med pa nas
ma rnyed nor bu rin chen ster mdzad pa
rdo rje slob dpon rtag tu bkur bar bya
dper na yid bzhin nam mkha' lta bu'o
zhes rdo rje 'chang nyid kyis bka' stsal to
yang gsang ba'i bdag pos zhus pa
kye kye bcom ldan theg chen bdag
theg pa brgyad kyi grub mtha' de ltar na
a ti'i theg pa gsung du gsol
zhes zhus pas
rdo rje 'dzin gyis bka' stsal pa
dri ba dris pa de legs so
330
nga yis khyod la bstan par bya
ma yengs gus pa'i sems kyis nyon
rdzogs chen a ti'i grub mtha' ni
gcig rdzogs kun rdzogs tha snyad kun dang bral
dam tshig bsrung du med pa'i phyal pa lhun grub gcig pu nyid
gting dpag dka' la brjod pa'i tha snyad kun dang bral
'gyur ba med pas dran par kun la khyab
du mar red la nyag gcig dgongs pa'i mchog
kun bral nyag gcig cir yang med pa'i 'od gsal bde ba'i sku
zhes gsungs so
yang zhus pa
kye ma thugs rje'i bdag po
bskyed rdzogs rnam pa gsum gyi don gsung du gsol
zhes zhus so
yang bka' stsal pa
kye rdo rje 'dzin pa nyon cig
nga 'das pa'i 'og tu ma 'ongs pa'i sems can rnams la 'di skad ston cig
bskyed pa ma ha yo ga ni
chos thams cad kyi gzhi lta bu'o
rdzogs pa a nu yo ga ni chos thams cad kyi lam lta bu'o
rdzogs pa chen po a ti yo ga ni chos thams cad kyi 'bras bu lta bu'o
de'i phyir na bskyed rdzogs rnam gsum 'du 'bral med pa'i don yi ge gsum gyis shes par bya ste
331
de yang gang zhe na
om a hum gsum gyis shes par bya'o
de'i phyir na ngas gsal bar bstan gyis yid la zung zhig
skye 'gag med pa'i om ni rang la yod
skye shi med pa'i a ni bdag la mchis
'du bral med pa'i hum gcig bdag la mchis
yi ge med pa'i rgyud gcig bdag la mchis
bstan du med pa'i lung gcig bdag la mchis
rang rig kha 'byed man ngang bdag la mchis
ye shes snying po sgron ma 'od po che
zhes theg pa drug gi don theg pa gsum du shes par bya'o
yi ge drug gi don yi ge gsum du shes par bya'o
ma 'ongs pa'i sems can rnams la bskyed rdzogs rnam gsum gyi don gyis rgyud grol bar gyis shig
sems can thams cad rang la yi ge 'bru gsum du gnas par gyis shig
de yi phyir na bsgrub pa ma ha yo gas gzhi dang sbyar te bshad
lung a nu yo ga nam mkha' dang sbyar te bshad
man ngag rdzogs pa chen po nyi zla dang sbyar te bshad do
don gyi snying po gtan la 'bebs pa rgyud 'dis shes bar bya'o
zhes drug pa rdo rje 'chang chen pos gsang ba'i bdag po la theg pa'i don bkrol te bstan pa'o
332
zhes rgyud thams cad kyi rgyal po gsang ba zhal thon tu bstan pa'i rgyud rdo rje sems dpa' snying te me long gi rgyud chen po las
theg pa'i rim pa lta ba bsdus te bstan pa'i le'u ste gnyis pa'o
@3
de nas yang gsang ba'i bdag pos zhu ba zhus pa
bcom ldan 'das thugs rje chen po dang ldan pa
bcom ldan 'das mya ngag las 'das pa'i 'og tu
sems can thams cad la ji skad bstan par bgyi
zhes zhus so
khro bo'i rgyal po 'jigs pa'i gzugs can gyis bka' stsal pa
e ma ho
don chen po ngas bshad kyis
rdo rje 'dzin pa legs par nyon
khams gsum gyi sems can 'di dag thams cad ni
dang po gzhi ci yang ma yin pa las cir yang 'khrul lo
gzhi de ngo bo stong pa
rang bzhin gyis gsal ba
thugs rje sems can la snang nus pa'o
de nas nang 'dzin byed kyi shes pa ma rig pa'i cha las byung ba breng tsam 'gyus pa las
shes pa spun pos pha gi las nga byung ngam
nga las pha gi byung snyam pa'i shes pa byung ba tsam gyis 'khrul lo
333
ma rig pa de gzhi la med de
nyams sam rmi lam rnam pa la yod do
snang ba las rkyen rnams byung ngo
gzhi de 'od khyim gyis tshul du gnas pa las
rgyu'i rkyen zhes bya ste ma rig pa dngos so
de la rtog dpyod du song bas bdag po'i rkyen zhes bya'o
de la lul yul can du bzung bas
dmigs pa'i rkyen zhes bya ste
dper na me long la skyes bu'i byad bstan pa lta bu'o
de gsum dus mtshungs pas mtshungs pa de ma thag pa'i rkyen zhes bya'o
de rang gi gzhi yin pa la rang gis ngo ma shes te
'khrul nas khams gsum 'khor ba grub po
de nas nyon mongs pa rags su song nas
sems can gyi gzugs tha dad du byung ngo
gzhi de lta bu las 'khrul lo
zhes gsungs so
de nas mkha' 'gro ma'i tshogs nag mo snying zan ma dang
ro za tsan di dang
thod pa'i phreng bcan dang
rma bya'i mgrin pa can
snying khrag 'ji ba ma la sogs te nam mkha' gang ba'i ma mo'i tshogs rnams kyis thabs cig tu 'di skad ces gsol to
gzhi'i rnam pa de ltar lags na
sems can rnams la gzhi bde bar gshegs pa'i snying po'i don ci ltar gnas zhes zhus so
334
yang bka' stsal pa
e ma ho
klong bdag chen mo rnams nyon cig
'jig rten khams kyi sems can thams cad la de bzhin gshegs pa'i snying po rang chas su yod do
de yang til 'bru la mar gyis khyab pa bzhin du gnas so
de yang rten ni gzugs kyi phung po la brten no
gnas ni snying gi dkyil na gnas te
de yang kun tu bzang po ga'u kha sbyor gyi dgongs pa zhes bya ste
dper na bse'i ga'u kha sbyar ba bzhin du gnas pa'i nang na 'od kha dog lnga'i dkyil nas
zhi ba'i sku yungs 'bru tsam la 'od khyim gyis tshul du gnas so
de ni rig pa'i gnas sa
dper na bum pa'i sku lta bu'o
de las byung ba'i ye shes ni
gnas pa klad pa'i dung khang gi nang na gnas so
de yang khro bo'i sku yungs 'bru tsam la spyan phul thag tsam du gnas so
de yang 'od zer gyi tshul du gnas so
de las byung ba'i 'od ni me long gi dkyil 'khor ltar gsal la dangs pa'am
dper na nya'i mig ltar 'od zer du gnas so
de dang rig pa'i 'bral pa na snying gi rtse nas yar la rtsa dar dkar gyi snal ma tsam sgal tshigs kyi 'dab nas lang yod de
335
de nas lam du byung nas mgo'i nang du 'jug go
rtsa de yang rtse'u chung gis g.yas nas thon nas klad pa dang 'brel lo
de yang rna ba'i 'dab g.yas g.yon nas mig dang 'brel lo
de yang nam mkha' la mig bzlog ste rtsa gcun na
ye shes kyi snang ba shar nas nam mkha' gang bar 'gyur ro
de nas yang mkha' 'gro ma rnams gyis 'di skad ces gsol to
e ma ho
sems can rnams la don de ltar gnas pa ngo mtshar che'o
bde bar gshegs pa'i gnas lugs de ltar lags na
sems can rnams la ma rig pa'i gnas lugs ci ltar lags
zhes zhus so
yang khro bo'i rgyal pos bka' stsal pa kye 'byung ba'i bdag mo rnams nyon cig
legs par yid la zung zhig
don thugs su chud par gyis shig
kye 'gro ba srog gis bsdus pa'i sems can rnams la
nyon mongs pa ma rig pa zhes bya ba shes che bar gnas so
de yang rten gzugs kyi phung pa la brten nas gnas snying dang glo ba'i bar na gnas so
336
de yang ma rig pa rkyang par med de sems zhes bya ba bag chags thams cad sdud pa'i gzhir gnas so
de la yid ces bya ba yul rtog pa dang lhan cig tu gnas so
de gsum gcig tu 'dus pa las ma rig pa zhes bya ste
'khor bar 'khor ro
de la dug lnga khong khro dang drug byung ngo
de nas nyon mongs pa stong phrag brgyad cu byung ngo
de rnams lam gang nas byung zhe na
glo ba dang snying du 'brel pa'i bar na
srog rtsa dmar po zhes bya ba sog ma'i sbu gu tsam gyis nang nas yar rgyu ste
de sgal tshigs kyi 'dab nas yar rgyu'o
de yang rtse'u chung g.yon pa dang 'brel lo
de rnams dbugs kyi rta la zhon nas rgyu'o
de kha dang sna nas rgyu ste
de las nyon mongs pa sna tshogs 'byung ngo
de rnams kyi dbang du ma gyur pa'i rig pa ni
rig pa nam mkha' brdal bar bya'o
bar snang gi khams la ye shes ngos bzung ngo
de bzhin du ma 'ongs pa'i sems can la byos shig
ces bka' stsal to
de nas mkha' 'gro ma rnams ngo mtshar mchog tu gyur nas
e ma ho
klong yangs so
337
sangs rgyas kyi sku sems can la byung ba ngo mtshar che'o
e ma ho
klong gcig tu 'dus so
a la la ho
don srid chen po rnyed do
zhes brjod nas mi snang ba'i ngang du gshegs so
de nas yang gsang ba'i bdag po ba dzra pa ni dang
gnod sbyin gyi tshogs bsam gyis mi khyab pa dang
klu'i rigs bsam gyis mi khyab pa'i 'khor dang bcas te
khro bo'i rgyal po la lan gsum bskor ba byas te
'di skad ces gsol to
ba dzra pa ni dha sa rta ni gha ma gha ba kha tsha bha om om
zhes brjod nas yang zhus pa
e ma ho
kye thugs rje chen po don gyi snying po de ltar lags na
sems can dbang po 'gags pa la
ji ltar 'char lugs bstan du gsol
zhes zhus pas
stobs kyi rgyal pos bka' stsal pa
e ma ho
gnod sbyin gyi 'khor rnams nyon cig
nga mya ngan las 'das pa'i 'og rol nas
sems can bag chags sad pa rnams la 'di skad ston cig
rigs kyi bu khyod yongs su mya ngan las 'das pa'i tshe
rig pa gzhi nas 'phags te lam gu 'jug pa ngo shes par bya ba'i ched du dpe don rtags gsum gyis ngo sprad la sogs te
338
ngo sprod nyi shu rtsa gcig shes par bya'o
gangs sam g.ya' 'am rgya mtsho las byung ba'i man shel dri ma med pa zhig skar khung gi snang ba la phyar nas bltas na 'od kha dog lnga lhug par 'char te
de yang gang zhe na
ba dog mthing ga dang dkar po dang
ser po dang
dmar po dang
ljang gu'o
man shel gcig rjes su 'jug pa'i gang zag de'i mig g.yas par lag pa g.yas pas bzung ste
mig gi steng du bzhag na snang ba mthong bar 'gyur ro
lag pa g.yon pas mig g.yon pa dgab par bya'o
de ni dpe'i ngo sprod do
don de bzhin du rang gi snying gi dkyil na gnas so
de ni don gyi ngo sprod do
rtags kyi ngo sprod ni dang gi mdzub mos mig mnan na
bod kyi thig le nya'i mig lta bur 'char ro
de ni rtags kyi ngo sprod do
chos kyi sku'i ngo sprod ni nyi ma'i dkyil 'khor la sprad do
339
longs spyod rdzogs pa'i sku'i ngo sprod ni
de bzhin gshegs pa'i sku ras la bris pa rang gi mdun du bzhag ste
shil mig gi steng du bzhag nas mig nam mkha' la bltas na
longs spyod rdzogs pa'i sku kha mig rna ba can mthong bar 'gyur ro
de bzhin du longs spyod rdzogs pa'i sku'i zhing khams par mdo la 'char ba ngo shes par gyis shig
sprul pa sku'i ngo sprod ni
chos can mtshan mar snang ba rang gi rig pa'i cho 'phrul du shes par gyis shig
chos nyid rang gi rig pa 'od zer gyi phung por ngo shes par gyis shig
de ni rnam rtog bag chags kyi sbubs 'di nyid ma bor ba la ngo shes par gyis shig
de ni sprul pa sku'i ngo sprod do
rtsa'i gcun thabs kyi sa snang ba rang lugs su 'char ba'i ngo sprod ni
'chi bdud kyi sgo nas ye shes kyi rlung 'gyu ba'i lam gnyis gnas pas
lam de gnyis rtsa rgyu ba'i grong khyer na yod pa'i bdud kyi so ba mig gnyis 'geg tu gzhug go
lam de gnyis bkags sa ma dag 'khrul pa'i snang ba 'di 'gags so
de'i tshe dus ma 'gyur bar snang ba 'gyur ro
blon po btson du zin no
340
blon po bcon du zin nas
khyi rkun sgor phyung ngo
khyi rkun sgor phyung bas rgyal po gdan la bzhugs so
rgyal po gdan la bzhugs pas
ye shes rtog med du gsal lo
rtog med du ngos zin pas chos sku rang lugs su gnas so
chos sku ri ngang la bzhag pas 'khrul snang dag snang du 'char ro
'char sgo gang nas 'char na
nam mkha'i mthongs khung gi sgo nas 'char ro
de yang 'char lugs gsum du 'char ro
sangs rgyas kyi zhing khams rnam par dag pa 'char ba dang
zhing khams de'i thig le dang thig phran du 'char ba dang
tshom bu ltar 'char ba'o
tshom bu la gnyis te
zhing khams kyi tshom bur 'char ba dang
sku'i tshom bur 'char ba'o
sku'i tshom bu 'char ba la gsum ste
sku mang nyung ngu 'char ba dang
bzhugs tshul ci ltar bzhugs nas 'char ba dang
sku mdog ci ltar 'char ba'o
zhing khams tshom bu ni lnga ldan du 'char ro
sku nyung bar 'char ba ni rnam snang gcig bur yang 'char ro
'od dpag med gcig pur yang 'char ro
rigs lnga 'gre'o
mang bar 'char ba ni
341
rigs lnga dus gcig la yang 'char ro
yum lnga ste bcu ru yang 'char ro
bcu gcig bco lnga la sogs par yang 'char ro
bzhugs tshul ni
longs sku kha mig rna ba can me long gi gzugs brnyan ltar snang la rang bzhin med pa la
nam mkha' 'ja' tshon ltar ma 'dres yongs su rdzogs pas
me long la nyi ma shar ba ltar gsal la rtos med pa
gdan khri dang
dbu rgyan dang
phyag mtshan do shal thams cad dang ldan pa'i sku mnyam pa skyil krung du bzhugs nas 'char ro
sku mdog tu 'char ba ni
rnam snang yang mthing ga kho na'i bdag nyid du mi bzhugs
rdo rje sems dpa' yang sku mdog dkar po'i rang bzhin du mi bzhugs pa des 'gre ba'i
rnam snang yang
mthing ga dang
dkar po dang
dmar po dang
ser po dang
ljang ju ste
kha dog lnga ldan du 'char ro
sems can rang rgyud pa rnams la ngo sprod gsum byas na de bzhin du 'char ro
ngo sprod byas nas de'i don nyams su blangs pas rtogs pa'i don yang 'khrul snang thams cad dag snang du 'char
dag snang thams cad longs spyod rdzogs pa'i sku kha mig rna ba can gyis gang nas ngang la 'char ro
342
de rnams bdun po ni 'od kyi ngo sprod ces bya'o
yes shes kyi ngo sprod gang zhe na
chos dbyings kyi ye shes kyi ngo sprad ni mkhar gzhong gi bcud la brtags pa ste mkhar gzhong legs pa'i nang du chu dangs mas bkang ste
mig gi thog tu gsal byed kyi me long bzhag na
thig le dang thig phran gyi tshul du 'char te
de las kyang 'od zer mtshon cha'i rtse mo bzhin du 'phro'o
de ni chos kyi dbyings kyi ye shes kyi ngo sprod do
me long lta bu'i ye shes kyi ngo sprod gang zhe na
me long gnyis kyi bar du rdul tshon gyis dkyil 'khor bri ste
phar 'gram tshur 'gram gnyis su me long re gzug ste
de la bltas na snang ba gnyis 'char ro
de ni me long lta bu'i ye shes kyi ngo sprod do
mnyam pa nyid kyi ye shes kyi ngo sprod gang zhe na
chu'i zla ba la ngos bzung ngo
de ni mnyam pa nyid kyi ye shes kyi ngo sprod do
so sor rtog pa'i ye shes kyi ngo sprod ni
mar me la ngos bzung ngo
de ni so sor rtogs pa'i ye shes kyi ngo sprod do
bya ba grub pa'i ye shes kyi ngo sprod ni
man shel dri ma med pa la ngos bzung ngo
de ni bya ba grub pa'i ye shes kyi ngo sprod do
343
mi gnas pa'i ye shes kyi ngo sprod ni
nam mkha'i khams kyi 'ja' tshon la ngos bzung ngo
de ni mi gnas pa'i ye shes kyi ngo sprod do
yongs su rdzogs pa'i ye shes kyi ngo sprod ni
nam mkha' sprin med la ngos bzung ngo
bdun po de ye shes kyi ngo sprod do
da ni rig pa'i ngo sprod bstan pa ni
rig pa gzhon nu bum pa sku'i ngo sprod ni
mi gos dkar dmar kha dog sna tshogs gyon pa gcig bdag gi mdun du bzhag nas
mig gi steng du rin po che bzhag ste
mig nam mkha' la btegs na
de bzhin gshegs pa zhi ba'i sku mthong bar 'gyur ro
de ni rig pa gzhon nu bum sku'i ngo sprod do
rig pa gzhon nu dpa' bo stobs ldan gyi ngo sprod ni
khyim mun pa nag por mi gos nag po gon pa rang gi mdun du bzhag nas
gong gi ltar bltas na de bzhin gshegs pa khro bo'i sku mthong bar 'gyur ro
de ni rig pa dpa' bo stobs ldan gyi ngo sprod do
rig pa gzhi gnas kyi ngo sprod ni
rgya mtsho dangs pa la ngos bzung ngo
de ni gzhi gnas kyi ngo sprod do
rig pa kun tu gsal ba'i ngo sprod ni
344
nyi ma dang zla ba la ngos bzung ngo
de ni rig pa kun tu gsal ba'i ngo sprod do
rig pa gnyis med kyi ngo sprod ni
bum pa'i sku la ngos bzung ngo
de ni rig pa gnyis med kyi ngo sprod do
rig pa dri ma dang bcas pa'i ngo sprod ni
nyi zla sprin gyis bsgribs pa lta bu la ngos bzung ngo
de ni rig pa dri ma dang bcas pa'i ngo sprod do
rig pa ci yang mi gnas pa'i ngo sprod ni
mig bar snang la bltas pas shes par bya'o
de ni rig pa ci yar mi gnas pa'i ngo sprod do
de ltar bdun ni rig pa'i ngo sprod do
de ltar nyi shu rtsa gcig rdzogs nas rigs kyi bu de mya ngan las 'da' ba'i tshe
rig pa mig nas lam byung nas bar do'i snang ba la 'jug go
de yang gang zhe na
zhag lnga 'das pa'i 'og tu rang gi thugs ka nas thugs rje'i thag pa zhes kyang bya
ye shes mthong ba zhes kyang bya
rig pa'i rtod phur zhes kyang bya ba 'od zer phra ba rta rnga'i cha tsam zhig breng gis 'od ste
de'i dus su bag chags kyi sbubs med kyang yod pa snyam 'ong bas
mig nam mkha' la btegs te bltas pas
nam mkha'i dkyil na 'od kyi tshom bu lnga bkra sa le mthong ste
de'i dus su yid ches pa ma'i pang du pu 'jug pa lta bu'i gdams ngag dran par gyis shig
345
mi 'gyur ba gser gyi thur ma lta bu'i gdams ngag dran par gyis shig
de nas rig pa 'od kyi tshom bu la thim nas 'gro ste
de'i dus su phyir mi ldog pa dpag chen gyi mda' lta bu'i gdams ngag dran par gyis shig
de nas brtan pa thob ste
zhag nyi shu rtsa gcig nas sprul pa'i sku 'byin nus pa'o
phyi nang gsang gsum gyi dbang rdzogs pa rnams la de bzhin du byos shig
sar ba dhar ma
ha tha ya
zhes brjod nas
spyan ldog pas thugs na 'od zer gyi phung po lnga 'phros te
'jig rten gyi khams thams cad gang bar mdzad de yang 'di skad ces bsgrags so
sar ba dhar ma a pa ma ka ma de ni zhu pa ya 'di ma ya
om om
om ma om pya ke ta ni zhu pa ya sa 'di dhar ma ya
om na om na ma me'u 'u'i
346
chi tu ti'u a a ma mak shu ak shu a a hum ha a a a ma
de skad ces cho 'phrul gyi sgra yi ge zhes bya ba
sgra thams cad gtan la 'bebs pa
rdzogs pa chen po'i don phyin ci ma log par ston pa'i don sgra la bsdus te bshad pa'o
zhes bka' stsal to
de nas yang gsang ba'i bdag po la sogs te gnod sbyin gyi 'khor dang bcas pa rnams ngo mtshang mchog tu skyes te
thabs cig tu thal mo sbyar te bstod pa
a ham e ma ho
bcom ldan mgon po rdo rje 'od dpag med
'gro ba pha rol sgrol mdzad stobs kyi bdag
'gro ba'i gnyen bshes gtsug gi nor bu can
ma rig mun khams 'joms la phyag 'tshal bstod
ces pa stod nas rang rang gi stan la mngon par 'dug po
347
de nas yang bka' stsal pa
kye ma 'dus pa'i 'khor rnams nyon cig
nga yongs su mya ngan las 'das pa'i 'og tu ma 'ongs pa'i sems can rnams la phyi nang gsang ba gsum gyi dbang rdzogs par gyis
don de lta bu ma nor bar ston cig
de ni de ltar bsgom du med do
sgom byed ma 'gags pa'o
bsgom rgyu ni mi dmigs pa'o
don de lta bu 'das pa dang ma 'ongs pa rnams kyis kyang ston nus re kan
zhes brjod nas mi snang ba'i ngang du gshegs so
zhes rgyud chen po rdo rje sems dpa' snying gi me long gsang ba'i rgyud ces bya ba
gab pa mngon du phyung ba la stan pa las
gnas lugs dang rtogs lugs bstan pa'i le'u ste gsum pa'o
de nas 'khor rnams sdug bsngal gyis gzing ba'i yid mi bde bar gnas pa las
de rnams kyi nang nas gsang ba'i bdag po lag na rdo rje 'dzin pa chen pos 'di skad ces gsol to
kye hud sdug bsngal gyis zin pa'i 'khor rnams la
bstan pa'i sgron me bya phyir rgyud chen po bstan du gsol
rgyal ba'i sku mchog 'khor rnams la bstan du gsol
348
ba dzra ma ya a ham a ham
zhes gsol pas
bcom ldan 'das kyi sku bar snang la mngon par gyur nas
seng ge'i khri'i steng na gdan dang bcas pa bzhugs tshul ni sku zhi ba'i cha lugs su bzhugs so
rdo rje'i rigs kyi 'khor sems dpa' dang
sems ma dang
byang chub sems dpa' dpag tu med pa rnams kyang 'od la sprul nas bzhugs so
ma mo dang gnod sbyin gyi 'khor rnams kyang sdug bsngal chen po las grol bar gyur to
de nas 'khor rnams kyis 'di skad ces gsol to
kye kye bcom ldan rdo rje 'chang
rgyud chen nges tshig gsung du gsol
zhes zhus so
rdo rje 'chang gis bka' stsal pa
kye kye 'dus pa'i 'khor rnams nyon
thams cad 'byung ba'i byang chub yid bzhin gter
ma grol grol bar byed pa'i rgyud chen 'di
rdo rje dam tshig gser gyi lu gu rgyud
snying po'i don 'grol snying gi rgyud chen 'di
du ma gcig tu bsdus pa'i don gyi mchog
don gyi 'brel pa gsang sngags bdag pos 'chang
snying gi dkyil na rig pa byang chub sems
de yod phyir na snying gi rgyud ces grags
349
mi 'gyur rdo rje'i don nyid rtag par gter 'chang bas
rdo rje'i rgyud du 'gro ba yongs la khyab par grags
gzhan gyi rnam rtog bsal pa sems dpa'i rgyud ces grags
rgyud gzhan rnams kyi don chen po
'di nas 'byung bas me long rgyud ces grags
rgyud chen po yi gtan tshigs yang dag bkrol nas bshad pa blo'i gting du go
don chen mtshon par 'gyur ba'i yi ge drug bshad legs par yid la zung
chos nyid skye ba med pa mtshon pa'i yi ge a
a ti skye med spros pa mi dmigs shing
ma skyes pas na yi ge a la rdzogs
skye bral dngos por ma grub yi ge a 'di gsang
'gag med don la mi gnas yi ge la
'gyur med stong pa'i ngang las yi ge 'byung zhing
'gag med rtog bral yi ge 'a la rdzogs
skye med ngang nas 'gag med yi ge 'a ni 'di gsang
skye ba med par snang tshul yi ge ha ni 'gyur med ngang las skye snang ma 'dres rdzogs
rig pa'i klong nas ho 'phrul ston pa'i yi ge ha
350
rang la gnas pa'i ye shes dbyings su bzlog mdzad yi ge ha 'di gsang
dag pa'i zhing du sgrol mdzad yi ge sha
'khrul pa'i snang ba bzlog mdzad yi ge sha
sgra dang tha snyad thams cad yi ge sha la rdzogs
skye med dbyings nas sgrol mdzad yi ge sha 'di gsang
'gyur med sa la gnas par byed pa'i yi ge sa
ye shes bla ma'i sa chen bgrod par byed pa'i yi ge sa
sa rnams bgrod med yi ge sa la rdzogs
lhun grub 'gyur med ngang la gnas byed sa 'di gsang
yi ge ma ni chos nyid 'byung ba'i gter
rig pa ma bcos yi ge ma yi dang
kun gzhi ma bcos yi ge ma yi ngang la rdzogs
351
gsang sngags don rtogs yi ge ma 'di gsang
yi ge drug gi don rtogs gsang sngags rgyud chen 'grol
yi ge drug gi don la gnas pa'i skyes bu mya ngan 'das
rtogs byed rgyal po yi ge sgra 'gyur drug
gsang sngags thams cad yi ge drug la rdzogs
zhes yi ge drug gi don bka' stsal to
de nas yang gsang ba'i bdag pos 'di skad ces gsol to
kye kye bcom ldan rdo rje 'chang
yi ge'i don sbyor de ltar na
dbang gi bye brag gsung du gsol
zhes zhus so
rdo rje 'chang gis bka' stsal pa
e ma ho rdo rje 'dzin pa nyon
dbang la rnam pa gsum yod do
phyi dang nang dang gsang ba'o
phyi ni rdul tshon dkyil 'khor te
sha khrag sna tshogs gtor ma dang
352
rin chen rdzes dang man shel dang
sna tshogs mchod pas mdzes pa'o
dkyil 'khor 'dom gad gru bzhi yi
thig ni gzhung dang mthun par gdab
sa tshon lnga la 'bru lnga bskyed
dbus su mthing nag gru gsum bri
tha ma pho brang zlum po bri
de yi phyir rim 'khor lo rtsibs brgyad ldan
pa nya tsa re kha rtsigs pa lnga
mun pa'i ba dan dag dang ldan
gru chad ljang gu sgo bzhi dag dang ldan
phyi rim zlum po rdo rje'i ra par bcas
gru gsum steng du thod pa gsum bzhag ste
thod pa'i nang du sha khrag sna tshogs zlugs ya bzhag
zla gam gsum gyi steng du bkra shis bum pa gsum
de'i nang du sman sna tshogs blu gsal
dar dmar pos mgul chings bya'o
rtsibs brgyad steng du khro mchog brgyad bzhag
353
gru chad steng du rin chen rdzas brgyad bzhag
me long lnga dang rma bya lnga gzhag par bya
de yi sgrub thabs bzhin du shes par bya
rdzas kyi dbang rnams rim bzhin bskur
bskur ba'i gnas ni tshangs pa'i bu ga'o
de ltar phyi nang gi dbang rdzogs nas
gsang ba'i dbang la 'jug par bya'o
gzungs ma mtshan dang ldan pa la
yi ge gsum dang gtor ma ni
gsang ba dkar dmar 'dres pa de
me long ma chags ma gas pas
blangs te
slob ma la la dbang bskur
354
de ltar dbang gsum rdzogs nas ni
gang du bstan pa'i gdams ngag gdab par bya
dbang rdzogs rnal 'byor sku gsum nges par 'grub
gsang sngags don mtshon dbang gis stsal bar bya
dbang mchog thob pa'i skyon bstan pa'i rnal 'byor ni
dper na mnyan po lag skya med pa bzhin
pha rol sgrol bar ga la nus
dbang mchog thob na gsang sngags ma bsgrubs 'grub
gsang sngags dbang la ma brten 'grub par ga la 'gyur
dper na pha rol sgrol ba'i gru bzhin no
dbang mchog ston pa'i rdo rje slob dpon la
nor bu rin chen gser dngul dbyig gis mchod
355
rta dang glang po la sogs dbul bar bya'o
pha ma bu smad bcas pa dbul bar bya
gsang ba'i bdag pos yang zhus pa
kye kye bcom ldan stobs kyi bdag
dbang gi bye brag de ltar na
dam tshig bye brag gsung du gsol
rdo rje 'chang gis bka' stsal pa
kye ma gsang bdag nges par yid la zung
dam tshig bye brag bsam mi khyab
mdor bsdus bshad kyis legs par yid la zung
rdo rje thig pa'i dam tshig ni
dper na sa gzhi lta bu'o
thams cad 'byung bar byed cing gzhi ma'i mchog tu 'gyur
de yang bsrung thabs bsam gyis mi khyab dam tshig rnams
bsrung rgyu mi dmigs srung byed thabs mkhas spyod
nyams na mi bzhin thams cad sreg par byed
gsang sngags don stong rdo rje slob dpon la
rin chen gser ni rang lus tsam zhig phu la gyur kyang
356
dam tshig 'chal bar gyur na sreg par byed
dper na me bzhin dro bar gyur ba la
de bzhin chu yis me bsang dro ba med pa bzhin
dam tshig me yi phung po lta bu la
bsrungs na bar chad sel zhing ye shes grogs su 'gyur
ma bsrungs nyams na rdo rje dmyal bar ltung
de bas srog gi phyir yang dam tshig mi btang ngo
slob dpon tshad mar ma gyur sprel 'dra'i lung
log pa'i lam du zhugs shing gsang sngags 'chol bar sbyong
de ni log 'dren yin pas spang par bya
mi shes nga rgyal che zhing blun rmongs bcom bu mkhan
nga rgyal dregs pas smra zhing mched la ras gcod byed
ngo tsha med cing khrel med bag 'dzem med
gsang sngags snod dang mi ldan gang zag spang bar bya
357
yangs shing rgyud la mkhas shing sgrub thabs dag la mkhas gyur pa
rgyud bzang zhing rtogs shing lta ba dag la mkhas
gsang sngags rgyal po rdo rje a li ka
lus yon phul la rtag tu bstan par bya
nga rgyal dregs pa med cing ngang gis shes pa dal
bka' drin khyad du mi gsong gsang sngags don la sbyor
nges par dang dang ldan zhing gtong phod dag dang ldan
rdo rje'i don ldan gsang sngags snod du gsungs
zhes bka' stsal to
rgyud chen po rdo rje sems dpa' snying gi me long gi rgyud las
gsang ba yang khol du phyung pa dbang dang dam tshig ge le'u ste bzhi pa'o
@5
de nas yang bcom ldan rdo rje sems dpa' nyid kyis snying gi dkyil 'khor gyi sgo phyi nas 'khor rnams la ye shes kyi dkyil 'khor 'od gsal ba'i don bstan pa'o
358
kye grogs po dag 'jig rten gyi khams kyi sems can thams cad la
rang gi rig pa 'od lnga'i rang bzhin du gnas so
de rnams don bkrol ba 'di lta ste
khyab gdal 'ub chub rig pa 'od gsal sku
'gyur med klong yangs rig pa 'od gsal sku
rnam dag don spyod klong yangs rig pa 'od gsal sku
khyab gdal chen po mi 'gyur rig pa 'od gsal sku
brjod med bsam bral rig pa chos kyi sku
dpag tu med pa'i yul las 'das pa rig pa chos kyi sku
'dzin pa'i spyod yul ma yin rig pa chos kyi sku
ngo bo rang bzhin thugs rje ldan pas rig pa chos kyi sku
bde chen ma 'dres yongs su rdzogs las rig pa longs spyod sku
gsal la ma 'dres so so'i mtshan nyid ldan pas rig pa longs spyod sku
mtshan dang dpe byad ldan pas rig pa longs spyod sku
rang bzhin gcig la tha dad snang ba'i rig pa longs spyod sku
'gag med klong nas thugs rje 'byin pa'i rig pa sprul pa'i sku
cir yang gsal zhing cir yang rtogs pas rig pa sprul pa'i sku
ma 'gags yongs la khyab pas rig pa sprul pa'i sku
359
gsal 'grib med cing 'dzin rtog med pas rig pa sprul pa'i sku
gnyis 'dzin mtha' dang bral bas rig pa ngo bo nyid kyi sku
'dzin pa'i yul med rig pa ngo bo nyid kyi sku
sa dang lam la mi gnas rig pa ngo bo nyid kyi sku
dngos po gzung du med pas rig pa ngo bo nyid kyi sku
bde chen klong du 'gyur med gnas pas rig pa ngo bo nyid kyi sku
don dang ldan pas rig pa rdo rje 'dzin pa'i sku
gsal la mi 'gyur ngang la gnas pas rig pa rdo rje 'dzin pa'i sku
'gro ba kun la gnas pa'i rig pa rdo rje 'dzin pa'i sku
sra zhing brtan pas rig pa rdo rje 'dzin pa'i sku'o
de ltar sems can thams cad kyi rang rgyud la gnas so
de bzhin du sku rnam pa lnga po de'i don thugs su chu gcig
sku las ye shes 'byung ste
de yang gang zhe na
rig pa 'gyur med chos dbyings ye shes dang
rig pa rgya chad phyogs lhung med pa chos dbyings ye shes dang
rig pa gzung 'dzin yul las 'das pas chos dbyings ye shes dang
rig pa mu mtha' med pas chos dbyings ye shes dang
rig pa gsal la dangs bas me long ye shes dang
360
rig pa mu khyud zlum por gnas pas me long ye shes dang
rig pa gsal la phyogs lhung med pas me long ye shes dang
rig pa gsal la ma 'bres rdzogs pas me long ye shes dang
rig pa mi g.yo mnyam par gnas pas mnyam nyid ye shes dang
rig pa bzang ngan yul las 'das pas mnyam nyid ye shes dang
rig pa rnam rtog kun dang bral bas mnyam nyid ye shes dang
rig pa sgra dang tshig las 'das pas mnyam nyid ye shes dang
rig pa blo yi bye brag rtogs pas so sor rtog pa'i ye shes dang
rig pa du mar rtogs pas so sor rtog pa'i ye shes dang
rig pa cir yang 'char bas so sor rtog pa'i ye shes dang
rig pa rnam pa cir yang snang bas so sor rtogs pa'i ye shes dang
rig pa bya btsal med pas bya ba grub pa'i ye shes dang
rig pa 'dzin rtog dbyings su rdzogs pas bya ba grub pa'i ye shes dang
rig pa skye med ngang du rdzogs pas bya ba grub pa'i ye shes dang
rig pa 'gag med ngang du rdzogs pas bya ba grub pa'i ye shes dang
zhes 'gro ba yongs la de bzhin du shes par bya'o
361
ye shes las byung ba'i 'od lnga gang zhe na
de yang kha dog rnam pa lnga ste
rig pa chos kyi sku la 'gyur ba med pas kha dog mthing gar gsal
rig pa bsam pa kun dang bral bas kha dog mthing gar gsal
rig pa gdangs dang ldan pas 'od chen mthing gar gsal
rig pa'i 'bras bu zang mthal byung yid pas 'od chen mthing gar gsal
rig pa nyid la nyon mongs gos pa med pas kha dog dkar por gsal
rig pa shel sgod lta bur dag pas kha dog dkar por gsal
rig pa byang sems dri ma med pas kha dog dkar por gsal
rig pa'i 'od zer gting mtha' yas pas kha dog dkar por gsal
rig pa'i ye shes tha snyad bral bas 'od chen ser por gsal
rig pa'i ye shes 'dzin pa med pas 'od chen ser por gsal
rig pa'i ye shes ngang gis gsal bas 'od chen ser por gsal
rig pa 'gyur med ngang la rdzogs pas 'od chen ser por gsal
rig pa'i klong na dbang rnams thams cad rdzogs pas kha dog dmar por gsal
362
rig pa'i klong nas skye med dus gcig rdzogs pas kha dog dmar por gsal
rig pa 'gyur med ngang la de bzhin gshegs pas 'od chen dmar por gsal
rig pa 'gag med kun la khyab pas 'od chen dmar por gsal
rig pa'i sa la 'gyur ba med pas
'od chen ljang gur gsal
rig pa dngos pos stong par khyab pas kha dog ljang gur gsal
rig pa shes rab 'gag pa med pas kha dog ljang gur gsal
'dzin pa'i spyod yul med pas kha dog ljang gur gsal
de las 'od 'phros 'jig rten gang bar 'gyur
kun la dkon pa'i ye shes 'od mchog 'di
ye shes 'od kyis nam mkha' khengs par mthong
de yis sems can rnams kyang grol bar byed
ces rgyud chen po gsang ba rdo rje sems dpa' snying gi me long gi rgyud las
sku dang ye shes kyi le'u ste lnga pa'o
@6
de nas lang gsung ba'i bdag po phyag na rdo rje de nyid du mngon par snang bar gyur nas
thugs rje chen po dang ldan pa de la 'di skad ces gsol to
kye ma klong yongs bcom ldan thugs rje can
363
byang chub 'byung ba'i gter chen gsung du gsol
zhes zhu ba zhus so
stobs kyi bdag pos bka' stsal pa
kye ma rdo rje 'dzin pa nyon
ngas bstan legs par yid la zung
rang rig byang chub sems kyi bdud rtsi 'di
dper na lha rdzas nor bu rin chen 'di
grang ba'i phyogs su bzhag na dro bar 'gyur
dro ba'i phyogs su bzhag na bsil bar 'gyur
mun pa'i phyogs su bzhag na snang bar 'gyur
de bzhin rang byung rig pa 'di
rtogs pa'i don dang ldan gyur na
nyon mongs ye shes grogs su 'gyur
nyon mongs skyes kyang ye shes stobs su gyur na bsgrib pa med
kye ho gsang ba'i bdag po nges par zung
rang las byung ba'i bdud rtsi'i thegs pa 'di
dper na nor bu chu 'dongs bzhin
rnyog ma can du stsal na rnyog ma dangs par 'gyur
de bzhin snying po don gyi gdams pa 'di
btab na nyon mongs gos mi 'gyur
bag chags 'dams las ye shes pad ma skye par 'gyur
ye shes chu yis nyon mongs thams cad 'khrud
ye shes me yis bag chags bsreg par byed
364
ye shes bde ba'i sku la snag srid gsal
gcig pu dal bar 'dug na snang 'grogs su 'char
ma skyes sbyings nas ye shes 'od gsal ba
kun la yod de kun gyis mthong ba med
dpag pas mi dbog nam mkha'i dbyings dang 'dra
gsal la 'chor ba nyi ma'i 'od dang 'dra
'gyur ba med pas ri rgyal lhun po 'dra
brab la gting dpag med pa rgya mtsho'i gting dang 'dra
gos pa med pas 'dam gyi pad ma 'dra
ngos bzung med pas chu yi zla ba 'dra
cir yang snang bas nam mkha'i cho 'phrul 'dra
gsal la kha dog rdzogs pas bar snang 'ja' tshon 'dra
gang la thogs pa med pas rlung gi dkyil 'khor 'dra
rgyun chad skye 'bri med pas chu bo'i rgyun dang 'dra
kun la khyab pas dus kyi lto ba 'dra
rtog pa sna tshogs 'char bas 'khrul pa'i snang ba 'dra
stong gsal dbyer med snang bas dag pa'i zhing khams 'dra
sra zhing brtan pas rdo rje pha lam 'dra
kun gyi gzhi mar gyur pas sa gzhi mnyam pa 'dra
dgos 'dod yongs su rdzogs pa dpag bsam ljon shing 'dra
gsal la dangs pas btsun mo'i me long 'dra
365
rkang med mkha' la 'gro bas 'dab chags rgyal po 'dra
rgyan dang cha lugs bcas pas sgeg mo phreng thogs 'dra
kun la thal gyis phug pas dpag chen mda' dang 'dra
ye shes dbyings su sdud pas 'byung ba chu dang 'dra
nyon mongs bag chags bsreg bas 'byung ba me dang 'dra
dpe rnams de bzhin mtshon pas ye shes don la sbyor
rtag pa mi 'gyur ye shes brdal pa'i sku
kun la yod de rang gsang thabs kyis chod
mi 'gyur kun la gnas pa'i rig pa byang chub sems
ngo bo mi 'gyur kun la de bzhin gnas
rang bzhin gsal bas 'gro kun yongs la khyab
ngang gis mi g.yo khyab gdal bde ba'i klong
rdo rje'i dam tshig ldan pas blang bar bya
zhes bka' stsal to
de nas yang gsang ba'i bdag po phyag na rdo rjes rdo rje gsor te 'di skad ces gsol to
a la la ho
de bzhin gshegs pa thams cad kyi dgongs pa thugs su chud do
rang gi don chen rnyed do
zhes brjod nas rdo rje gsor bas stong gsum gyi stong chen po'i 'jig rten gyi khams thams cad de bzhin gshegs pa'i skus gang bar gyur to
366
de bzhin gshegs pa'i sku mthong ba'i sems can de dag kyang mngon par rdzogs par sangs rgyas so
ngan song gi skye gnas thams cad rgyun bcad do
de nas yang gsang ba'i bdag por nga la rang ngo mtshar skyes nas 'di skad ces rdo rje 'chang chen po la gsol to
kye kye bcom ldan rdo rje 'chang
rig pa'i dpe don de ltar na
ma rig dpe don gsung du gsol
zhes zhu ba zhus so
rdo rje 'chang gis bka' stsal pa
e ma ho
rdo rje 'dzin pa nyon
ma smin ma rtogs 'khor ba ni
dper na gyi ling lcags bcug 'dra
bkrol bar ma gyur thar pa'i dus mi 'byung
de bzhin ma rig lcags bcug thar bar ga la 'gyur
ma rig chu dang 'dra ste thams cad sdud
zhe sdang me ni bskal pa'i me dpung 'dra
'dod chags tsha chu dag ni 'thung ba 'dra
gti mug 'thibs pa khang stong mun pa 'dra
nga rgyal dregs pa ri bo bsnyil ba 'dra
phrag dog gnod sems gcod rong dog mo 'dra
nyon mongs rnams lngas ye shes bsgrib par byed
yid ni dper na khang stong rkun ma 'dra
367
dbugs ni dper na nags kyi spre'u 'dra
sems ni dper na mi gtsang 'dam rdzab 'dra
kun gzhi dper na sems can phag pa 'dra
shes pa dper na bya sgro rlung khyer 'dra
gzung 'dzin dper na skyes pa bud med dbang gis bskor ba 'dra
las kyi bye brag bya rnyi 'dzings pa 'dra
sdug bsngal bye brag chu bo'i gnyer ma 'dra
nyon mongs 'bras bu 'di la bzod pa'i thabs med do
'khor ba'i sdug bsngal 'dzin pa'i rtod phur 'di
byas pas mi thon bzhag na thon par 'gyur
byas pa'i chos rnams spangs na dal ba 'grub par 'gyur
bsam pa kun spangs ye shes mtsho mi g.yo
gsang sngags rgyal po spyod na nyon mongs ye shes 'gyur
dper na khyim stong sgron me btegs na mun pa gsal bar 'gyur
de bzhin ye shes sgron me btegs na ma rig rig par 'gyur
de kho na nyid kyi rtogs pa rgyud la skyes na nyon mongs thams cad ye shes grogs su 'char
de phyir rigs kyi bu nyon mongs pa lnga ye shes lnga dang sbyor cig
ma dag pa sum brtsegs dang ye shes sum brtsegs sbyor cig
nyon mongs pa sna tshogs su snang ba dang ye shes kyi 'od kha dog sna tshogs su snang ba sbyor cig
368
e ma ho
rigs kyi bu de bzhin du shes na ma dag pa'i snang ba 'dis bsgrib pa med do
rigs kyi bu rang dal bar 'dug na
ye shes kyi snang ba lhug par 'char ro
de'i phyir na rogs med gcig pur gnas par bya zhes 'byung ngo
kye grogs po dag yang dag par rdzogs pa'i sangs rgyas kyi 'bras bu ni smin pa dang ma smin pa mi mnga'o
de'i phyir na bsgoms pas 'bras bu mi rnyed pa'i man ngag go
kye grogs po dag yang dag par rdzogs pa'i sangs rgyas kyi lta ba ni brjod pa thams cad dang bral ba'o
de'i phyir na byang chub sems dpa' chos la gnas par mi bya'o
kye grogs po dag yang dag par rdzogs pa'i sangs rgyas kyi dgongs pa rang las btsal bar bya'o
de bas na rgyud 'di yang sangs rgyas kyi bka'i dam par zung zhig
rig pa gnyis med kyi ye shes ngos zung zhig
rig pa gzung 'dzin dang bral bar mkhas par gyis shig
rig pa cir snang ba thams cad klong gcig tu dril cig
ces bka' stsal nas
'od phung rab tu 'byed bzhes bya ba'i sa ma ti la snyoms par zhugs so
369
de nas mkha' 'gro ma rnams kyis sgra snyan pa sna tshogs dang
rol mo dang glu sna tshogs kyis bskul bar mdzad do
de nas de rnams kyi nang nas nag mo 'brug gi sgra can ma zhes bya bas 'di skad ces gsol to
kye ho thugs rje chen po dang ldan pa ting nge 'dzin las bzhengs shig
khams gsum sems can thams cad nyon mongs pa ma rig pa'i rgyas 'thums pa 'di rnams la
thabs dam pa bstan du gsol
bstan pa'i sgron ma 'jig rten gyi khams su yun ring par gnas par mdzad du gsol
zhes gsol pa dang
bcom ldan 'das ting nge 'dzin las bzhengs nas de bzhin gshegs pa'i sku mang po mngon par sprul nas
la la ni phyag na rdo rje'i sku sha stag tu gyur
la la ni zhi ba'i sku sha stag tu gyur
la la ni rang rang gi dkyil 'khor dang bcas pa'i sku sha stag tu gyur
la la ni yab yum snang ba sha stag tu gyur te
de nas mkha' 'gro ma rnams ngo mtshar skyes nas
thabs cig tu 'di skad ces gsol to
kye kye bcom ldan rdo rje 'chang
370
sku yi nges tshig gsung du gsol
zhes zhus so
gsang sngags rgyal pos bka' stsal pa
kye kye 'byung ba'i bdag mo nyon
ye shes rgyal po tshig gis mtshon du med
rig pa'i rgyal po tshig las 'das pa yin
'on kyang tshig gis don rnams mtshon par byed
tshig do gnyis med 'brel ba'i gtan tshigs bshad
sku yi de tshig gang zhe na
mi 'gyur don dang ldan pas rdo rje snying po'i sku
skye med ngang la rdzogs pas bya rtsol bral ba'i sku
'gag med ngang la gnas pas bya btsal med pa'i sku
mtshon pa'i tshig dang bral bas thig le stong pa'i sku
rang gsal byas pa med pas 'od gsal bde ba'i sku
dngos po rdzas su med pas stong pa 'dzin med sku
rgya chad phyogs lhung med pas ye shes brtan pa'i sku
de ltar rtogs na bde chen ngang la gnas
de ltar sku bdun don la ma yengs spyad par bya
don gyi rig pa mi zad bde ba'i gter
zag med byang chub chen po bdag gis blangs
nga med pa yi sngon rol du
rig pa dbyer med ngang la shes bya bde byed gsal
nga ni rang byung bde chen zag pa med pa'i sku
371
nga ni sku yi 'od la zhugs shing gsung gi zer la rol
de phyir 'od zer zhes kyang de la bya
nga ni mi gnas ye shes phyogs la gnas pa med
nga yi sku la snang srid gsal zhing bde chen 'bar bar snang
des nang ni thabs kyi pha rol phyin la gnas
thogs med gsal ba'i mar me bsam pa kun dang bral
bsam bral bde ba'i sku la snang srid gsal
bsam bral sna tshogs 'byung ba'i rig pa 'gag med klong
kun gsal chos nyid me long 'od po che
gnyis med ngang du bde chen 'od gsal mnyam
zhes gsang ba yang khol du phyung ba'i rgyud
rdo rje sems dpa' snying gi me long gi rgyud chen po las
ma rig pa dang ye shes kyi mthun dpe bstan pa'i le'u ste drug pa'o
@7
de nas yang gsang ba'i bdag pos 'di skad ces gsol to
kye kye bcom ldan rdo rje 'chang
rdzogs chen nges tshig gsung du gsol
zhes zhu bzhus so
stobs kyi rgyal pos bka' stsal pa
kye kye rdo rje 'dzin pa nyon cig
rdzogs chen theg pa'i nges tshig ni
372
rig pa bya bral ngang la ye shes rdzogs pas rdzogs
bsgom pa rtog med ngang la ye shes dri med rdzogs pas rdzogs
spyod pa bcos med ngang la ye shes brdal ba rdzogs pas rdzogs
lta ba dgag bsgrub med med pa'i ngang la ye shes rtogs med rdzogs pas rdzogs
'bras bu dmigs med ngang la ye shes nyi shu rtsa lnga rdzogs pas rdzogs
sku dang ye shes rang gi snying gi dkyil na rdzogs pas rdzogs
stong pa'i ngang las rig pa dngos med gsal ba'i ye shes rdzogs pas rdzogs
skye med ngang las 'od lnga ma 'dres gsal bar rdzogs pas rdzogs
stong nyid gsal la ma yengs pas na pa
bya ba med par snang bas pa
gsal la 'dzin pa med pas pa
'bras bu tshad dang ldan pas pa
theg pa kun gyi gong du gyur pas che
gnas lugs don la g.yengs med pas che
ye shes sgron ma lta ba kun gyi rtse mor gyur pas che
gsal la ma yengs sgom pa kun gyi rtse mor gyur pas che
rang byung ma bcos spyod pa kun gyi rtse mor gyur pas che
'dzin med rang gsal 'bras bu kun gyi rtse mor gyur pas che
373
'gyur med ngang la 'gag med rtsol bas che
'dzin med ngang la 'gag med rtsol bas che
'dzin med ngang la rtog med gsal bas che
zhen med ngang la chags med gsal bas che
brjod med ngang la bde chen gsal bas che
rnam dag byang chub brdal ba'i snying po yin pas che
bya btsal bral ba'i rig pa dngos med yin pas che
bde chen ngang las mi g.yo mnyam par gnas pas che
snying po'i don la mi g.yo mnyam par gnas pas che
'dzin pa'i spyod yul ma yin kun la yod pas che
tshig dang yi ges gtan la mi pheb kun gyi snying po yin pas che
rig pa ye shes nyi shu rtsa lhas brgyan pas po
ye shes 'od lnga dag pas brgyan pas po
'od la zer rnams so sor brgyan pas po
gsum brtsegs dbyer med mnyam pas gnas pas po
sku gsum phyir mi ldog pas 'bras bu tshad dang ldan
rgya chad phyogs lhung med pas lta ba'i tshad dang ldan
gsal la rtog pa med pas sgom pa'i tshad dang ldan
rang byung bcos pa med pas spyod pa'i tshad dang ldan
bde chen zag pa med pa'i byang chub dngos med 'di
374
bzung bas mi zin chu yi zla ba 'dra
dgos dgu rang la tshang bas phyug po'i bang mdzod 'dra
rig pa byang chub sems ni gdod nas skye dang bral
ma skyes pas na 'chi med rig pa'i klong
thig le rnam lnga 'du 'bral med pa'i klong
ma rig 'khrul pa med pas gzhi yi thig le bzang po yin
'gyur med rnam par dag pas lam gyi thig le bzang po yin
rig pa rtog pa med par bar chad sel bas rgyan dang ldan pa'i thig le bzang po yin
'gro dang 'ong ba med pas bzang po'i rtse mo thig le bzang po yin
skye dang 'chi ba med pas chos dbyings thig le bzang po yin
de ltar thig le rnam lnga yang
dbye na thig le rnam pa bcu yod de
de yang bstan pa 'di ltar yin
bzang po'i 'khrul med thig le dang
bzang po zag med thig le'o
de ni gzhi yi nyer gzhag go
lam gyi nyer gzhag gang zhe na
'dzin med rnam dag thig le dang
sa dang lam gyi thig le'o
de ni lam gyi nyer gzhag go
'bras bu'i thig le gang zhe na
rnam smin bar chad sel ba'i thig le dang
375
mun pa sel ba'i thig le dang
snang ba bzlog pa'i thig le dang
rab ba ma rtse mor gyur pa'i thig le dang
'od lnga ma 'dres gsal ba'i thig le dang
sku bdun lhun gyis grub pa'i thig le'o
de ltar thig le lnga dang sku lnga dag tu sbyor
de ltar bcu phye yab yum bcu dang sbyar
de las ye shes 'byung ba gang zhe na
de yang lnga lngar shes par bya
zhes bka' stsal to
de nas yang gsang ba'i bdag pos zhu ba zhus pa
e ma ho
thugs rje chen po dang ldan pa
de'i dbye ba rnam gsum gsung du gsol
zhes zhu ba zhus so
de nas yang bka' stsal pa
e ma ho
gsang ba'i bdag po nyon
ye shes rnam pa lnga yang lnga lnga ste
ye shes nyi shu rtsa lngar shes par gyis shig
de yang gang zhe na
'di lta ste
dbyings kyi ye shes dang
chos kyi dbyings kyi ye shes gnyis
dbyings rnam par dag pa'i ye shes dang
dbyings chen po'i ye shes dang gnyis
dbyings thams cad gnyis su med pa'i ye shes dang lnga'o
me long lta bu'i ye shes dang
376
me long chen po'i ye shes gnyis
rtog med gsal ba'i ye shes dang
rtog med dangs pa'i ye shes gnyis
gsal ba 'dzin med chen po'i ye shes dang lnga'o
mnyam pa nyid kyi ye shes dang
mnyam pa nyid ma 'gags pa'i ye shes gnyis
mi g.yo ba mnyam pa nyid kyi ye shes dang
mi 'gag pa mnyam pa nyid kyi ye shes gnyis
ci la yang mi gnas pa mnyam pa nyid kyi ye shes dang lnga'o
so sor rtogs pa'i ye shes dang
don thams cad rab tu 'byed pa'i ye shes gnyis
rtogs pa skad cig mar skye ba'i ye shes dang
sgra thams cad rnam par gsal ba'i ye shes dang gnyis
sgra dang tshig la mi gnas par go ba'i ye shes dang lnga'o
bya ba grub pa'i ye shes dang
bya ba thams cad byed pa'i ye shes dang gnyis
bya ba la mi gnas pa'i ye shes dang
bya ba btang ba'i ye shes gnyis
sgro 'dogs thams cad gcod pa'i ye shes dang lnga'o
dhi mu a
rigs kyi bu de ltar gong bzhin rtogs nas shes pa'i dus na
377
de las zer 'byung ste
nyi zla lta bu'i zer dang
srin bu me khyer lta bu'i zer dang
me mar lta bu'i zer dang
snang ba zer dang bcas par snang ngo
rigs kyi bu de ltar go zhing rtogs nas shes pa'i dus gcig na
'di skad bdag gis thos pa'i dus gcig na
zhes bya'o
de'i don la ma yengs mi gnas pa'i rig pa shar nas rang la rang gis rtogs pa ni
'di skad bstan pa'i dus gcig na zhes bya'o
de ltar shes nas mos pa'i 'khor rnams la bstan pa'i phyir na
'di skad bdag gis bstan pa'i dus gcig na
zhes 'byung ngo
kye grogs po dag bstan pa 'di la gnas pa'i gang zag rnams la de bzhin du byos shig
de ltar shas pa'i rigs kyi bu de ni mya ngan las 'da' phar 'gyur ro
kye rigs kyi bu skyes bu de la snga rtags 'di dag 'byung ste
de yang gang zhe na
'di lta ste
gcig pur bsdad na nyams dga' ba dang
lus shing bal gyi 'dab ma ltar yang pa dang
mi dang 'grogs snying mi 'dod pa dang
378
nam mkha' la 'phur snyam byed pa dang
snang ba 'di 'gags nas dag pa'i 'du shes dang
lus dang srog la yang mi chags pa dang
snang ba gang la yang yid mi 'jug pa dang
shes pa mi bying bar gsal ba dang
shes pa ngang gis dal ba dang
'grogs na bde ba dang
nyon mongs thams cad gang yang ldang mi nus pa dang
nyon mongs langs kyang rtog par mi 'dzin pa dang
gzugs sdug pa la chags pa mi skye ba dang
gzugs mi sdug pa la zhe mi sdang ba dang
ting nge 'dzin gyis nus pas zas skom gyi 'du shes mi skye ba dang
mi dang 'grogs nas kyang pha rol gyi sems dang ci mthun byed pa de ni
snang srid sgyu mar shes pa'i chos nyid rtogs pa'i phyir na
379
yongs sum ngan las 'da' ba'i snga rtags so
mya ngan las 'da' ba de la yang gnyis te
yang dag par rdzogs pa'i sangs rgyas dang
mngon par rdzogs par sangs rgyas pa'o
de yang yang dag par rdzogs pa'i sangs rgyas ni
phung po lhag ma med par sangs rgyas pa'o
mngon par rdzogs par sangs rgyas pa'i skyes bu de la
'od dang
sgra dang
sku dang
gdung dang
sa g.yo ba la sogs pa 'byung ngo
'od la yang rnam pa gnyis te
'od khyim gyi tshul du 'byung ba dang
'od gyen du 'grengs te
skas ka'i tshul du 'byung ba dang
'od khyim gyi tshul du byung na
zhag lnga nas brtan pa thob ste
mngon par rdzogs par 'tshang rgya'o
'od skas kyi tshul du 'byung ba ni
zhag bdun nas brtan pa thong ste
mngon par rdzogs par 'tshang rgya'o
sgra la yang gnyis te
'ur gyis byung na zhag bdun nas brtan pa thob ste
mngon par rdzogs par 'tshang rgya'o
thug gis byung na zhag bcu bzhi nas mngon par rdzogs par 'tshang rgya'o
gdung la lnga ste
kha dog mthing ga ni rnam par snang mdzad kyi zhing khams su skye ste mngon par rdzogs par sangs rgyas pa'o
kha dog dkar po ni rdo rje sems dpa'i zhing khams su mngon par rdzogs par sangs rgyas pa'o
380
ser po ni rin chen 'byung ldan gyi'o
dmar po snang ba mtha' yas gyi'o
ljang gu don yod grub pa'o
bdog sna tshogs su byung na
sku lnga'i sa la lhun gyis grub pa'o
sku la ya nga gnyis te
zhi ba'i sku dang
khro bo'i sku'o
zhi ba'i sku byung na snang ba 'di 'gags ma thag tu brtan pa thob ste
sprul pa'i sku 'byin mi nus so
khro bo'i sku byung na de nyid la brtan pa thob ste
zhag nyi shu rtsa gcig nas sprul pa'i sku 'byin par nus so
rtags de rnams ma byung na skye ba gcig gis thogs te
yang de bzhin mi 'byung mi srid do
de bzhin du sgra dang
'od dang
gdung dang
sku dang
tha na ring bsrel yan chad 'byung ngo
zhes rdo rje sems dpa' snying gi me long gi rgyud chen po
gsang ba yang khol du phyung ba'i rgyud chen po las
rtags dang mtshan ma bstan pa'i le'u ster bdun pa'o
@8
de nas bcom ldan 'das kyis 'khor rnams la 'di skad ces sgra bsgrags so
ba dzra rdo rje sems dpa'
mun sha sa ri
381
sa na dhi dar pa a a
zhes brjod pas 'khor rnams kyis yang dag pa'i don thugs su chud do
de nas yang 'di skad ces bsgrags so
bud dha sar ba dha thim dha thim a lam kam bha i ha i ha om a hum a na
zhes brjod nas mi snang ba'i ngang du gshegs so
de nas yang gsang ba'i bdag pos 'di skad ces gsol to
kye ma kyi hud thugs rjes zung
zhes gsol pa dang
nam mkha' nas sgra 'di bsgrags so
382
sha sa ma 'a
om a hum
ba dzra pa ni sar ba dha ha ni e bha sa pa dha dha hum hum a a
zhes sgra bsgrags nas cang med do
de nas gsang ba'i bdag po la byang chub sems dpa' ro langs bde ba la sogs dang
thub pa drug gis 'di skad ces gsol to
ston pa mi snang ba'i ngang du gshegs na rgyud 'di ci ltar gzung bar bgyi
zhes gsol to
gsang ba'i bdag pos bka' stsal pa
rgyud 'di'i mtshan ni
rdo rje sems dpa' snying gi me long gi rgyud ces bya bar ming thogs shig
383
zung zhig
yang rgyud chen po 'di snang ba ston pa zhes bya ba'i yang zung zhig
yang thams cad kyi don 'grol ba chen po zhes bya bar zung zhig
dgongs pa kha skong gi rgyud chen po zhes bya bar yang zung zhig
kye thub pa chen po'i 'khor rgyud chen po gsang ba rmad du byung ba 'di ni 'jig rten du 'byung bar dka'o
de'i phyir na bstan pa'i snying po 'di rab tu chongs shig
don thams cad skye ba med pa'i dbyings su skyol cig
ma 'ongs pa'i sems can rnams la de bzhin du ston cig
byang chub lam gyi sgron ma ngo shes par gyis shig
chos thams cad brjod pa dang bral ba'i ngang ru bsdus shig
rgyud thams cad yi ge med pa chen po'i rang gi rig pa'i rgyud chen por skyol cig
lung thams cad bstan du med pa'i rtsa ba'i lung chen por skyil cig
384
man ngang thams cad brjod gzhi dang bral bar skyol cig
bsgrub pa thams cad bya byed dang bral bar skyol cig
spyod pa thams cad ma bcos pa'i mchog chen po dang ldan par skyil cig
bsgom pa thams cad gsal 'gri pa 'dzin pa med par skyol cig
lta ba thams cad zang thal cir yang ma chags par skyol cig
'bras bu thams cad ye shes chig chod chen por skyol cig
de rnams thams cad mi gnas pa'i klong du dril cig
'khor ba'i bya ba thams cad thong zhig
ye shes kyi snang ba la rtag tu 'dris par gyis shig
ye shes 'chang ba'i dus shes par gyis shig
bstan pa thams cad kyi snying po 'di yin par shes par gyis shig
bar ma do la rang gi snang ba ngo shes par gyis shig
385
gzhi'i chos thams cad ngo bo rang bzhin thugs rje gsum du shes par gyis shig
lam gyi chos thams cad sku lnga ye shes lnga ru shes par gyis shig
'bras bu'i chos thams cad sku gsum phyir mi ldog pa'i 'bras bur shes par gyis shig
ngo bo'i chos thams cad gzhi stong par ngo shes par gyis shig
rang bzhin gyi chos thams cad gsal bar shes par gyis shig
thugs rje'i chos thams cad kun la khyab par shes par gyis shig
ye shes kyi chos thams cad ma 'dres par shes par gyis shig
'od kyi chos thams cad 'dzin pa med par shes par gyis shig
zer gyi chos thams cad spro bsdu med par shes par gyis shig
386
rig pa'i chos thams cad bdag rtog gi blo dang bral bar shes par gyis shig
de bzhin du chos thams cad 'gag pa med par skyol cig
'gag pa med par cir yang snang bar skyol cig
cir yang snang ba skye ba med par skyol cig
skye ba med pa 'gro 'ong med par skyol cig
'gro 'ong med pa gnyis su med par skyil cig
gnyis med gsal ba mtha' grol chen por skyol cig
de bzhin du chos thams cad cir yang mi rtog mi sems par skyol cig
chos thams cad gsal lam yengs par skyol cig
ces brjod nas gsang ba'i bdag po yang mi snang ba'i ngang du gshegs so
de nas yang nam mkha' las sgra 'di skad grags so
ba dzra
387
pa ni dha tu shi hi ri ma ha sa ni ha dhar ma rat na ma la a sing a dha tu sha a dha du sham la a a u
zhes rdo rje sems dpa' snying gi me long gi rgyud chen po las
rgyud yongs su gtad pa'i le'u ste brgyad pa'o
de nas mkha' 'gro ma'i tshogs rnams rang rang gi 'khor rnams la 'di skad ces gdams so
rgyud 'di'i me la tsho bya'o
dam tshig nyams pa rnams kyi gshed ma bya'o
zhes gdams nas nga rgyal gyi sgra 'di skad bsgrags so
ra go na sa ma ya snying phyung bhyo bhyo
zhes brjod nas mi snang ba'i ngang du gshegs so
388
byang chub sems dpa' sems dpa' chen po lha'i bu log rtog sel byed la sogs dang
thub pa drug dang
mi ma yin gyi 'khor rnams rjes su yi rang zhing mngon par bstod do
zhes rdo rje sems dpa' snying gi me long gi rgyud ces bya ba yang gsang gab sbas kyi rgyud rdzogs pa chen po gtan la 'bebs pa
bcom ldan 'das gzhon nu dpa' bo stobs ldan gyis dur khrod chen po me ri 'bar bar gsang ba'i bdag po la sogs pa rnams la rang rang gi rig pa dngos su bstan pa'i bka' dam pa
gsang ba'i rgyud chen po rdzogs so
rgya rgya rgya
mkhas pa chen po bi ma la mi tras sgra rang 'gyur du gsungs pa'o
sngags kyi srung mas srungs shig
'grel pa don 'grel phra bkod bya ba yod
snying gi me long nyid la ma bu bzhi
dge'o dge'o dge'o