Prefere ante kam pose

Olim, Nasrudin donis krucho ad un de sua filiini por ke el irez cherpar aquo del fonto. Kande el esis pronta ekirar la domo, il forte vango-frapis el e dicis ad el:

--Marchez maxim sorgoze e ne ruptez la krucho!

Amiko di Nasrudin, qua esis ibe, dicis ad il:

--Ye kelka foyi, tua ago-maniero semblas a me esar advere ne-yusta. Pro quo tu vango-frapabas tua kompatinda filiino?

--Me vango-frapabas el justa-tempe --Nasrudin komentis--. Qua utileso havus mea vango-frapo, se me vango-frapus el pos ruptir la krucho?