Puna Paia ʻAʻala
Iā Puna paia ʻaʻala
Pili mau na ke ona ona
I laila ke kāunu ana
Kau pono ana na ka manaʻo
Hui:
Puna paia ʻaʻala
Kilihea i ke onaona
Ona wela i ke aloha
Ua lawa iā ʻoe me aʻu
Hoʻohihi i ka nani
Pua mai a ka lehua
Ānehe au e kiʻi
I pua kau no kuʻu umauma
ʻO ka ʻike kēia
ʻO wau nō kou hoa like
Pelā iho hoʻi kāua
Ke ano laʻi mai nei ka ʻōpua
Hai lohi ka manaʻo
Loliʻi nā pua i ka ʻiu
Kali ana hoʻolono i ka leo
A hea mai e hoʻokomo wau
|
This work was published before January 1, 1929, and is in the public domain worldwide because the author died at least 100 years ago. |