Pened hiela A. de Jong söle: G. Ljusterdal 5
‚Leiden‛ 1951 prilul 24.
Nüm: 61.
- O söl lestümik!
No kanob sagön ole, vio pidob, das buks nog ai no ekömons. I nun olik, das bal bukas no dabinon in dabüköp: ‚E. J. Brill‛, stunükon obi. No suemob dini, bi sevob fümiko, das stok e gramata e vödabuka binon nog saidiko gretik! Alo spelob, das ugetol vüo bukis.
Kredob, das literat vönädik Vpa nog dabinon. Penolös dö din at söle: ‚Johann Schmidt‛ in ‚Weiszkrichen am Taunus‛ (Deutän), ‚Bahnhofstrasze‛: 20!
Ko glid flenöfik,
- olikan:
Vödem rigädik, neai pepüböl.