Par la politica ad certa gent
A stó mónd basta nò vess cavalier,
vess amis dâl Prefet e di pess gross,
manegià j'elession coi bei maner
pâr podè, quand la vegna, saltà 'l foss.
Nò. Bisogna vegh l'anima e 'l penser
fat pr'i rob grând e in dâl cervell quaicoss,
parlà sempr'a la gent frânch e sincer
e davânti ai pótent fass nò 'gnì 'l goss.
Nò streng tuta la vita e 'l nos da fà
a la manera dâ sbarcà 'l lunari
e d'andà innâns a furia dâ scaplà.
Vèd se la sciensa l'è dabon fallì,
cme i disan on quaidùn ai avversari
o s'l'è putost che lór l'han nò capì.