Rano

nadpis	Rano
awtor	Jakub Bart-Ćišinski
lěto
žórło	Zhormadźene spisy I, Ludowe nakladnistwo Domowina, 1971
licenca	public domain

Kelušk, kruće zawrjeny,
k zemi zrudnje zwónčki kłonja;
róže, połne zrudoby,
po łopješkach sylzy ronja.

Słónčko młode wutoći,
skoku róžam žarowatym
strěje sylzy, rozkoči
kelušk zwóčkam třepotatym.

Kěrluš kwětki radostny
přez zelene hórki ronja:
»Kerluš něhdy dobytny
zanjesu, kiž w rowach sonja.«