Pitla Storia bibia/N37

L Spirt sant vën ju sëura i apostuli.

I apostuli ie jic a Gerusalem tla sala de chëla cësa, ulache i abitova per l solit. Iló fajovi deberieda urazion; pra d'ëi fovel nce Maria, l'oma de Gejù y d'autri si sculeies. L n fova daujin da cënt y vint persones. L dezimo di, che i fova adum a fé urazion, iel ten iede unit dal ciel n rausciamënt, sche canche n vënt śëna cu na drëta forza, y à mplenì duta la cësa, ulache i apostuli fova abinei. L ie cumparì lënghes sche de fuech y se lasciova sëura sun uni un de chisc. Y duc ie deventei plëns di Spirt sant y à scumencià a rujené diverscia lingues.

Canche jënt à audì chësc rausciamënt, sautovi spaventei da caprò pra la cësa, ulache fova i apostuli. Śën ie leva su Piere y à scumencià a perdiché, che Gejù ie ressuscità da mort y ie stat auzà ala man drëta de Die. Nsci iel uni tëut su tla Dlieja n chël di zirca trëimile anes.