Pened hiela H. Guigues gasede: Volapükabled Tälik 4

Xams bevünetik al dagetön dipedi spodala elaboms ayelo plöpi klatik. Pösods lemödik netas valik edunoms nepökiko sugivis pemboöl fa volapükaklub flentik.

Sulogels ogetoms omulo, latüno, dipeids e yelabukis kelis omütoms degivön spetivo peloreles omsik. Nems atas popüboms niliküno in timapenäd flentik. Yelabuk oninom i nemi e ladeti pedipedelas de äyelo e ayelo.

Steifalam bevü flentels al dagetön könadis ezitom äfolul 22^id in Paris. Kosteifels epenotoms yegi suköl: Poed li-mütom pakulivön in volapük? Pösods mödik epenoms penotis nolelik in volapük kleilik e balik. Nems pekönadelas opuboms i in timapenäd söla Kerckhoffs. Sedilam könadas ozitom in olasam valemik volapükakluba flentik.

Danobs milna sulogelis pro dunöf, kapäl e yuf omas.

Des omälul 3^id, tidüps glatik e maniföfik volapüka ozitoms, vabalüdelo, sis düp 10^id jü düp 11^id gödela, in konsälöp Saint-Sulpice in Paris. Tidüps at potidoms spetivo fa plofeds suköl: H. Allaire, Guigues, Kerckhoffs, Roif, Roussey e läd Pallier.

Suflagobs netis valik posdunön obis al pakön spidikumo vobadi söla Schleyer.

Paris, 1888. 5^ul 14^id

GUIGUES.

Se Volapükabled Tälik 1888, Nüm: 6, Pad: 45.