Quant chu par timp piarduut senze pinsijr
Quant chu par timp piarduut senze pinsijr
io pensi chiaar Nator a chel caprici
cu senze fondament ni mens judici
des voltis nus faas trai qualchi suspijr
io no pues faa si ben maal vulintijr
di no confessaa al me n ch’al sei miez vici
a dij a pericul d’un taal precipici
par unne chu d’un cont zà fo muijr.
Ce podino speraa io dij biel sool
mischins ce pinsijrs vino in tal cerviel
ch’a nissun muut no puedin vee l’ so effiet.
La fantasie a l’hore pie un svool
e mi salte parsore lu chiapiel
cerchiant dami speranze al mio dispiet.
Par chest senze suspiet
di nuie chu nus podes rompi la strade
sirvin la nuestre bielle inemorade.