Preparativos pa la proclamación de Carlos IV n'Uviéu

by Enrique García Rendueles

Malamán que vos fuestes miós hermanos
Cuando el Rey ños unvió tanta folgancia,
Que todos anden llocos á dos manos .

El q' era home de pesu no ha sostancia ;
Hoy el q' ayer fó serio , salta y brinca ,
Y todu el mundu , fechu 'stá una Francia .

Y , la probe de mín , non fago trinca ,
Ñin me puedo allegrara , ñin ye posible
Q' afaye suelu , ñin en que fer finca.

Pos anque 'l Rey ye bonu y pacetible ,
Y esperen meyoranza aqueso é cuentu :
Cuantu ven los miós güeyos ye 'spantible .

Agora ya baxó el cinco por cientu
Q' echa pel mundiu á probes y señores ,
Esto he , al primer tapón el zurramientu .

Pésie el alma al rexente y oidores ,
Que cabo el Rey están , y ñon dan traza
D' echar á meyor sen estos llabores .

Non vieren los nacidos e na plaza
Mayor carencia de maíz y escanda ;
Non hay quien abarate una fogaza .

Ayeri afayé yo cab' el Postigu
Una probe muyer aflaquecida ,
Y dos ñeñinos que traia consigu .

De fame está la xente espavorida ;
Les llégrimes no mas tién por vianda ,
Y non puede ya á cuestes co la vida .

Hay con todu , señora llevantada ,
Que trai de plata y oru los pequinos .
Y un gorru que parez fuelle d' escanda .

Y coses que asemeyen puercuspinos ,
Y de pelra y coral les arracades ,
Y de seda con llazos los chapinos .

Si a' questa vixordera y otres tales
Les pasaren el Riu de la Plata .
Quiciás foren menores ñuestros males .

Y otru tantu habin fer co los tunantes
Q' anden pe la ciudad espantayados ,
Rompiendo guerindoles , seda y guantes .

Mal hora ñon . aquestos armentíos
Denyure facen falta ; y metaniques
E na igresia presenten sos guedíos .

Pero quiero dexar les rapacique ;
Que primero que falten estes tales ,
Dexarán de venir les andariques .

Ora vólvio á falar de fiestes Riales ,
Q'a todos alboroten la mollera
Y ñunca hebo entamades otres tales .

Dicen q' haber xiraldes y foguera ,
Carretíes y coetes remoscones ,
Y un castiu que lleva muncha xera .

D' aquisti Prencipadu los mandones
Cadún lo quier llocir por el so lladu ;
Les cases han d'echar pe los balcones .

Mas gran borricu so : yo estoy pasmadu .
¿ Cómo festeyu habrá ñi emparamientos ,
Si todo el señoríu está entorniadu ?

Fexeron más de cien ayuntamientos ,
Sobre quien ha facer la espantayada ,
Y todo ye reburdios y espamientos .

El que lleva el pendón tien agarrada
La alferecía , don de Carlos quintu ,
Que fó a Villaviciosa en madrugada .

Lutru señor que cueye el vinu tintu ,
Y mora cab' un riu , mui arteru
Pa fer coples de munchu laberintu ,

Tien l alferazgu , y tienlu con tal fueru
Q' él solu ¡ xuro a tal ! ha decir viva
Desd' el cimeru Rey, al Rey caberu .

Cadún d' entrambos quier quedar enriba ,
Y cadún quíer ser Rey ; q' en puntos tales ,
La gafura del diablu n' esto estriba ,

El quintu Carlos que los fexo iguales ,
Si al uno quixoo dar l' alferecía
Y Ilibralu con ella d' alcabales ,

Bien pudo dar al otru pelresía
O la gota coral coral y os aforraba
Tanta androminación d' algaravía ,

Mas el Rey d' aquel tiempo non cuidaba
Habín tener tan grandes marroquines ,
Nin dexar de facer lo q' el mandaba .

Ello ye que parecen dos foínes
Dempués que pe la noche esgatuñaren ,
Y al cabo non toparen les gallines .

Meyor fora en verdá que se dexaren
De gastar el dineru en angulemes ,
Y en Ilimosna de probes lo gastaren .

Mas allá ios les habia con sos temes ;
Que yo tantu ios doi ansí q' andando ,
Como del pueblu cuiden en dacuando .