Quand finiràel, Jaroni, chest unviar
Jump to navigation
Jump to search
Al Signor Co. Girolamo N. N.
SONETTO
QUAND finiràel, Jaroni, chest unviar,
Che al mi fàs cussì spess soflà sul piz;
Se nuje mi slontani vie dai stiz,
Senze lussurie m'induriss la chiar.
Par schiampà tant rigor, pene d'infiar,
Jò mi sòi ritirat cajù in Guriz,
E mi brustùli come un pitiniz,
Chiazzat dongie un bon fuuc di roul e uar.
Ma se un poc mi discosti, eco t'un prest
Sint che lu fred es vìssaris mi rive,
E mi fàs di galop tornà al miò puest.
Se mi schialdi il schenal, glazzi la pive,
E no chiati rimiedi miei di chest,
Di stà in te cove dongie une piel vive.