Per Giuseppe Miribung (Śepl)
Per Giuseppe Miribung (Śepl)
Mi caro y bun
Sepl da Mirbun,
Sce t' os gní n bun patrun
sce sideste dagnora bel valënt
insciöche t' es sté finora presënt.
Tö t' as imparé a lí bel todësch
Y bel talian.
Tö sas scrí ince bel plan plan
Y po: chësc me plej dër cotan.
Cun l' imparé la dotrina amënt
ne sunsi nia ma dër contënt.
Mo iö me pënsi che tö te sides
chësc ann che vëgn
chël tan plü d' arjënt.
Tö t' as schivé dai poc
y dal ce da müsc, chël burt cotal
y por chësc aste l' eminënza
tra i scolars da La Val.