Pened hiela A. de Jong söle: G. Ljusterdal 12

‚Leiden‛ 1952 febul 7.

Nüm: 26.

O flen digik!

Binos gudik ad spodön semikna ko ods. Demü atos sedob ole potakadi at, ad nunön ole, das egetob penedi olik se Västerås! Ko dan egegetob bledili ko disein kluba polüglotik.

Nendoto ereidol, das lecifef Volapükakluba Nedänik eloveikon ad söls votik. Cifef nulik vilon liföfükön Volapükamufi. Ad bespikön säkädi at elevüdon limanis kluba ad kobikam valemik, kel pojenükon ün d. 16^id amula. Säkäd fikulik, bi val, keli viloyöv dunön, flagon moni.

Elabol-li vakeni plitik?

Ko glid ladöfik,

olikan:

Arie de Jong.

Vödem rigädik, neai pepüböl.