Quanto mai ho dato marito alle sorelle
Carl'Alfons Pelliscion (1734-1818)
Quanto mai ho dato marito alle sorelle
Quant mai hoo maridaa quij do sorell!
Pover mi!... Pover mi!... Ghe sont daa dent!
M'han faa cress ona troppa de parent,
che no fann olter che cavamm la pell.
Incoeu gh'hoo quest ai spall; doman gh'hoo quell;
che è no me lassen requïà on moment!
E gh'hoo in cà mia tant de quella gent
che me solassen el granee e el vassell.
Besogna che proveda mi tutt coss:
el ris, ch'el costa tant al di d'incoeu,
che, domà quest, per mì l'è un dagn ben gross;
e poeu voeuren camis, voeuren lenzoeu,
voeuren de fa di vest e, de maross,
besogna mantegnigh anca i fioeu.
E on pover pretascioeu
come sont mi, dov'hal d'andà a salvass
con tant sanguett, che sciscia, e tant solass?
Se la va de de sto pass,
han de vedè el sur Carla de Soree
a fa la mort de Sant Bartolamee!