Paolina e il signor Silvestro

by Biagio Bellotti

Niol tosan da Busti hem ol da fà
che lengi di libri d'innamoà.
Hem da basœugn da firà di mezzetti
e dasvordì tiretti,
che a ra fen, se nost padri
pocca dotta m' vœur dà,
ghadagnam or nost vivi a lavoà,
ar contrario da chij chi tœu ra sciora,
che oltra a spendagh addré
chel poch chi portan a trè vœult pussé
a vistij in poncion,
i vœuran spassi e recreazion
tugg i comodità.
Se i stravi hin strecci, feghai pur slargà
par podé sur pù bel
voltà ben ur tir da quattro e andà in bordel.