Pitla Storia bibia/N30

Gejù vën metù sula crëusc.

Ntëur mesdì ie ruvà Gejù sul mont de Calvaria. I saudeies ti à dat da bëiber vin, che fova mescedà cun fiel. Gejù l à ciarcià, ma l n'à nia ulù n bëiber. I saudeies i à śën zarà demez l guant y l à batù sula crëusc.

Cun ël ài nce metù sula crëusc i doi ladrons, un da man drëta y l auter da man ciancia, ma Gejù tamez.

Po' à i saudeies tëut ca l guant de Gejù y à fat cater pertes dainora, per uni saudé na pert. Ma la rocia de Gejù, che fova zënza cujadures y dut un tòch, n'ulovi nia taië n pec. I saudeies dijova ntra ëi: No la taion, ma tulon la busca, a chi che la i toca! Po' se ai sentà ju y fajova guardia a Gejù.

"L m'à amà y se à dat ca sé nstës per mé."

O aniel de Die, che te toles demez i picëi dl mond, ebes pietà de nëus!