Per nozze
Passaritt, che cippee per la campagna;
che andee in amor, voland de brocca in brocca;
questa chi l’è la volta, che ve tocca
de fa la part di piffer de montagna
Guardee sto spos. guardee la soa compagna,
passaritt anca lor, ma in gippa e socca...
e, poeu, vuj che disii, de vostra bocca,
se, a dav di pont, no hin lor che le guadagna!
Giovin e bej tutt duu come duu fior ;
tutt duu tajaa sul mèder che conven
per trovass a livell in tra de lor;
miss al mond e cobbiaa per voress ben...
Passaritt, che, cippand, andee in amor,
demm a tra a mi!... Scondev la berta in seni