Per la Prima Messa di Padre Basilio Ghedina
Per la Prima Messa di Padre Basilio Ghedina.
Padre Basilio, ancuoi scusà ve preo,
se un pormai d' anpezan algo el vó dì
Aé scelto un mestier che 'l é un dei meo
ma che ades 'l é difizile che mai pì
Da conbate aré col fariseo
col rico, el prepotente duto l dì
aré da struscià, ce mai cardeo?
col diou, col mondo e ancora no sei ci!
Ma se sé forte, se portà vitoria
se baté duro e staré a chel ch' é scrito,
aré co 'l é un dì na pì gran gloria!
Sé poereto se umil voré stà in fondo
e aé rajon, parcé che Cristo à dito
che el so regno no 'l é de chesto mondo!