Pened hiela S. Spielmann gasede: Volapükabled Tälik

Melak aigloföl in vp e pato dinad, das sis pübam vpa-lekaleda obik getob lensäkis lemödik tefü vp, kodom obi damanifön len lulul balid ayela volapükabüri is, kel, dünöl säke vpa, spetiov volapükeles, diseinom lepatiko sukölosi:

1. givön nunis dö lensäks valik tefü vp;
2. medön bonedamis gasedas volapükik;
3. komedön bukis volapükik e befulön atis;
4. pesevamön ladetis vpelas, kels binoms löbik kälön melaki penedik u mudik.

Se ploglam at blefik udalogol, das büo mutob gebön yüfi redakas lestimik in beginam obik. Sikod dalob obe atoso säki plütik, va binol löbik, yufön obi pötatimo ko nüns, kösekön vpabüre obik lenunis pötik (noti u ninsädi) in bled divik ola e gevön obe bonedami glatik de “ Volapükabled tälik „ paredaköl fa ol.

Wien, 1888, 4^ul 7^id.

SPIELMANN.

Se Volapükabled Tälik 1888, Nüm: 6, Pads: 46-47.